फिलिप्‍पी 3:6 - थुलुङ राई

⁶ माम्चु़नीकु लाले-पाङके बोमु नकु फेसिलोक्‍पाकु दुथाम र्‍वाकी माला येशूडा थो़र लु़पामिमकु थो़मतेर्साक्‍तोमिम, डु़म्‍ला होम्‍साका जो़पा दु़म्‍सीडा र्‍वाकी माला मेख्‍लो़साका मेराम होम्‍साका दोङडोम।

फिलिप्‍पी 3:6 Cross References

मत्ती 23:25

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, कान्‍चु़रे नुङ थालकु डलामका ने क्‍लो़नी, लावो इनी गोलामका रारी नुङ त्‍वाकाम नकु कोकोक्‍सीका देम्‍पा दु़म।

मत्ती 5:20

हेङालोने गो गानीलाई र्‍वाङु, डु़म्‍लाका र्‍वामिम ल्वा डु़म्‍ला सीपा पातु़म्‍री नुङ फरिसीमिमडाम वो जो़होमका मेबेनिवा माला आछाङा गानी पाह्री-किब्‍दीडा हुमु मेल्‍वानी।

लूका 1:6

मेर्चिप निफि ङा माम्‍चु़नीकु न-गो होप्‍माम बाच्‍ची, मिप्रङमाका बेबेट्‌मिडिम खोत्‍ले खारी नुङ डु़म्‍ला जो़होमका बेपा मु़चु़ बाच्‍ची।

थु़र्मा 21:20

ओराम थो़म्‍डिमा मेर्मिमका माम्‍चु़नीकु नङ कोम्‍डी। मेकोतिमा मेर्मिमका पावलनुङ र्‍वाम्‍डी, “रेप्‍नी छारी, यहूदीमिमगोडा थो़रलु़पामिम छो़म सेर्पा बुमी, मा मोशाकु डु़म्‍ला होम्‍साका खारी बोमु मेर्मिम चङको-चङको बुमी।

थु़र्मा 22:5

डोक्‍पु ङाउ डु़म्‍लाचो़ नुङ डोक्‍पु घ्रो़म्‍दीडाम खोत्‍ले मु़चु़मिमका गानीलाई ओराम आच्‍छाङा र्‍वाक्‍साका र्‍वामु चाम्‍मी। दमस्‍कस शहरडाम थो़रलु़पामिमलाई चु़म्‍मुमा देन्‍दे ग्‍वाप्‍डा यरूशलेमडा रेन्‍मु लागि मेर्मिमका दमस्‍कसडाम यहूदी ङाचो़मिमलाई सेलाखाजेम र्‍याम्‍डी, मा ग्‍वाङ्‌सोङ्‌डिमिम बाइडा।

थु़र्मा 26:5

मेर्मिमका गो फरिसी बाङ्‌डो र्‍वाक्‍पा ल्‍वा माके आथामङा चम्‍डिम बु। गुकु फरिसीका यहूदी डु़म्‍ला छो़म चङको-चङको बासिक्‍साका बोकु। मेर्मिमका न सोम्‍डी माला ओराम ल्‍वाकु दुथाम गानीनुङ सो़मु चाम्‍मी।

थु़र्मा 8:3

शाऊलका ने उनी नेम-नेमडा लस्‍तामा मण्‍डलीमिमलाई पुयु़ लुमु माल्‍लु़मिम बाइडा। गुका वोस्‍चो़-मेसेममिमलाई थु़त्तो लडु़मिमा झ्‍यालखानडा चक्‍थाल्‍लु़मी।

रोमी 7:9

कोबिलि गो डु़म्‍ला मान्‍थिङा नु़पा बाङडो लावो डु़म्‍ला डार्तो मेडे गो छु़ल छेत्तो मा गो ने सिङ्‍डो।

१ कोरिन्थी 10:32

सु़लाई वो छु़लडा वाममेबेट्‌नी, यहूदी दु़म्‍नु़का, ग्रीक दु़म्‍नु़का माम्‍चु़नीकु मण्‍डली दु़म्‍नु़।

१ कोरिन्थी 15:9

थु़र्मामिमगोडाम खोत्‍लेडाम याक्‍के गोङा सो़। थु़र्मा र्‍वाला सो़म्‍सिमु मेघ्रेन्‍ङी। हेङालोने गो माम्‍चु़नीकु मण्‍डलीकु थो़मतेर्साक्‍तोम बाइडा।

फिलिप्‍पी 2:15

मेम्‍साका गानी मुमा मेबेडिमिम नुङ आच्‍छाङाकाम दु़म्साका थो़र मेलु़इमिम नुङ मेजो़पा मु़चु़मिम गोडा मेख्‍लो़ट्‌पा माम्‍चु़नीकु चो़ दु़म्‍नी। मेर्मिम मु़चु़ गोडा गानी सु़म्‍दिसेरडा झ्‍वाक्‍पा सोरलुङ होङका झ्‍वानी।

फिलिप्‍पी 3:9

गो माम्‍चु़नीडा जो़पा दु़म्‍मु ने डु़म्‍ला होम्‍साका दोसाका मेएँ, लावो ख्रीष्‍टडलाम थो़रका जो़पा दु़म्‍ङु। माम्‍चु़नीडा जो़पा दु़म्‍सी ने गुमीलामका रो मा ओराम खारी थो़रलामका दु़म।

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।