फिलिप्‍पी 3:2 - थुलुङ राई

² मेजो़पा खारी बेपामिम, मा सेल्सिमु लागि मिरो़मडा कोक्‍ते क्रिम्मु बासी र्‍वाक्‍पा ख्‍लेबामिमडाम चङचङया बानी वो!

फिलिप्‍पी 3:2 Cross References

मत्ती 24:10

मेराम थारीका हापा मु़चु़मिमका थो़रलु़मु डिन्‍मी। मेम्‍मा उनीमा स्‍वाक्‍चिमो मु़चु़मिमकु ल्‍वाड्‌डा ग्‍वाबोमिमा मेद्‌वाबोमी।

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

मत्ती 7:6

“सेपा थोकमिम ख्‍लेबामिमलाई मेग्‍वाक्‍नी, मेएँ माला ने मेर्मिमका गानीलाई घ्रमु माल्‍निमी। हापा थिकाम दिरिल्यमिम ब्‍वामिमकु ङादोडा मेफोट्‍नी, मेर्मिमका मेरामलाई देम्मिमा हाम ना हामकाम बनेबोमी।”

रोमी 2:28

पाखालाम कोङङा यहूदी लिसिक्‍पा ने आच्‍छाङाकाम यहूदी मेएँ, मेम्‍साकाङा पाखाडा ल्‍वासिक्‍पा खिरिरि क्रिप्‍सी नुङ मिरो़मडाम ल्‍वा वो आच्‍छाङाकाम मेएँ।

२ कोरिन्‍थी 11:13

आरेप्‍माम मु़चु़मिम ने थु़र्मा लिसिक्‍पामिम नुङ लिमा थेसाका खारी बेपामिम, मा ख्रीष्‍टकु थु़र्मामिम होप्‍माम ल्‍वाला सो़सिक्‍पामिम सो़।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

गलाती 5:15

सो़ब्‍दीडाम हादीबारामिम होङङा गानी इनी त्‍वाप-त्‍वापडा ख्रेन्‍बेबोनी मा ब्राम्‍बेबोनी माला ने चङचङया बानी वो, मेएँ माला ने इनी त्‍वाप-त्‍वापडाङा पुयु़लुबेबोनी।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

फिलिप्‍पी 3:19

मेर्मिमकु लखोप ने पुयु़लुक्‍पाथो़, मेर्मिमकु मिरो़मका हाम मालु़ मेराम होम्‍साका बुमी-दोमी, मा मेर्मिम उनी क्रो़मलु़मु बासिक्‍पा ल्वाडा डोक्‍पु लिम्‍सिमी। मेर्मिमकु न सुबुडा बाट्पा ल्‍वामिमडा बु।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

१ तिमोथी 1:19

हेल्‍लो लोवो थो़रनुङमा दु़म्‍सामा जो़पा हाम थेट्‌नाम मेराम बे। कोङ-कोङका आरे मेबेमिवामा मेर्मिमकु थो़र पुयु़लुस्‍ताम बु।

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

२ पत्रुस 2:22

ओराम उखान होम्‍साका मेर्मिमलाई आच्‍छाङा दु़स्‍ता: “ख्‍लेबा उ फोङकुथो़ङा ख्‍लोसिमा ल” मा “सो़ल्‍मा ब्वाकु खोमी ख्‍लोसिमा हिलोडाङा लमा पुलिएली बु़।”

यहूदा 1:4

हेङालोने कोङनिम मु़चु़ उहेमका देन्‍दे ल्‍वामी र्‍वाक्‍साका माकेङा र्‍याक्‍मा बु मेर्मिम मु़चु़ लिबावा इनीमा थेतेगोडा हुम्‍डिम बु। मेर्मिम मु़चु़ माम्‍चु़नीकु लाम्‍दीडा लाममेदिपामिम सो़, मेर्मिमका माम्‍चु़नीकु दिदामलाई उनी नसीहोम बोमुथो़ हिम्‍डिम बु, मा इकीमा हप नुङ ङाचो़ येशू ख्रीष्‍ट र्‍वामु मेर्मिमका मेद्‌वामी।

रेम्‍बेट्‌मिडिम ल्‍वा 2:9

गो इमा थो़मतेर्सिड्‍डाम चक्‍पु, गानानुङ हाम वो मिबुमिम वो चक्‍पु, लावो पाह्रीला ने गाना खोत्‍लेका लिट्‌पा बुना। इमा दुथाम मेजो़पा जेपा मेर्मिम मु़चु़लाई गो छेपुमी। मेर्मिमका उनी त्‍वाप ने माम्‍चु़नीकु मु़चु़ यहूदी र्‍वामी, मेर्मिम यहूदी मेएँ लावो मेर्मिम ने शैतानकु घ्रो़म्‍दीनेम सो़।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

रेम्‍बेट्‌मिडिम ल्‍वा 22:15

मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।

रेम्‍बेट्‌मिडिम ल्‍वा 3:9

शैतानकु घ्रो़म्‍दीनेमडाम मु़चु़मिम उहेमका उनी त्‍वापलाई यहूदी र्‍वामी लावो यहूदी ने मेएँ मेर्मिम ने लिमाचो़मिम सो़। मेर्मिमलाई गो इमाडा रेट्‌पुमी मा इमा खेल चु़म्‍बेसाका सेव सान्‍बेट्‌पुमी। मेम्‍मा गो गानालाई रिखाम बोनी र्‍वाक्‍पा मेर्मिमका चमी।