फिलिप्‍पी 4:20 - थुलुङ राई

²⁰ इकीमा माम्‍चु़नी नुङ पापकाम नङ हेल्‍लो लोवो डोक्‍पु दु़म्‍नु़म बुनु़। आमेन।

फिलिप्‍पी 4:20 Cross References

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

मत्ती 6:9

गानी ने आरेसाका सो़म्‍दी बेनी: ‘पाह्रीला बाट्‍पा आकीमा पाप, इनीमा सेपा नङ कोसिनु़,

रोमी 11:36

हेङालोने खोत्‍लेम थोक गुमीकाङा प्रङ्‌मिडिम, गुमीलामङा बाट्‍पाम बाट्‍पा मा उनीमा लागि ङा सो़। हेल्‍लो लोवो उनीमा यु़म झ्‍वानु़। आमेन।

रोमी 16:27

खोत्‍लेम थोक थेट्‍पा चक्‍पा माम्‍चु़नीकाम येशू ख्रीष्‍टलाम हेल्‍लो लोवो यु़म-झ्‍वानु़म बुनु़। आमेन।

एफिसी 3:21

येशू ख्रीष्‍टलाम मण्‍डलीडा खोत्‍लेका हेल्‍लो लोवो कोमिनु़। आमेन।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

फिलिप्‍पी 4:23

ङाचो़ येशू ख्रीष्‍टकु दिदाम गानी खोत्‍लेनुङ दु़म्‍नु़। आमेन।

१ तिमोथी 1:17

हेल्‍लो लोवो साखाम थो़पाम बाट्‌पा हप, हाम्‍सी वो मेसिपा, मा मिक्‍सीका ल्‍वामु मेझापा कोले कोङङा माम्‍चु़नीकाम हेल्‍लो लोवो उनीमा नङ कोसिनु़, मा उनीमा यु़म-झ्वानु़! आमेन।

यहूदा 1:25

गुमी कोलेङा गुइलाई सेल्‍पा इकी माम्‍चु़नीकु यु़म-झ्‍वाक्‍सी, डोक्‍पु दु़प्‍सी, यु़म नुङ साखाम इकीमा ङाचो़ येशू ख्रीष्‍टलामका खोत्‍ले पुस्‍ता ङादो नुङ हेल्‍लो लोवो दु़म्‍नु़म बुनु़! आमेन।

रेम्‍बेट्‌मिडिम ल्‍वा 1:6

मा उनीमा पाप नुङ माम्‍चु़नीकाम किब्‍दीगोडा लाले-पाङके बोमु लागि हपकु डु़म्‍लाचो़मिम दु़म्‍बेसाड्‌डामी। खोत्‍लेडाम डोक्‍पु नुङ उनीमा यु़म हेल्‍लो लोवो बाट्‌पा ख्रीष्‍टकु नङ कोसिनु़। आमेन!

रेम्‍बेट्‌मिडिम ल्‍वा 11:13

मेराम थारीकाङा डोक्‍पु सुबु रुक्‍सी लस्‍ता मा को धु़म फ्‍वाकु को फ्‍वा शहर झार्स्‍ता। मेम्‍मा येत धु़मसङ (७,०००) मु़चु़मिम सुबु रुक्‍सीडा सिम्‍डी। मेसिपा वाङमिम मु़चु़मिम ङिम्‍डी मा मु़चु़मिमका पाह्रीलाम माम्‍चु़नी यु़मनुङमा बुमी र्‍वाम्‍डी।

रेम्‍बेट्‌मिडिम ल्‍वा 14:7

गुका डोक्‍पु लो़लामका आरे र्‍वाक्‍ता, “माम्‍चु़नीकु ङिम जु़ल्‍नी मा गुमी डोक्‍पु बुमी र्‍वाक्‍नी, हेङालोने गुमीका निया बेपा थारी रोक्‍ताम बु। सुबु, पाह्री, दिरिदिन नुङ कुकु पुन्‍खोपमिम प्रङपा गुमीलाई सेव साट्‌नी।”

रेम्‍बेट्‌मिडिम ल्‍वा 5:12

मेर्मिमका डोक्‍पु लो़लामका आरे र्‍वाक्‍साका काम्‍सो बेम्‍डिम बाम्‍डी: “सेट्‌मिडिम भेन्‍दाचो़, यु़म, खाप्‍ची, नेप्‍ची, सो, डोक्‍पु बेसी, यु़म-झ्‍वाक्‍सी, नुङ नङ कोसी रमुका घ्रेट्‌पा!”

रेम्‍बेट्‌मिडिम ल्‍वा 7:12

“आमेन! इकीमा माम्‍चु़नीकाम हेल्‍लो लोवो नङ कोसिनु़, यु़म झ्‍वानु़, नेप्‍चीनुङमा दु़म्‍नु़, आलासो़ दु़म्‍नु़, गुमीङा डोक्‍पु दु़म्‍मिनु़म बुमिनु़, उनीमा यु़म दु़म्‍नु़म बु़नु़ मा सो दु़म्‍नु़म बु़नु़। आमेन!”