फिलिप्‍पीऔ 3:5 - बुक्सा

⁵ जब मेरो खतना भओ तौ मैं आठ दिन को हो; ईसराइल के खानदान और बिन्यामीन गोत को हौं, इबरानिओ को इबरानी हौं, और अगर नियम के बारे मै कैंऐ तौ मैं फरीसी हौं।

फिलिप्‍पीऔ 3:5 Cross References

लूका 1:59

और ऐंसो भओ कै आठमे दिन बे बालक को खतना कन्‍नै आए और बाको नाम अब्बा के नाम के अनुसार जकरयाह रखल लगे।

लूका 2:21

जब आठ दिन पूरे भए, और उसको खतना कन्‍नै को टैम आओ, तौ उसको नाम ईसु रक्‍खो गओ, जौ नाम सुरगदूत नै उसके पेट मै आनै सै पैले कैओ हो।

लूका 5:38

इसताँई नओ अंगूरौं को रस नई मटकिऔ मैई भन्‍नो चँईऐ।

चेलौ के काम 22:3

“मैं तौ एक यहूदी आदमी हौं जो किलिकिया के तरसुस मै पैदा भओ, पलो और ऐरूसलेम मै गमलीएल के धौंरे पढ़ो और अपने बापदादौं के नियमौ कै अच्‍छे सै सीको। मैं बी परमेसर को ऐंसो भक्‍त हौं जैसे तुम अब हौ।

चेलौ के काम 23:6

जब पौलुस कै जौ पतो लगो कै बड़ी सभा मै आधे फरीसी और आधे सदूकी लोग हैं, तबई बौ जोर सै बोलल लगो कै, “हे भईयौ, मैं फरीसी और फरीसिऔं के बंस को हौं। मेरे ऊपर इसताँई मुकदमा चल रओ है कै मैं जौ बिसवास करौ हौं कै आदमी मरनै के बाद फिर सै जिन्‍दो होवै है।”

चेलौ के काम 6:1

उस बखत जब चेलौ की संखिया भौत बढ़ल लगी, तब यूनानी भासा बोलनै बारे लोग जौ सिकात करल लगे कै इबरानी भासा बोलनै बारे “हमरी भासा की उन बईयरौं कै जो राँड़ हैं, रोटी दैनै मै कानोबाँटो करै हैं।”

रोमियो 11:1

इसताँई मैं पूँछौ हौं, “का परमेसर नै अपनेई लोगौ कै छोड़ दओ है?” बिलकुल ना, कैसेकै मैं बी एक ईसराइली हौं, मैं इब्राहिम की औलाद और बिन्यामीन के गोत को हौं।

2 कुरन्‍थियों 11:22

इबरानी सिरप बेई ना हैं, मैं बी हौं। ईसराइली बेई ना हैं, मैं बी हौं। और इब्राहिम के खानदान के बेई ना हैं, पर मैं बी हौं।