फिलिप्‍पी 3:15 - थुलुङ राई

¹⁵ थो़रलु़सीडा गुइ डोक्‍पुमिम खोत्‍ले ने ओर्मिमकु दुथाम आरेसाका न जु़ल्‍मु बासी। कोङनिम ल्‍वाडा गानी वाङङा मिम्‍निम बु माला माम्‍चु़नीका गानीलाई जो़होमका थेसिथेन्‍बेनिमी।

फिलिप्‍पी 3:15 Cross References

मत्ती 5:48

मेम्मिमका पाह्रीला बाट्पा इनी पाप होङङा गानी वो खोत्‍ले खारी जो़पा बेनी।”

लूका 11:13

मेम्‍मिमका गानी छु़लचो़ बुनीमा वो इनी चो़मिमलाई जो़पा-जो़पा ल्‍वामिम ग्‍वामु थेनी माला पाह्रीलाम इनी माम्‍चु़नीका गुमीनुङ बिपा मु़चु़मिमलाई हाङको छो़म उनी-पेल ग्‍वामी।”

यूहन्‍ना 6:45

माम्चु़नीकु सिजेमडा आरेसाका र्‍याक्‍मा बु: ‘माम्‍चु़नीका मेर्मिम खोत्‍लेलाई सीमी’ उहेमका पापलामका थो़मी मा सीम्‍सिमी मेर्मिम आमाडा रोमी।

यूहन्‍ना 7:17

कोङनिम मु़चु़का माम्‍चु़नीकु न होङङा बोमु न बु़ माला आमा सीसि माम्‍चु़नीलाम रोक्‍पा डे आ त्‍वाकाङा जेङुमिम डे मेराम गुका च।

रोमी 15:1

गुइ थो़रडा सोनुङमा दु़म्‍पाका त्‍वाप कोङङा गेर्सी द्‍वाक्‍पा न बेसी मेनु़, लावो याक्‍के थो़रनुङमा थो़रलु़पामिमनुङ इम्‍सिसाका बुमु बासी। वाङमिमकाम न होङङा बोमु बासी।

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

१ कोरिन्थी 2:6

मेमङा लोवो गुकु डोक्‍पु थो़रनुङमा मु़चु़मिम गोडा नेप्‍चीकु दुथाम जेकु, लावो ओराम सु़म्‍दिसेरडाम नेप्‍ची मेएँ मा ओराम सु़म्‍दिसेरडाम साखामचो़मिमकु नेप्‍ची वो मेएँ, मेर्मिमकु नेप्‍ची ने दाम्‍मा लल्‍या।

गलाती 5:10

गुइ खोत्‍ले ङाचो़नुङ दु़स्‍तिमका गानी कोर्थो़ न मेसोनी र्‍वाक्‍पा गो थो़रलु़ङडोम बु। गानीलाई ब्‍लो़प्‍जो़ल्‍साका कोर्थो़ लक्‍पा मु़चु़ सु़का लोवो देन्‍दे ल्‍वासु़।

एफिसी 1:17

इकीमा ङाचो़ येशू ख्रीष्‍टकु माम्‍चु़नी, डोक्‍पु पापका माम्‍चु़नी-पेल थु़र्साका गानीलाई ननुङमा दु़म्‍बेनिमिनु़ मा उनी त्‍वाप गानीडा रेम्‍बोमिनु़, मेम्‍साका गुमीलाई गानी जो़होमका छेनी र्‍वाक्‍साका सो़म्‍दी बेउहोम बुङु।

कलस्‍सी 1:28

गुकु ख्रीष्‍टकु दुथाम खोत्‍ले मु़चु़मिमनुङ सो़कु। खोत्‍लेलाई ख्रीष्‍टडा सोनुङमा दु़म्बेसाका माम्चु़नीकाडा रेन्थिमु लागि आकी खोत्‍ले नेप्चीनुङ मेर्मिमलाई ङिमसान्‍कु, मा आकी थेसी सीकुमी।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

१ थेसलोनिकी 4:9

लावो थो़रलु़पामिमलाई रिखाम बोमुकु दुथाम गानीलाई गुकु र्‍यामुम बुमु मेबासी। हेङालोने रिखाम बेबेनी र्‍वाक्‍साका माम्‍चु़नीलाम इनी त्‍वाकाङा सीन्‍सिट्‌निम बु।

२ तिमोथी 3:17

मेम्‍साका माम्‍चु़नीकु लाम्‍दीडा लाम्‍दिपा मु़चु़मिम जो़पा खारी खोत्‍ले बोमु चापा दु़म्‍मी।

हिब्रू 5:14

लावो डोमु मेझापा पोमुथोक ने डोक्‍पु मु़चु़मिमकाम लागि सो़ मा गुका जो़पा नुङ मेजो़पा ल्‍वा हाम र्‍वाक्‍साका छेमु चाप्‍सु़।

१ यूहन्‍ना 2:5

लावो कोङनिमका माम्‍चु़नीकु सिजेम होम्‍साका बु़ माला मेरामकाडा माम्‍चु़नीकु रिखाम होङङा दु़म। गुइ गुमीडा बुइमिम ओरामलामका छेडी: