फिलिप्‍पीऔ 2:15 - बुक्सा

¹⁵ ताकि तुम निरदोस और पबित्‍तर होकै टेड़े लोग और बुरे रस्ता मै लेजानै बारौं के बीच मै परमेसर की निरदोस औलाद बन जाऔ और आसमान के तारौं के हाँई चमकते रौहौ।

फिलिप्‍पीऔ 2:15 Cross References

मत्‍ती 10:16

“देखौ, मैं तुमकै भिड़ियौ के बीच भेड़ौ की हाँई भेज रओ हौं, इसताँई साँप के हाँई चालाँक और कबूतर के हाँई भोले बनौ।

मत्‍ती 17:17

ईसु नै कैई कै, “हे अबिसवासी और टेड़े लोगौ मैं कब तक तुमरे संग रैहंगो? कब तक तुमरी सैहंगो? बाकै हिंया मेरे धौंरे लाऔ।”

मत्‍ती 5:45

जिस्सै तुम अपने सुरग मै रैहनै बारे अब्बा की औलाद ठैरौगे कैसेकै बौ भले और बुरे दौनौ के ऊपर अपनो सूरज उगावै है, और धरमिऔं और अधरमिऔं दौनौ के ऊपर बरखा बरसावै है।

मत्‍ती 5:48

इसताँई तुम सिद्‍द बनौ, जैसे तुमरो सुरग मै रैहनै बारो अब्बा सिद्‍द है।

लूका 1:6

बे दौनौई धरमी हे। बे पूरे मन सै परभु की आगियाँऔ और नियमौ को पालन करै हे।

लूका 6:35

बलकन अपने दुसमनौ कै बी पियार करौ, उनके संग भलाई करौ। कुछ बी बापस लैनै की उमीद छोड़कै उधार दो। फिर तुमरे ताँई बड़ो ईनाम होगो; और तुम परम परमेसर की औलाद बनौगे, कैसेकै परमेसर कै जो धन्‍नबाद ना करैं हैं, और बुरे लोग हैं, परमेसर उनके ऊपर बी दया करै है।

यहून्‍ना 5:35

बौ तौ पजरतो और चमकतो भओ दिया हो, और तुमकै कुछ देर ताँई बाकी जोती मै खुस होनो अच्‍छो लगो।

चेलौ के काम 2:40

पतरस नै भौस्सी बातौं के दुआरा उनकै चितौनी दई और बिनती करकै उनसै कैई, “खुद कै जा खराब पीढ़ी सै बचाए रक्‍खौ।”

चेलौ के काम 20:30

तुमरे बीच मै ऐंसे लोग खड़े हौंगे जो चेलौ कै अपने पिच्‍छे कन्‍नै के ताँई घुमा फिरा कै बात कैंगे।

रोमियो 16:19

तुमरी आगियाँ माननै की खबर सब लोगौ मै फैल गई है, इसताँई मैं तुमसै भौत खुस हौं। मगर मैं चाँहौ हौं, कै तुम भलाई के ताँई अकलमंद, पर बुराई के ताँई भोले बनै रौह।

1 कुरन्‍थियों 1:8

परमेसर अन्‍त तक तुम लोगौ कै बिसवास मै मजबूत बनाए रखैगो, जिस्सै हमरे परभु ईसु मसी के फिर सै आनै के दिन तुम निरदोस पाए जाऔ।

2 कुरन्‍थियों 6:17

इसताँई सरब सकतिमान परभु जौ कैबै है कै, “तुम उन लोगौ के बीच मै सै लिकरकै अगल हो जाऔ और जो चीज असुद्‍द हैं उनकै ना छूँऔ, तौ मैं तुमकै अपनांगो। और मैं तुमरो अब्बा हौंगो और तुम मेरे बालक होओगे।”

इफिसिऔ 5:27

कैसेकै बौ अपने ताँई एक ऐंसी चमकदार बिसवासिऔ की मंडली बनाकै खड़ी कन्‍नी चाँहै हो जिसमै ना तौ कोई दाग, ना झुररी और ना कोई दोस हो, बलकन पबित्‍तर और निरदोस हो।

फिलिप्‍पीऔ 1:10

ताकि तुम अच्‍छी सै अच्‍छी बातौं कै परख सकौ जिस्सै कै मसी के आनै के दिन तक पबित्‍तर और सच्‍चे बने रौह।

फिलिप्‍पीऔ 3:6

मेरे भीतर इत्‍तो जादा हौसला हो कै मैं बिसवासिऔ की मंडली के लोगौ कै सताबै हो, और धारमिकता के बारे मै सबई नियम, और रीती रिबाजौ कै ऐंसे मानै हो कै मेरे ऊपर कोई दोस ना लगा सकै हो।

