फिलिप्‍पी 3:18 - थुलुङ राई

¹⁸ ङादो गो गानीनुङ सो़उथाल्‍तो मा ओम्‍लो वो प्‍ल आल्‍तो र्‍वाङु, हापा मु़चु़मिम ख्रीष्‍टकु क्रूसकाम स्‍वाक्‍चिमो होङङा बुमी-दोमी।

फिलिप्‍पी 3:18 Cross References

लूका 19:41

येशू यरूशलेम फार्डा रोम्‍फाम्‍डी, मा मे शहर ल्‍वाम्‍डिमा ख्राप्‍मिडी,

थु़र्मा 20:19

यहूदीमिमका आमा दुथाम मेजो़पा मुलु़ बेम्‍डिम थारीका वो गो याक्‍के दु़म्‍साका ख्राप्‍तो माम्‍चु़नीकु खारी ङा बेउतोम बाङडो।

रोमी 9:2

आमा द्‍वादीबुङ इस्राएली वा-ल्‍वाकमिमकाम लागि आमा थो़मबोक घ्रु़पा बु।

१ कोरिन्थी 1:18

पुयु़लुमु खापामिमकाम लागि क्रूसकु दुथाममिम ल्वा नेप्ची मान्थिम मु़चु़का जेस्ताम होप्माम दु़म, लावो गुइ सेल्‍सिक्‍पामिमकाम लागि ओराम माम्‍चु़नीकु यु़म सो़।

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,

२ कोरिन्‍थी 11:13

आरेप्‍माम मु़चु़मिम ने थु़र्मा लिसिक्‍पामिम नुङ लिमा थेसाका खारी बेपामिम, मा ख्रीष्‍टकु थु़र्मामिम होप्‍माम ल्‍वाला सो़सिक्‍पामिम सो़।

२ कोरिन्‍थी 11:29

कोङनिम मेचापा दु़म माला गो वो मेचापा दु़म्‍ङु। कोङनिम मु़चु़का कोङनिमलाई छु़ल बेबेड्‌डु़ माला गो छोक्‍चोका मु होप्‍मामङा दु़म्‍ङु।

२ कोरिन्‍थी 2:4

आमा गो छो़म ख्राप्‍तो आमा न मेभ्रसिक्‍तो नुङ छो़म प्‍ल डक्‍तो गानीलाई मेराम सेलाखाजेम र्‍याक्‍तोम बाइडा। गो इनीमा न नो़बेन्‍मु माल्‍तोम मेएँ, लावो गो गानीलाई हाङकोम रिखाम बोनिनी मेराम गानीलाई चबेन्‍मु आमा न बाइडा।

गलाती 1:7

लावो मेराम ने आच्‍छाङाकाम जो़पा-सेला मेएँ। कोङनिम मु़चु़का गानीलाई ब्‍लो़प्‍साका येशू ख्रीष्‍टलाममिम जो़पा-सेला कोर्थो़ हेर्मु माल्‍तोङा लेन्‍मिमिमका गो ओराम ल्‍वा र्‍वाक्‍तोङा बेउ।

गलाती 2:14

मेम्‍मिमका आच्‍छाङाकाम जो़पा-सेला होम्‍साका मेर्मिमका मेबेमिवाम गो ल्वाउतोमा मेर्मिम खोत्‍ले मु़चु़कु ङादोडा गो पत्रुसलाई र्‍वाङ्‌डो, “गानी यहूदी मु़चु़, लोवो यहूदी होम्‍साका मेएँ वाङसामामिम होम्‍साका बुनी दोनी माला वाङसामामिमलाई यहूदीमिम होम्‍साका हेसाका बुबेन्‍मु चाम्‍नी मा?”

गलाती 2:21

माम्‍चु़नीकु दिदाम गो हाम ना हामकाम मेमिम्‍पु। हेङालोने डु़म्‍लाका माम्‍चु़नीकु ङादोडा मुमा मान्‍थिम दु़म्‍बेडु़ माला येशू ख्रीष्‍ट क्रूसडा चेन्‍ला सो़सिम्‍डिम ने हाम ना हामकाम दु़म।

गलाती 5:21

नो़ मेनु़मु, डु़सेवा दु़म्‍मु, नसीहोम बोम्‍बाल्‍मु मा आरेप्‍मामङा वाङमिम खारी बोमु। आरेप्‍माम खारी बेपाका ने माम्‍चु़नीकु किब्‍दीगोडा हुमु मेल्‍वासु़। मेम्‍मिमका गानी चङचङया बानी र्‍वाक्‍साका ङादो वो र्‍वाङ्‍डोम बाइडा, मा ओम्‍लो वो र्‍वाक्‍तोङा बेउ।

गलाती 6:12

पाखानो जो़पा लिसिमु द्‌वाक्‍पामिमकाङा कोक्‍ते खिरिरि क्रिप्‍सी बोमु बासी र्‍वाक्‍साका गानीलाई छो़म र्‍वामी, हेङालोने येशू ख्रीष्‍ट क्रूसडा सासेन्‍सिम्‍डिम ल्‍वाका कोङङा सेल्‍सिमु झाम र्‍वाक्‍पा सीसि सीमिलो उनी त्‍वापडला दु़खा मेरोनु़ र्‍वाक्‍साका मेर्मिमका मेम र्‍वामी।

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

एफिसी 4:17

मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

फिलिप्‍पी 1:4

गानी खोत्‍लेकाम लागि खोत्‍ले आमा सो़म्‍दीमिमडा गो हेल्‍लो लोवो भ्रसिक्‍तो सो़म्‍दी बेउ,

१ थेसलोनिकी 4:6

सु़का वो आरेसाका लु-फेले बेसाका थो़रलु़पा वा-ल्‍वाकलाई मेजो़पा मेबु़नु़। गानीलाई गुकु ङादोङा र्‍वाक्‍तोकोम नुङ ङिमसाट्‌मा होम्‍साकाङा आरेप्‍माम खारी बेपालाई ङाचो़ येशूका देन्‍दे ग्‍वामी

२ थेसलोनिकी 3:11

गानीगोडाम कोङनिम भ्रेपा बुमी, मा उनी त्‍वाका खारी बोमु ने मेएँ मु़चु़मिमका बोमिमिम खारीडा लापान्‍चोसिमी ए र्‍वाक्‍पा गुकु थो़त्तोको। मेम्‍मिमका आरे र्‍वाकुमिम।

२ पत्रुस 2:10

मेजो़पा न होङङा बोमु माल्‍बाल्‍पा मा माम्‍चु़नीकु साखामलाई हाम होङङा वो मेलु़पा मु़चु़मिमका ने छो़म देन्‍दे ल्‍वामी। मेर्मिम मु़चु़ मेङिपा नुङ डोक्‍पु लिसिक्‍पा दु़म्‍मी मा पाह्रीलाम यु़मचो़मिमलाई वो डक्‍साका जेमु मेङिमी।

यहूदा 1:13

मेर्मिम ने दो़न्‍दो़न्‍या मेबाट्‌पा दिरिदिनकु बाबारिम होप्‍माम सो़। कुकु बाबारिमका जाजाब्‍लु़म ख्‍लुकु़मिम होङङा मेर्मिमका क्रो़मलु़पा खारी रेम्‍बोमी। मेर्मिम ताङताहेरथो़ लक्‍पा सोरलुङ होप्‍माम सो़, उहेमकाम लागि केकेयाम तुकुम्‍चिम हेल्‍लो लोवो रान्‍थाट्‌मा बु।