फिलिप्‍पी 3:12 - थुलुङ राई

¹² ओर्मिम खोत्‍ले गो ल्‍वामु दु़म्‍तोम बु डे, जो़पा दु़म्‍मु दु़म्‍ङोडोम बु र्‍वाक्‍साका ने मेएँ, लावो मेर्मिम ल्‍वा जेन्‍मु लागि आमा सो हन, उहेम ल्‍वाकाम लागि ख्रीष्‍ट येशूका गोलाई जेट्‌ङिडिमी।

फिलिप्‍पी 3:12 Cross References

मत्ती 5:48

मेम्मिमका पाह्रीला बाट्पा इनी पाप होङङा गानी वो खोत्‍ले खारी जो़पा बेनी।”

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

रोमी 8:39

ना येप्‍पालाम ल्‍वाका, ना घ्‍लु़म्‍पा ल्‍वाका, ना प्रङसिड्‍डाम खोत्‍ले ल्‍वाका, येशू ख्रीष्‍टनुङ बाट्‍पा माम्‍चु़नीकु रिखामलामका गुइलाई वाङ बोमु मेचाप्सा।

१ कोरिन्थी 13:10

लावो खोत्‍ले थेसिथेट्‍पा आच्‍छाङाकाम ल्‍वा रोलो किचो़म ओराम थेसिथेसी ल्‍वा दाममा ल।

१ कोरिन्थी 13:12

ओम्‍लो गुइ ऐनाडा ब्‍लाम-ब्‍लामया ल्‍वासिमिम होप्‍माम ल्‍वासी, लावो मेम्‍लो गुइ छ्‌याङलो-छ्‌याङलो ल्‍वासी। लावो ओम्‍लो गो कि-कि कोङङा थेसिथेट्‌पु, माम्‍चु़नीका गोलाई छेङिमिमिम होम्‍साका मेम्‍लो गो जो़होमका थेसिथेट्‌पु।

१ कोरिन्थी 9:24

ओन्‍सीडा खोत्‍ले ओन्‍पामिम ओन्‍मी, लावो पुरस्‍कार ने कोलेका कोङङा ल्‍वासु़ र्‍वाक्‍पा हाम गानी मेचनी? मेम्मिमका पुरस्‍कार ल्‍वापा बेसाका गानी ओन्‍नी।

२ कोरिन्‍थी 13:9

गुकु हाम वो बोमु मेचापा बुकु, लावो गानी ने हाम लोवो बोमु चापा बुनिमिमका गुकु गेर्सी द्‌वाकु। गानी छो़म जो़पा दु़म्‍तो लक्‍नी र्‍वाक्‍साका गुकु सो़म्‍दी बोकु।

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

गलाती 5:17

हेङालोने न-गोडाम मेजो़पा नकु को-कोक्‍सी ने माम्‍चु़नी-पेलकु कोर्थो़लाम दु़म। मेम्‍मा माम्‍चु़नी-पेलका र्‍वामु माल्‍लु़म ने मेजो़पा नकु को-कोक्‍सीकु कोर्थो़लाम दु़म। ओर्चिप ल्‍वा कोले कोङमीकु कोर्थो़लाम दु़म्‍चिमका गानी बोमु माल्‍निमिम ल्‍वा दु़म्‍मु मेचाप्‍सु़।

एफिसी 1:4

माम्‍चु़नीकु मिक्‍सीलामडा गुइ छु़ल मान्‍थिम नुङ हाम वो मेख्‍लो़ट्‌पा दु़म्‍सिनु़ र्‍वाक्‍साका सु़म्‍दिसेर प्रङमु ङादोङा गुमीका गुइलाई ख्रीष्‍टडा छेसाड्‌डामी। गुमीका गुइलाई रिखाम बेसाड्‍डामिमका,

एफिसी 4:12

माम्‍चु़नीकु न होम्‍साका खारी बोमु चाप्‍मिनु़ र्‍वाक्‍साका उनीमा त्‍वाकु मु़चु़मिमलाई झो़म्‍सिबेन्‍मु लागि आरेसाका बेम्‍डी, मा ओरामलामका ख्रीष्‍टकु मण्‍डली बर्तो ल।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

फिलिप्‍पी 3:16

हाम लोवो, आथावो गुइ बान्ते रोक्‍फाड्‌डिम, मेराम होङ्‍ङा बेसी-दोसीडा बोमुम बुमु बासी।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

फिलिप्‍पी 3:8

मेकोति कोङङा मेएँ, ख्रीष्‍ट येशू आमा ङाचो़लाई छेत्तोमका हापा थिकाम ल्‍वानुङ थो़प्‍सीडा खोत्‍ले ल्‍वा हाम वो मेएँ र्‍वाक्‍पा लु़ङु। ख्रीष्‍टलाई गो ल्‍वाउनु़ मा गो गुमीनुङ दु़म्‍ङुनु़ र्‍वाक्‍साका खोत्‍ले ल्‍वा हाम ना हामकाम दु़म्‍बेत्तो मा मेर्मिम ने पारिमिम घ्राम्‍लु़पा कोतिम लु़ङु।

१ थेसलोनिकी 5:15

रेप्‍नी, सु़का वो मेजो़पा बेपालाई मेजो़पा मेबु़नु़, लावो त्‍वाप-त्‍वापडा नुङ खोत्‍ले मु़चु़लाई हेल्‍लो लोवो जो़पा बोमु माल्‍पा दु़म्‍नी र्‍वाक्‍साका ओराम ल्‍वा इनीमा नडा जु़ल्‍नी।

२ थेसलोनिकी 2:13

माम्‍चु़नीका रिखाम बेपा वा-ल्‍वाकनी, इनीमा लागि माम्‍चु़नीलाई हेल्‍लो लोवो आलासो़ ग्‍वामुङा बासी। हेङालोने माम्‍चु़नी पेलका गानीलाई सेपा उनी मु़चु़ दु़म्‍बेट्‌निम नुङ आच्‍छाङाकाम ल्‍वाडा बेन्‍निम थो़रलाम माम्‍चु़नीका गानी खोत्‍लेडाम ङादो सेल्‍सिमु छेट्‌निम बु।

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।

१ तिमोथी 6:19

आरे बेसाका मेर्मिमका पाह्रीला खाप्‍ची जु़ल्‍जो़ल्‍मिनु़। मेराम ने रोक्‍पा थारीका मेर्मिमकाम लागि जो़पा जग गट्‌मा होप्‍मामङा सो़, मा मेर्मिमका आच्‍छाङाकाम त्‍वारो़म ल्‍वामी।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

हिब्रू 12:23

पाह्रीला नङ र्‍याक्‍मा ङादो गक्‍पामिमकु घ्रो़म्‍दीडा गानी रोक्‍निम बु। खोत्‍ले मु़चु़कु निया बेपा माम्‍चु़नी नुङ माम्‍चु़नीकु न होप्‍माम जो़पा दु़म्‍पा मु़चु़मिमकु घ्रो़म्‍दीडा रोक्‍निम बु।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

याकूब 3:2

गुइ खोत्‍लेका हापा ल्‍वामिम ख्‍लो़डी। उहेमका गु जेमिम ल्‍वाडा मेख्‍लो़डु़ मेराम मु़चु़ जो़पा दु़म। मेप्‍माम मु़चु़का वाङमिम ल्‍वामिमडा वो मेख्‍लो़साका उ त्‍वापलाई जो़होमका जु़ल्‍मु चाप्‍सु़।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।