फिलिप्‍पीऔ 3:15 - बुक्सा

¹⁵ हम्मै सै जितने लोग सिद्‍द हैं, उन सबई की जौई सोच होनी चँईऐ और अगर किसी बात मै किसी की अगलई सोच होगी तौ परमेसर तुमकै इसके बारे मै परकट करैगो।

फिलिप्‍पीऔ 3:15 Cross References

मत्‍ती 5:48

इसताँई तुम सिद्‍द बनौ, जैसे तुमरो सुरग मै रैहनै बारो अब्बा सिद्‍द है।

लूका 11:13

जब तुम बुरे होते भए बी, अपने बालकौ कै अच्‍छी चीज दैनो चाँहौ हौ, तौ तुमरो सुरग मै रैहनै बारो पिता अपने माँगनै बारौ कै सबसै अच्‍छो ईनाम पबित्‍तर आत्‍मा काए ना देगो?”

यहून्‍ना 6:45

नबिऔ के लेखौं मै जौ लिखो है कै, ‘बे सब परमेसर की ओर सै सिकाए भए हौंगे। जिस किसी नै अब्बा सै सुनो और सीको है, बौ मेरे धौंरे आवै है।’

यहून्‍ना 7:17

अगर आदमी बौ कन्‍नो चाँहै, जो परमेसर की इच्‍छा है तौ बौ जौ जान जागो कै जो उपदेस मैं देवौ हौं बौ परमेसर को है, या मैं अपनी ओर सै देरओ हौं।

रोमियो 15:1

हम जो बिसवास मै पक्‍के हैं तौ हमकै उन लोगौ की बात सैहनी चँईऐ जो बिसवास मै कमजोर हैं। ना कै अपने आपकै खुस कन्‍नो चँईऐ।

1 कुरन्‍थियों 14:20

अरे भईयौ और बहनौ, तुम समज मै छोटे बालक ना बनौ, पर बुराई मै छोटे नादान बालक के हाँई बने रौह, और सोच-समज मै सिआने बनौ।

1 कुरन्‍थियों 2:6

तौबी मैं उनकै जो बिसवास मै पक्‍के हैं। उन लोगौ कै बुद्‍धि की बातौं कै सुनावौं हौं, पर ऐंसी बुद्‍धि की बात ना जो जा दुनिया की हैं और ना जा दुनिया के राजाऔं की, जो मिटनै बारे हैं।

गलातिऔ 5:10

मैं तुमरे बारे मै परभु मै भरोसो रक्‍खौ हौं कै तुम किसी दूसरी बातौं मै ना पड़ौगे। पर जो लोग तुमकै परेसान करै हैं, बे कोई बी काए ना हौं उनकै सजा जरूर मिलैगी।

इफिसिऔ 1:17

मैं जौ पिराथना करौ हौं कै हमरे परभु ईसु मसी को परमेसर जो महिमा सै भरो भओ अब्बा है, बौ तुमकै बुद्‍धि और परमेसर कै परकट कन्‍नै बारी आत्‍मा दे, जिस्सै कै तुम बाकै अच्‍छे सै जान सकौ।

कुलुसिऔं 1:28

हमकै जो गियान मिलो पड़ो है बाको परचार करते भए हम हर एक आदमी कै चौकस करै हैं, और गियान की बात सिकाबै हैं जिस्सै कै हम हर एक आदमी कै मसी मै मजबूत करकै परमेसर के सामने खड़ो कर सकैं।

कुलुसिऔं 4:12

इपफरास जो तुमरे हिंया को है, बौ मसी ईसु को सेवक है, तुमकै नमस्कार कैबै है। बौ तुमरे ताँई हमेसा जौ पिराथना करतो रैहबै है कै तुम परमेसर की सिगरी मरजी के बारे मै पूरे तरीका सै समजकै और पक्‍के होकै टिके रौह।

1 थिसलुनीकियौ 4:9

कैसेकै तुमनै एक दूसरे सै पियार रखनो परमेसर की ओर सैई सीको है, इसताँई एक दूसरे सै पियार कन्‍नै के बारे मै तुमकै कुछ लिखनै की जरूरत ना है।

2 तीमुथियुस 3:17

जिस्सै परमेसर को सेवक सिगरे अच्‍छे काम कन्‍नै के ताँई पूरे तरै सै तईयार रैह।

इबरानिओ 5:14

पर खानो तौ उन सिआनेऔ के ताँई है, जो समज को अभियास करते करते भले बुरे की पैचान करै हैं।

1 यहून्‍ना 2:5

पर जो कोई आदमी परमेसर के बचन कै मानै है, बामै सचमुच परमेसर को पियार सिद्‍द भओ है, तौ हमकै इस्सै पतो लगै है, कै हम परमेसर मै बने भए हैं।