फिलिप्‍पीऔ 3:11 - बुक्सा

¹¹ ताकि कैसे ना कैसे मैं बी मरे भएऔं मै सै फिर सै जिन्‍दो हो सकौं।

फिलिप्‍पीऔ 3:11 Cross References

लूका 14:14

तब तू धन्‍न होगो, कैसेकै उनके धौंरे तेरो बदलो चुकानै के ताँई कुछ बी ना है, पर तेकै धरमी लोगौं के फिर जी उठनै के टैम मै इस बात को ईनाम मिलैगो।”

यहून्‍ना 11:24

मारथा नै बासै कैई, “मैं जानौ हौं कै आखरी दिन मै जब मरे भए फिर जी उठंगे तौ बौ बी जिन्‍दो हो जागो।”

चेलौ के काम 23:6

जब पौलुस कै जौ पतो लगो कै बड़ी सभा मै आधे फरीसी और आधे सदूकी लोग हैं, तबई बौ जोर सै बोलल लगो कै, “हे भईयौ, मैं फरीसी और फरीसिऔं के बंस को हौं। मेरे ऊपर इसताँई मुकदमा चल रओ है कै मैं जौ बिसवास करौ हौं कै आदमी मरनै के बाद फिर सै जिन्‍दो होवै है।”

चेलौ के काम 26:7

और हमरे बारैह गोत जा बादे कै पानै के ताँई खुसी सै दिन रात परमेसर की सेवा करै हैं। हे राजा, जा आस की बजै सै यहूदी लोग मेरे ऊपर इलजाम लगाबैं हैं।

चेलौ के काम 27:12

कैसेकै बौ जघै जाड़े काटनै के ताँई सई ना ही, इसताँई भौस्से लोगौ की जौ सला ही कै फीनिक्‍स मै पौंच कै जाड़ो काटैं। जौ करेत के जिहाज रुकनै को ऐंसो अड्‍डा है जिसकी रस्ता दक्‍खन, पच्छिम और उत्तर, पच्छिम की ओर खुलै है।

रोमियो 11:14

ताकि किसी तरै सै मैं अपने लोगौ मै जरन पैदा करबाकै उनमै सै कईऔ कै मुक्‍ति दौं।

1 कुरन्‍थियों 15:23

पर सिगरे लोग बारी बारी सै जिन्‍दे करे जांगे, सबसै पैले मसी कै जिन्दो करो, और जब मसी फिर सै आगो तौ बे जिन्‍दे हो जांगे जो बाके हैं।

1 कुरन्‍थियों 9:22

और जो कमजोर हैं, उनके ताँई मैं कमजोर बनो कै मैं उनकै जीत सकौं। मैं सबके ताँई सबई कुछ बन गओ, जिस्सै कै मैं किसी ना किसी तरै सै कुछ लोगौ कै मुक्‍ति दिब्बा सकौं।

1 कुरन्‍थियों 9:27

पर मैं अपने सरीर कै मारपीट कै अपने काबू मै करौ हौं, कैसेकै कहीं ऐंसो ना हो जाऐ कै मैं औरौं कै परचार सुनाते सुनाते खुद निकम्मो बन जांऔ।

2 कुरन्‍थियों 11:3

पर मैं इसताँई डरौ हौं कै जैसे साँप नै हब्बा कै चालाँकी सै बैहकाओ हो, बैसेई कहीं तुमरे सच्‍चे मन और जो पियार तुम मसी सै करौ हौ बासै तुमकै भटका ना दै।

1 थिसलुनीकियौ 3:5

इसताँई जब मैंसै रैहओ ना गओ तौ तुमरे बिसवास को हालचाल जान्‍नै के ताँई मैंनै तीमुथियुस कै भेजो। कैसेकै मैंकै जा बात को डर हो कै कहीं सैतान तुमकै अपने लालच मै फसा ना लै और हमरी मैहनत बेकार चली जाय।

2 थिसलुनीकियौ 2:3

तुम कैसे बी करकै किसी के धोके मै ना अईओ, कैसेकै परभु ईसु के आनै सै पैले लोग परमेसर सै मौह फेर लंगे और बौ पाप को आदमी जिसको नास होनोई है, परकट होगो।

2 तीमुथियुस 4:8

अब सुरग मै मेरे ताँई धारमिकता को मुकट तईयार करकै रखर खाओ है और परभु जो सच्‍चो नियाय कन्‍नै बारो है। मैंकै बा दिन देगो और मैंकैई ना पर उन सबई लोगौ कै बी देगो जो पियार के संग बाको फिर सै आनै को पैंड़ो देख रए हैं।

इबरानिओ 11:35

बईयरौं नै अपने मरे भए लोगौ कै फिर सै जिन्‍दो पाओ, भौस्से लोग सताए गए, और आजाद होनो ना चाँहो। कैसेकै बे मर कै फिर सै जिन्‍दे होनै के बाद एक अच्‍छी जिन्‍दगी की आस रक्‍खै हे।

परकासन 20:5

जौ तौ पैलो जी उठनो है। और जब तक जे हजार बरस पूरे ना भए तब तक बाकी के मरे भए लोग जिन्‍दे ना भए।