फिलिप्‍पी 4:6 - थुलुङ राई

⁶ हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

फिलिप्‍पी 4:6 Cross References

मत्ती 10:19

लावो गानीलाई चु़म्‍निलो हाम र्‍वामु, मा हेसाका जेमु र्‍वाक्‍साका मिम्‍ताम-सो़र्ताम मेबेनी। माम्‍चु़नीका गानीलाई जो़पा थारीका घ्रेट्‌पा सिजेम ग्‍वानी।

मत्ती 13:22

चु़दुगोनो झुक्‍पा भ्रल मेरामङा सो़, उहेमका माम्‍चु़नीकु सिजेम थो़सु़, लावो हाम पेपा-फसिक्‍पा र्‍वाक्‍साका मिम्‍ताम-सो़र्ताम नुङ खाप्‍चीचो़ दु़म्‍मु मालु़मिमका माम्‍चु़नीकु सिजेमथो़ न मेसोकु़। मेम्‍मा सिजेमका र्‍वामिम होप्‍माम दु़म्‍मु मेचाप्‍सु़।

मत्ती 6:34

मेम्‍मिमका दिकाम लागि मिम्‍ताम-सो़र्ताम मेबेनी। हेङालोने दिकाम लागि दिकाङा मिम्‍ताम-सो़र्ताम बेपा थारी रो। आनेपमिम दु़खा आनेपमिमकाम लागिङा छो़म ड्‍वासोट्‍पा बु।”

मत्ती 6:8

मेर्मिम होप्‍माम गानी मेदु़म्‍नी, हेङालोने गानी गुमीनुङ बिमु ङादोङा गानीलाई उहेम ल्‍वाकाम खेरेला बु, मेराम माम्‍चु़नी इनीमा पापका चमी।

लूका 10:41

लावो येशूका र्‍वाम्‍डी, “मार्था, मार्था, गाना हापा ल्‍वामिमकु दुथाम मिम्‍ताम-सो़र्ताम बोना, मा इ थो़मतेर्सी।

लूका 12:22

मेकोतिमा येशूका उनी सीसिपामिमलाई र्‍वाम्‍डी, “मेम्‍मिमका गो गानीलाई र्‍वाङु, इनी साम जु़ल्‍मु लागि हाम पेउ मा मिरो़मडा हाम फसिङु र्‍वाक्‍साका मिम्‍ताम-सो़र्ताम मेबेनी।

लूका 12:29

मेम्‍मिमका हाम पोमु हाम डुमु र्‍वाक्‍साका मेमाल्‍नी, मा मिम्‍ताम-सो़र्ताम वो मेबेनी।

लूका 18:1

येशूकु उनी सीसिपामिमका हेल्‍लो लोवो सो़म्‍दी बोमिनु़, मा उनी पाउ मेसोनु़ र्‍वाक्‍पा नका येशूका मेर्मिमनुङ ओराम सीसि-सो़म्‍दी र्‍वाम्‍डी:

लूका 18:7

हाम नेम्‍फु सिन्‍था माम्‍चु़नीकु नङडा सो़म्‍दी बेपा उनी मु़चु़मिमकाम माम्‍चु़नीका निया मेबोम्‍सामी मा? हाम मेर्मिमकाम लागि निया बोमु गुमी छु़मी मा?

१ कोरिन्थी 7:21

माम्‍चु़नीका येट्‌निमिलो हाम गानी डु़ल्‍चो़ बान्‍नी? मिम्‍ताम-सो़र्ताम मेबेनी, लावो गानी डु़ल्‍चो़लाम वाङ दु़म्‍मु चाम्‍नि माला मेमङा बेनी।

१ कोरिन्थी 7:32

गानी मिम्‍ताम-सो़र्ताम मेबेसाका बानी र्‍वाक्‍पा आमा न बु। लालीकुन्‍दा मेबेपा मु़चु़का हेसाका ङाचो़ येशूलाई गेर्सीबेट्‌पा र्‍वाक्‍साका ङाचो़कु दुथामङा मिम्‍ताम-सो़र्ताम बु़।

२ कोरिन्‍थी 1:11

गानी वो आकीमा लागि सो़म्‍दी बेसाका ख्‍लो़किनिम बुकिनी। मेम्‍मा हापा मु़चु़मिमका इकीमा लागि आलासो़ र्‍वामी, हेङालोने मेर्मिम हापाकाम सो़म्‍दी थो़मिमा माम्‍चु़नीका गुकुलाई जि-वा ग्‍वाकिमी।

एफिसी 5:20

खोत्‍ले थोककाम लागि इकीमा ङाचो़ येशू ख्रीष्‍टकु नङडा माम्‍चु़नी पापलाई आलासो़ ग्‍वाक्‍नी।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

कलस्‍सी 3:15

ख्रीष्‍टका इनीमा न-गो थो़मिनु़ मा खोत्‍लेनुङ दु़बेनिमिनु़। हेङालोने दु़साका बुमु लागिङा माम्‍चु़नीका गानीलाई कोले मिरो़मडा येट्‌निमिम बु। मेम्‍मा गुमीलाई आलासो़ ग्‍वामु हेल्‍लो वो मेप्‍ल्‍वानी।

कलस्‍सी 3:17

जेमुडा लोवो खारी बोमुडा लोवो गानी हा-हाम बोनी ङाचो़ येशूकु नङडा ओर्मिम खोत्‍ले बेनी, मा गुमीलामका माम्‍चु़नी पापलाई आलासो़ ग्‍वाक्‍नी।

कलस्‍सी 4:2

चङचङया बासाका नुङ माम्‍चु़नीडला आला-तोमानुङमा दु़म्‍साका सो़म्‍दी बेनिमङा बानी।

१ तिमोथी 2:1

खोत्‍ले मु़चु़काम लागि सो़म्‍दी बेनी र्‍वाक्‍साका ङादो गो इमा सो हन्‍बेट्‌पु, मेर्मिमका हाम चाहेबोमी मेराम गानी माम्‍चु़नीनुङ बिनी, मा गुमीलाई आलासो़ ग्‍वाक्‍नी,

१ तिमोथी 5:5

उहेम आच्‍छाङा अर्दोमे बु, मा मेरामकाम सु़ वो मेबुमी माला, मेरामका माम्‍चु़नीलाम हाम-हुम ल्‍वापा नका नेम्‍फु सिन्‍था याक्‍के दु़म्‍साका ख्‍लो़ला सो़म्‍सिमु सो़म्‍दी बु़।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

१ पत्रुस 5:7

खोत्‍ले इनी मिम्‍ताम-सो़र्ताम गुमीलाई ग्‍वाक्‍नी, हेङालोने गुमीका गानीलाई रेम्‍निमी।