फिलिप्‍पी 3:11 - थुलुङ राई

¹¹ मेम्‍साका सिमुलाम हेसाका लोवो गो बङुनु़ र्‍वाक्‍पा आमा न बु।

फिलिप्‍पी 3:11 Cross References

लूका 14:14

मा इमा फुली सोमु मेचापा मु़चु़मिमलाई येट्‌नामिमका माम्‍चु़नीकु न-गो होप्‍माम मु़चु़मिम सिमुलाम बमिमिमनेम माम्‍चु़नीका गानालाई पुरस्‍कार ग्‍वानामी।”

यूहन्‍ना 11:24

मार्थाका र्‍वाक्‍ता, “हुक्‍पा थारीका सिमुलाम मु़चु़मिम बम्‍गेमिमिम नेम गु बगे र्‍वाक्‍पा गो चक्‍पु।”

थु़र्मा 23:6

लावो मेराम डोक्‍पु घ्रो़म्‍दीडा याङ सदुकी नुङ याङ फरिसी बुमी र्‍वाक्‍पा पावलका चडु़मका डोक्‍पु लो़लामका आरे र्‍वाक्‍ता, “वा-ल्‍वाकनी, गो ने फरिसीकु चो़ फरिसी ङा सो़। सिपा मु़चु़ सिमुलाम बगे र्‍वाक्‍पा ल्‍वाडा थो़र लु़ङडोमका आसिन्‍डा हिलाहिसी बेप्‍डा गो रेट्‌ङिडिमिम बु।”

थु़र्मा 26:7

आकी को-न (१२) दोचो़मिमका मे माम्‍चु़नीका र्‍वाम्‍डिम ल्‍वा ल्‍वामुकाम लागि कोले न-थो़मकाम दु़म्‍मिडी, मा नेम्‍फु-सिन्‍था माम्‍चु़नीकु सो़रलोले बेम्‍थाल्‍मिडी। हप अग्रिपास, ओराम ल्‍वाकु दुथाम ङा यहूदीमिमका मेजो़पा ल्‍वामिमका मुमा बेट्‌ङिडिमिम बु।

थु़र्मा 27:12

ओराम बन्‍दरगाहडा जुनेमका बुमु मेझापामिमका हेसाका लोवो फोनिक्‍स शहरडा ङा रोक्‍थिसाका बुइ र्‍वाक्‍साका हापा सेर्पा मु़चु़का मेलामका डोक्‍पु कुबी-बोक्‍साडा लस्‍ल्‍याडी र्‍वाम्‍डी। मेकोतिमा जु थारीका मेसिन्‍डा बाम्‍डी। क्रेट टापुडाम कोले बन्‍दरगाह फोनिक्‍स बु, मेराम रायला-पश्‍चिम नुङ उत्तर-पश्‍चिमथो़ ख्‍लोसिक्‍पा बु।

रोमी 11:14

आरेप्‍माम जो़पा-सेला दो़पा खारीडा आमा त्‍वाकु यहूदी सामागोडाममिमका नाचु़र बोमिनु़ मा मेर्मिमगोडाम कोङनिमलाई माम्‍चु़नीडा ख्‍लोमु चापुनु़।

१ कोरिन्थी 15:23

लावो सिमुलाम बग्‍गेसी आरेसाका पेन्‍तिका दु़म: ख्रीष्‍ट ने ङादो सिट्‌पा मा होङङा माम्‍चु़नीका ख्रीष्‍टलाई खोत्‍लेडाम ङादो सिमुलाम फम्‍डी, मेम्‍मा ख्रीष्‍ट योमिलो ख्रीष्‍टनुङ हेमकेम बाट्‌पा खोत्‍लेलाई माम्‍चु़नीका सिमुलाम फमी।

१ कोरिन्थी 9:22

याक्‍के थो़रनुङमा मु़चु़मिमका ख्रीष्‍टडा थो़र लु़मिनु़ र्‍वाक्‍साका याक्‍के थो़रनुङमा होप्माम दु़म्‍ङोडो। मेम्‍साका गो खोत्ले मु़चु़का हेसाका लोवो ख्रीष्‍टडा त्‍वारो़म ल्‍वामिनु़ र्‍वाक्‍साका मेर्मिम मु़चु़ होप्‍माम ङा दु़म्‍ङोडो।

१ कोरिन्थी 9:27

आ त्‍वाका त्‍वापलाई योपु, मा जो़होमका जु़लु, मेएँ माला ने वाङमिमलाई जो़पा-सेला थो़बेट्‌पुमिमिम चङडा गो पुरस्‍कार ल्‍वामु मेघ्रेट्‌पा दु़म्‍ङु।

२ कोरिन्‍थी 11:3

ब्‍लोका उमा मेजो़पा नका हव्‍बालाई वायम डस्‍तु़म होङङा ख्रीष्‍टडलाम सेपा नुङ आच्‍छाङाकाम रिखाम बेपा इनीमा न ताङताहेरथो़ ल डे र्‍वाक्‍साका गोलाई ङिमलु़डाम बु।

१ थेसलोनिकी 3:5

मेम्‍मिमका गो इम्‍मुम बुमु मेचापुवालो इनीमा थो़रकु दुथाम चमु लागि तिमोथीलाई गो इनीमाडा थु़र्तो। याङलो शैतानका इनीमा न छाम्‍मु चाप्‍सु़, मा गुकु बेत्तोकोम खारी ब्‍लाम-ब्‍लाम बु़ र्‍वाक्‍पा आमा ङिम लु़डाम बाइडा।

२ थेसलोनिकी 2:3

मु़चु़मिमका ओराम ल्‍वाकु दुथाम गानीलाई र्‍वामिमिम लिमा ल्‍वा जेसाका लु-फेले बोमु मेल्वासु़नु़। मु़चु़मिम माम्‍चु़नीकु कोर्थो़लाम बमी, मा माम्‍चु़नीकु डु़म्‍लाकाम कोर्थो़लाम बमिम पुयु़लुक्‍पा मु़चु़ रो। मेम्‍मा ङाचो़ येशू योमी।

२ तिमोथी 4:8

आथा ने माम्‍चु़नीकु ङादोडा जो़पा दु़म्‍पाकाम मुकुट आमा लागि जु़ल्‍मा बु, उहेम मुकुट जो़होमका निया बेपा ख्रीष्‍ट योमिमा गोलाई खुबेन्‍ङिमी। गोलाई कोङङा मेएँ, गुमी योमिमिम थारी छो़म लथाक्‍पा खोत्‍ले मु़चु़लाई खुबेन्‍मी।

हिब्रू 11:35

थो़रकाङा मेसेममिमका सिपा उनी मु़चु़मिम सिमुलाम बग्‍गेट्‌मिडिम डार्मिडी। वाङमिमका ने सिमुलाम बग्‍गेसाका मेरामडाम जो़पा त्‍वारो़म ल्‍वामु लागि थो़म्‍बोक बिपा दु़खा इम्‍मिडी मा वाङ दु़म्‍मु मेबिम्‍सिप्‍मिवा।

रेम्‍बेट्‌मिडिम ल्‍वा 20:5

सिपा वाङमिम ने को धु़म सङ थ मेहुक्‍थु़मसम्‍म सिमुलाम मेबक्‍मिवा। ओराम ङादोम सिमुलाम बक्‍सी सो़।