फिलिप्‍पी 3:3 - थुलुङ राई

³ हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

फिलिप्‍पी 3:3 Cross References

रोमी 1:9

उनीमा तारापाचो़काम जो़पा-सेला थो़बेन्‍मुडा छो़म न सोक्‍साका उनीमा खारी बेउ। गो गानीलाई प्‍ल्‍वान्‍निनिम मिबु लावो इनीमा लागि गो हेल्‍लो लोवो सो़म्‍दी बेउहोम बुङु। माम्‍चु़नी आमा दुथाम सो़पा बुमी।

रोमी 15:17

मेम्मिमका येशू ख्रीष्‍टनुङ दु़म्‍साका माम्‍चु़नीकाम लागि बोमु बासिक्‍पा आमा खारीडा गो आमा नो़ डोक्‍पु बेउ।

रोमी 7:6

ओम्‍लो गुइ ख्रीष्‍टनुङङा सिइडिमका डु़म्‍लालाम वाङ दु़स्‍तिम बु। आथा ने गुइ माकेम र्‍याक्‍मा डु़म्‍लाका र्‍वामिम होम्‍साका मेएँ, लावो माम्‍चु़नी-पेललाम लाले त्‍वारो़म होम्‍साका लाले-पाङके बिइ।

रोमी 8:15

हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

रोमी 8:39

ना येप्‍पालाम ल्‍वाका, ना घ्‍लु़म्‍पा ल्‍वाका, ना प्रङसिड्‍डाम खोत्‍ले ल्‍वाका, येशू ख्रीष्‍टनुङ बाट्‍पा माम्‍चु़नीकु रिखामलामका गुइलाई वाङ बोमु मेचाप्सा।

रोमी 9:6

हाम माम्‍चु़नीकु सिजेम हाम ना हामकाम दु़स्‍ता मा? मेएँ, हेङालोने इस्राएलडा गक्‍पा र्‍वाक्‍साका आच्‍छाङा खोत्‍ले इस्राएली र्‍वामु मेझाम,

२ कोरिन्‍थी 11:18

हापा मु़चु़मिमका सु़म्‍दिसेरडाम बेसी होङङा डोक्‍पु लिसिम्‍डिमका गो वो डोक्‍पु लिङ्‌सिङु।

गलाती 5:25

गुइ माम्‍चु़नी-पेललाम नु़इ माला माम्‍चु़नी-पेलका र्‍वाम्‍डिम होम्‍साका लाम्‍दिमु बासी।

गलाती 6:16

ओराम ल्‍वा होम्‍साका दोपा मा माम्‍चु़नीकु खोत्‍ले मु़चु़मिमका न-भ्रसी नुङ न-थो़म ल्‍वामिनु़।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

फिलिप्‍पी 3:12

ओर्मिम खोत्‍ले गो ल्‍वामु दु़म्‍तोम बु डे, जो़पा दु़म्‍मु दु़म्‍ङोडोम बु र्‍वाक्‍साका ने मेएँ, लावो मेर्मिम ल्‍वा जेन्‍मु लागि आमा सो हन, उहेम ल्‍वाकाम लागि ख्रीष्‍ट येशूका गोलाई जेट्‌ङिडिमी।

फिलिप्‍पी 3:14

गो पुरस्‍कार घ्‍ल्‍वामु लागि मेरामथो़ उन्‍सिङु। मेरामकाम लागि ख्रीष्‍ट येशूडा माम्‍चु़नीका पाह्रीला येट्‌ङिडिमिम बु।

कलस्‍सी 2:11

गानी ख्रीष्‍टनुङ दु़म्मु ने आच्‍छाङा क्रिप्‍सी दु़म्मु ङा सो़। मु़चु़लाम मिरो़मडा दु़म्डिम खिरिरि क्रिप्‍सी मेएँ, लावो गानीलाई ख्रीष्‍टलाम क्रिप्‍सी दु़म्निम बु। ओराम क्रिप्‍सी ने इनीमा छु़ल बेपा न नुङ छु़लकु यु़मलामका सेल्सिमु ल्वामु सो़।

यहूदा 1:20

लावो द्‌वादीबुङ ङोप्‍सो़नी, छो़म सेपा इनी थो़रलु़सीडा बर्तो लक्‍नी, मा माम्‍चु़नी-पेलडा सो़म्‍दी बेनी।