फिलिप्‍पी 4:5 - थुलुङ राई

⁵ इनीमा जो़पा बासी-दोसी खोत्‍ले मु़चु़का ल्‍वामिनु़। ङाचो़ योमुङा खाप्‍मी।

फिलिप्‍पी 4:5 Cross References

मत्ती 6:25

“मेम्‍मिमका गो गानीलाई र्‍वाङु, इनी साम जु़ल्‍मुकाम लागि हाम पोमु-डुमु मा मिरो़मकाम लागि हाम फम्‍सिमु र्‍वाक्‍साका मिम्‍ताम-सो़र्ताम मेबेनी। पोमु-डुमुडाम साम डोक्‍पु मा ये-सेमडाम मिरो़म डोक्‍पु मेएँ मा?

मत्ती 6:34

मेम्‍मिमका दिकाम लागि मिम्‍ताम-सो़र्ताम मेबेनी। हेङालोने दिकाम लागि दिकाङा मिम्‍ताम-सो़र्ताम बेपा थारी रो। आनेपमिम दु़खा आनेपमिमकाम लागिङा छो़म ड्‍वासोट्‍पा बु।”

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

१ कोरिन्थी 16:22

कोङनिमका ङाचो़लाई रिखाम मेबु़ माला मेरामडला वाइतो रोनु़। आकीमा ङाचो़, योक्‍नी!

१ कोरिन्थी 6:7

गानीगोडा कोलेका कोङमीकु कोर्थो़लाम रिबुसी बोमुङा गानी सो़ट्‌निम र्‍वाक्‍पा रेम्बु़। मेम मेबेसाका, मेजो़पा दु़म्‍सी हेङा मेइम्‍मु? हेङा लु-फेले बेला मेसो़म्‍सिमु?

१ कोरिन्थी 8:13

मेम्‍मिमका गो हाम पेउ मेरामका थो़रलु़पा आमा वा-ल्‍वाकलाई छु़ल वामबेडु़ माला आथाडा आनो गो हेल्‍लो वो सो़ मेपेउ, मेम्‍साका वा-ल्‍वाकलाई छु़ल वाममेबेट्‌पु।

१ कोरिन्थी 9:25

ओन्‍सीडा ओन्‍पा मु़चु़ खोत्‍ले दोसीडा चङचङया दु़म्‍साका जो़होमका दोपा दु़म्मी। पुयु़लुक्‍पा मुकुटकाम लागि मेर्मिमका मेम बोमी, लावो गुइ ने हेल्‍लो लोवो पुयु़ मेलुक्‍पा मुकुटकाम लागि आरे बिइ।

२ कोरिन्‍थी 10:1

गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।

२ थेसलोनिकी 2:2

कोङनिमका ओराम ल्‍वा र्‍वामु चाम्‍मी, माम्‍चु़नी-पेललाम लोवो कोङनिमलाम लोवो आकीमा कोङनिम सेलाखाजेममिमलाम लोवो थो़त्तोकोम ङाचो़ येशू ङादोङा योमु डु़म्‍मिडिम बु। मेर्मिमका आरे र्‍वामिलो इनीमा नडा मेभ्रल्‍यासिड्‌पा मेदु़म्‍नी मा इनीमा लो़ मेदाम्‍नु़।

तीतस 3:2

मेर्मिमका सु़लाई वो डक्‍साका मेजेमिनु़, मा रिबुसी मेकिन्‍मिनु़। न-थो़मनुङमा दु़म्‍मिनु़, मा याक्‍के दु़म्‍साका खोत्‍ले मु़चु़मिमनुङ जेमिनु़-दोमिनु़।

हिब्रू 10:25

कोङनिमका थो़रलु़पामिमकाम घ्रो़म्‍दीडा मेलक्‍पा बादु़खाम दु़म्मिम होङङा घ्रो़म्‍दीडा लमु मेडिडी। लावो ङाचो़ येशू योमु खाप्‍मिमिम गानी खोत्‍लेका ल्‍वानिमिमका कोलेका कोङमीलाई आथावो छो़म सो हन्‍बेबिइ।

हिब्रू 10:37

हेङालोने, घरिकोङका, “योमु खाप्‍मिमिम गुमी योमी मा मेछु़मी।

१ पत्रुस 1:11

ख्रीष्‍टकु पेल मेर्मिमडला बाइडा मा ख्रीष्‍टका हेसाका दु़खा ल्‍वामी मेम्‍मा यु़म-झ्‍वाक्‍सी ल्‍वामी र्‍वाक्‍पा मेर्मिमलाई सो़त्तोङा लेट्‌मिडी। मेर्मिमका ओराम ल्‍वा हाम्‍सी दु़म मा हेसाका दु़म र्‍वाक्‍साका माल्‍मु चो़म्‍मिडी।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

रेम्‍बेट्‌मिडिम ल्‍वा 22:20

ओर्मिम ल्‍वामिम र्‍वाक्‍पाका आरे र्‍वामी, “आच्‍छाङा, गो योमुङा खापुमिम बु।” आमेन, ङाचो़ येशू योक्‍नीका।

रेम्‍बेट्‌मिडिम ल्‍वा 22:7

“रेप्‍नी, गो येशू योमुङा खापुमिम बु। उहेम मु़चु़का ओराम खाजेमडा रेम्‍बेम्‍मा ल्‍वा होम्‍साका बु़, मेराम मु़चु़ आलाकाम सो़।”