फिलिप्‍पीऔ 3:3 - बुक्सा

³ कैसेकै हम जो सच्‍ची आत्‍मा सै परमेसर की बड़ाई करै हैं, हमई सच्‍चे खतना बारे हैं और हम सरीर की बातौं मै ना पर मसी ईसु मै गर्ब करै हैं।

फिलिप्‍पीऔ 3:3 Cross References

रोमियो 1:9

परमेसर जिसकी सेवा मैं पूरे मन सै करौ हौं और जिसके लौंड़ा की अच्‍छी खबर मैं देवौ हौं, बौई मेरो गभा है कै मैं कैसे कैसे तुमकै हमेसा याद करौ हौं।

रोमियो 15:17

जो सेवा मैं परमेसर के ताँई करौ हौं उसकी मैं ईसु मसी मै बड़ाई कर सकौ हौं।

रोमियो 7:6

मगर अब हम उन बातौं के ताँई मर गए हैं, जो हमकै बन्‍दी बनाए भए हीं। इसताँई हम नियम सै आजाद हो गए हैं। और अब हम लिखे भए नियम के पुराने रस्ता सै ना, बलकन आत्‍मा की नई रस्ता सै परमेसर की सेवा करैं हैं।

रोमियो 8:15

कैसेकै बौ आत्‍मा जो तुमकै मिली है, फिर सै दास बनानै या डरानै के ताँई ना है, बलकन बौ आत्‍मा तुमकै परमेसर की गोद लेई भई औलाद बनाबै है। जिस्सै हम “हे अब्बा, हे पिता” कैह कै परमेसर कै बुलाबै हैं।

रोमियो 8:39

ना ऊपर ना नीचे, और ना दुनिया की कोई बी चीज हमकै परमेसर के उस पियार सै दूर ना कर सकै है, जो हमकै परभु ईसु मसी सै मिलै है।

रोमियो 9:6

इसको मतलब जौ ना है कै परमेसर नै अपनो बचन पूरो ना करो है, कैसेकै ईसराइल के बंस मै पैदा सबई लोग सच्‍चे ईसराइली ना हैं।

2 कुरन्‍थियों 11:18

कैसेकै भौस्से लोग अपनी जा दुनिया की जिन्‍दगी के ऊपर घमंड करै हैं, तौ फिर मैं बी घमंड करंगो।

गलातिऔ 5:25

कैसेकै जब हम पबित्‍तर आत्‍मा दुआरा जिन्‍दे हैं, तौ जैसो आत्‍मा बोलै है, हम बैसोई करैं।

गलातिऔ 6:16

और जो लोग जा नियम कै मानै हैं उनके ऊपर और परमेसर के ईसराइली लोगौ के ऊपर सान्‍ति और दया होती रैह। ऐंसोई होए।

इफिसिऔ 6:18

और तुम हमेसा आत्‍मा मै हर तरै सै पिराथना और बिनती करते रौह, और चौकस रैहते भए हर बखत पक्‍के रैहकै सबई पबित्‍तर लोगौ के ताँई पिराथना करते रौह।

फिलिप्‍पीऔ 1:1

जौ चिट्‌ठी मसी ईसु की सेवा कन्‍नै बारे पौलुस और तीमुथियुस की ओर सै, फिलिप्‍पी मै रैहनै बारे मसी ईसु के सिगरे बिसवासी लोगौ कै और मुखियौं कै, और सेवकौ कै,

फिलिप्‍पीऔ 3:12

इसको जौ मतलब ना है, कै मैं अपनो मकसद पूरो कर चुको, या सिद्‍द हो चुको हौं, पर बा मकसद कै पूरो कन्‍नै के ताँई अग्गे बढ़तो जाबौ हौं, जिसके ताँई मसी ईसु नै मैंकै अपनो बनाओ है।

फिलिप्‍पीऔ 3:14

और मैं अपने मकसद की ओर भाजो चलो जाबौ हौं, ताकि मैं मसी ईसु की बजै सै सुरग मै बौ ईनाम पा सकौं, जिसके ताँई परमेसर नै मैंकै ऊपर बुलाओ है।

कुलुसिऔं 2:11

और बाई मै तुमरो खतना बी भओ है, बौ खतना आदमी को ना है, बौ तौ मसी को है जिसके दुआरा पाप बारो सरीर लिकारकै फैंक दओ जावै है।

यहूदा 1:20

पर हे पियारे लोगौं, तुम अपने पबित्‍तर बिसवास मै बढ़ते रौह और पबित्‍तर आत्‍मा की सायता सै पिराथना करते रौह।