फिलिप्‍पी 3:20 - थुलुङ राई

²⁰ लावो इकीमा नेब्‍दी ने पाह्रीला सो़। मेलामका योक्‍पा गुइलाई सेल्‍पा ङाचो़ येशू ख्रीष्‍टलाई गुइ छो़मका लथाडिमिम बु।

फिलिप्‍पी 3:20 Cross References

मत्ती 19:21

येशूका मेरामलाई र्‍वाम्‍डी, “माम्‍चु़नीका न बोमिमिम होङङा जो़पा दु़म्‍मु न बोना माला लक्‍सामा गानानुङ बाट्‌पा खोत्‍ले भ्रेडामा मेराम खउलुङ उनी हाम वो मेबाट्‌पामिममलाई ग्‍वाकामी। मेम्‍मा पाह्रीला खाप्‍ची ल्‍वाना। मेकोतिमा आमा चङचङ लाम्‍दिया।”

लूका 12:21

“त्‍वाकाम लागि खाप्‍ची फुट्‌पा, लावो माम्‍चु़नीडा खाप्‍चीचो़ मेदु़म्‍पा मु़चु़ ने आरेङा दु़म।”

लूका 14:14

मा इमा फुली सोमु मेचापा मु़चु़मिमलाई येट्‌नामिमका माम्‍चु़नीकु न-गो होप्‍माम मु़चु़मिम सिमुलाम बमिमिमनेम माम्‍चु़नीका गानालाई पुरस्‍कार ग्‍वानामी।”

थु़र्मा 1:11

मेकोतिमा मेर्चिपका मेर्मिमनुङ र्‍वाक्‍ची, “ए गालीलडाम मु़चु़नी, गानी हेङा येम्‍तासिनिमा धामुथो़ रेम्‍थानिमिम? गुमी गानीगोलामका पाह्रीथो़ कोम्‍सिम्‍डी, ओम्‍लो गानी येशू हेसाका ओलामका पाह्रीथो़ कोम्‍सिम्‍डिम ल्‍वान्‍नी मेम्‍साका ङा आथावो गुमी योमी।”

१ कोरिन्थी 1:7

मेम्‍मिमका इकी ङाचो़ येशू ख्रीष्‍ट आथावो योमी र्‍वाक्‍साका गानी छो़म लन्‍थानिलो माम्‍चु़नीका ग्‍वाक्‍निमिम राप्‍लावाका मेलिट्‌पा मेबुनी।

१ कोरिन्थी 15:48

सुबुडाम मु़चु़मिम क्‍वालामका बनेबेम्‍मा मेराम मु़चु़ होप्‍मामङा बुमी, पाह्रीकाम मु़चु़मिम पाह्रीलाम योक्‍पा मु़चु़ होप्‍माम दु़म्‍मी।

२ कोरिन्‍थी 4:18

मिक्‍सीका ल्‍वासु़मिम ल्‍वा मेएँ, मिक्‍सीका मेल्‍वासु़मिम ल्‍वा गुकु रेम्‍कु। मिक्‍सीका ल्‍वासु़मिम ल्‍वा घरिकोङकाम कोङङा दु़म, लावो मिक्‍सीका मेल्‍वासु़मिम ल्‍वा ने हेल्‍लो लोवो दु़महोम बु।

२ कोरिन्‍थी 5:8

इकीमा छो़म सो हन्‍पा बु मा ओराम मिरो़म डिसाका ङाचो़नुङ बुमु गुइ द्‌वाकी।

गलाती 4:26

लावो कोङमी मेसेम सारा ने पाह्रीलाम यरुशलेमनुङ थो़म्‍मु झाम। गु ने डु़ल्‍चो़मे ने मेएँ, गु ने इकीमा माम सो़।

एफिसी 2:19

मेम्‍मिमका आथाडा आनो गानी वाङ नेब्‍दीलाम रोक्‍पा मा मेछेडिमिम मु़चु़ होप्‍माम मेएँ, लावो माम्‍चु़नीकु मु़चु़मिमनुङ उनीमा किब्‍दीगोडा बाट्‍पा साखाम ल्‍वान्‍निम बु, मा माम्‍चु़नीकु नेमगोडाम मु़चु़मिम दु़म्‍निम बु।

एफिसी 2:6

माम्‍चु़नीका गुइलाई ख्रीष्‍टनुङङा सिमुलाम फक्‍साड्‌डामी मा पाह्रीलाम नेब्‍दीडा गुमीनुङङा साखाम थो़मु ग्‍वाक्‍साड्‌डामी।

फिलिप्‍पी 1:10

मेम्‍साका खोत्‍लेडाम जो़पा हाम बु मेराम थेसिथेन्‍मु चाप्‍नी, मा येशू ख्रीष्‍ट योमिमिम नेमसम्‍म गानी मेजो़पा खारी मेबेपा नुङ मुमा बेन्‍ला सो़सिक्‍पा मेदु़म्‍निनु़।

फिलिप्‍पी 1:27

हा-हाम दु़म लोवो मेराम हाम वो मेएँ, लावो इनी बासी-दोसी ख्रीष्‍टकु जो़पा-सेला घ्रेट्‌पा दु़म्‍नु़। मेम्‍मा गो इनीमाडा रोङु मा क्रो़म्‍निनी लोवो गो मेरोक्‍साका इनीमा दुथाम थो़उ कोङङा लोवो, गानी कोले न-गोकाम दु़म्साका भाल-आथो़ न मेहिनी, जो़पा-सेलाडलाम थो़रकाम लागि कोले नकाम दु़म्साका क्‍वाल्‍बा बेत्तोङा बोनी,

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,

१ थेसलोनिकी 1:10

मेर्मिमका आरे वो र्‍वामी, माम्‍चु़नीका सिमुलाम फम्‍डिम पाह्रीलाम योक्‍पा उनीमा तारापाचो़ येशूलाई गानी लन्‍थानिमिम बु ए। रोमुखापा ङिमलु़पा माम्‍चु़नीकु नियाडाम येशूका गुइलाई वाङ बेसामी।

१ थेसलोनिकी 4:16

डोक्‍पु-पाह्रीचो़कु लो़लाम नुङ पाह्रीचो़मिमका माम्‍चु़नीकु भुम डु़प्‍मिमिमकु लो़लामका ङाचो़ येशू उनी त्‍वापङा डोक्‍पु लो़लामका साखामनुङ येत्तो पाह्रीलामका योमी। मेम्‍मा ख्रीष्‍टडला थो़रलु़साका सिपामिम ङादोङा बम्‍गेमी।

२ तिमोथी 4:8

आथा ने माम्‍चु़नीकु ङादोडा जो़पा दु़म्‍पाकाम मुकुट आमा लागि जु़ल्‍मा बु, उहेम मुकुट जो़होमका निया बेपा ख्रीष्‍ट योमिमा गोलाई खुबेन्‍ङिमी। गोलाई कोङङा मेएँ, गुमी योमिमिम थारी छो़म लथाक्‍पा खोत्‍ले मु़चु़लाई खुबेन्‍मी।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

हिब्रू 12:22

लावो गानी ने सियोन पोप्‍चङडा रोक्‍निम बु, हेल्‍लो लोवो बाट्‍पाम बाट्‍पा माम्‍चु़नीकु शहर, पाह्रीलाम यरूशलेमडा, मा ङार्मुङा मेझापा पाह्रीचो़मिम भ्रसिक्‍तो खोम्‍सिम्‍डिम मेराम खोमडा गानी रोक्‍निम बु।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।