1 थिसलुनीकियौ 5:23

सान्‍ति दैनै बारो परमेसर खुदई तुमकै पूरी तरै पबित्‍तर करै; और तुमरी आत्‍मा, पिरान और सरीर कै हमरे परभु ईसु मसी के आनै तक निरदोस रखैगो।

1 तीमुथियुस 3:10

उनकै पैलेई परखनो चँईऐ और अगर उनमै कोई दोस ना लिकरै तौ तबई उनकै बिसवासिऔ की मंडली के लोगौ की सेवा कन्‍नै के ताँई रखनो चँईऐ।

1 तीमुथियुस 3:2

पर जो अगुबा है, बामै कोई गलती ना होनी चँईऐ और बाकी एकई बईयर होए, और अपने ऊपर काबू रखनै बारो होनो चँईऐ, और समजदारी सै रैहनै बारो और इज्जतदार होए और पौंहनेऔ की इज्‍जत कन्‍नै बारो, और लोगौ कै अच्‍छे सै सिकानै बारो होए।

1 तीमुथियुस 5:14

इसताँई मैं जौ चाँहौ हौं कै जो जमान राँड़ बईयरैं हैं। बे बिहा करैं और बालक पैदा करैं और अपने घरबार कै देखैं, और दुसमनौ कै बदनाम कन्‍नै को मौको ना दैं।

1 तीमुथियुस 5:20

जो लोग पाप करते रैहबैं हैं। उनकै सबई के सामने चितौनी दो, जिस्सै कै दूसरे लोग बी पाप कन्‍नै सै डरै।

1 तीमुथियुस 5:7

इन बातौं को बी हुकम देते रैहऔ जिस्सै कै कोई बी उनकी बुराई ना कर पाऐ।

तीतुस 1:6

पर हर एक मुखिया निरदोस होए और जिनकी एकई बईयर हो, जिनके बालक बिसवासी हौं और उनमै लुचपन और अनादर कन्‍नै को दोस ना हो।

तीतुस 2:10

चोरी चालाँकी ना करैं, पर सब तरै सै पूरे बिसवासी लिकरैं कै बे सब बातौं मै हमरे मुक्‍तिदाता परमेसर के उपदेस की सोबा बढ़ाऐं।

तीतुस 2:15

इन बातौं कै पूरे अधकार के संग कैह और समजातो, सिकातो और डाटतो रैह। जिस्सै कोई तेरी अनसुनी ना कर सकै।

इबरानिओ 7:26

ऐंसोई बड़ो पुजारी हमरे ताँई सई है, जो पबित्‍तर और खरो और बगैर खोट को और पापिऔं सै अगल और जिसकै सुरग सै बी ऊँचो रखर खाओ होए।

1 पतरस 2:12

जो लोग बिसवासी ना हैं उनके बीच मै तुमरो चाल-चलन अच्‍छो रैह, चाँहे बे तुमरे ऊपर गलत काम कन्‍नै को इलजाम बी लगाऐ पर तुमरे भले कामौ कै देक्‍कै नियाय के दिन बे परमेसर की महिमा करैं।

1 पतरस 2:9

पर तुम एक चुनो भओ बंस, राज कन्‍नै बारे बड़े पुजारी को समाज, पबित्‍तर लोग, और परमेसर के अपने लोग हौ। इसताँई तुम परमेसर की अच्‍छाई के बारे मै बोलौ, जिसनै तुमकै इन्धेरे सै अपनी एक अनौखी जोती मै बुलाओ है।

2 पतरस 3:14

इसताँई पियारे दोस्तौ, जब तुम इन बातौं की आस रक्‍खौ हौ तौ ऐंसी कोसिस करे करौ कै तुम लोग परभु की नजरौ मै बिना कलंक के और बिना गलती के बाके संग मेल-जोल रखे करौ।

परकासन 2:5

इसताँई याद कर, कै तू कहाँ सै गिरो है और मन फिरा और पैले के हाँई काम कर। अगर तू मन ना फिरागो, तौ मैं तेरे धौंरे आकै तेरे आरे कै बाकी जघै सै हटा दंगो।

परकासन 3:9

देख, जो सैतान की सभा के हैं जो अपने आपकै यहूदी कैबै हैं, पर हैं ना बलकन झूँट बोलैं हैं, देख मैं उन लोगौ कै आनै के ताँई मजबूर करंगो और उनकै तेरे पाँऐऔं मै गिरांगो और बे लोग जान लंगे कै मैंनै तेसै पियार करो है।