फिलिप्‍पी 3:10 - थुलुङ राई

¹⁰ ख्रीष्‍टलाई नुङ सिमुलाम गुमीलाई फक्‍पा यु़मलाई गो जो़होमका छेमु न बु। गुमीका ल्‍वाम्‍डिम होङङा दु़खा ल्‍वामु मा उनी साम लक्‍सीडा गुमी होङङा दु़म्‍मु न बु,

फिलिप्‍पी 3:10 Cross References

मत्ती 20:23

गुमीका मेर्चिपलाई र्‍वाम्‍डी, “मेभ्रपा आमा कान्‍चु़रेलामका गाची आच्‍छाङा डुमु चाम्‍ची। लावो आमा जो़पलाम नुङ पेलाम गन्‍मु ग्‍वाक्‍पा आमा मुलु़गोडा मिबु। आमा पापका छेट्‌मिडिम मु़चु़मिमकाम लागि गुमीका मेराम खोम बनेबेम्‍जो़ल्‍मिडिम बु।”

यूहन्‍ना 10:18

सु़का वो गोलाम आमा साम रमु मेचाप्‍सु़। गो आमा त्‍वाकु नका आ त्‍वापलाई सासेट्‌पु। हेङालोने आ त्‍वापलाई सासेट्‌पा नुङ आथावो बम्‍गेमु आमा मुलु़गोडा बु। आमा पापका आरे बोमु गोलाई बेबेट्‌ङिडिमिम बु।”

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

रोमी 8:17

गुइ उनीमा चो़-चु़सु़ माला, ने उनीमा खुन्‍चु़म ल्‍वापा वो गुइ ङा सो़। माम्‍चु़नीलाममिम खुन्‍चु़म ल्‍वापा मा ख्रीष्‍टनुङ बोम्‍था खुन्‍चु़म ल्‍वापा सो़। गुमीनुङङा गुइ वो दु़खा इम्‍डी माला उनीमा यु़म-झ्‍वाक्‍सीडा गुइ वो दु़म्‍सी।

रोमी 8:29

उहेम-उहेमलाई माम्‍चु़नीका छेट्‌मिडिम बु, मेर्मिमलाई गुमीका उनीमा तारापाचो़ ख्रीष्‍ट येशू होप्‍माम दु़म्‍बेन्‍मु लागि हापा वा-ल्‍वाकमिमगोडाम खोत्‍लेडाम ङादोम तारापाचो़ ने येशू ख्रीष्‍टङा दु़म्‍मिनु़ र्‍वाक्‍साका गुमीलाई थुट्‌मिडी।

रोमी 8:36

माम्‍चु़नीकु सिजेमडा र्‍याक्‍मा बु, “गुकु गानीडला थो़रलु़त्तोकोमका इनीमा लागि हेल्‍लो लोवो सेन्‍मु माल्की, गुकु फल्‍ला सो़सिमु खापा भेन्‍दा होप्माम ङा सो़।”

२ कोरिन्‍थी 1:10

गुमीका गुकुलाई आरेप्‍माम छो़म ङिमलु़पा सिमुलामका फ्‍वाक्‍तिकिमी, मा फ्‍वाक्‍सामी वो। गुमीका गुकुलाई हेल्‍लो लोवो फ्‍वाकिमी र्‍वाक्‍पा नका गुमीडला गुकु आकीमा थो़र जु़ल्‍तोकोम बु,

२ कोरिन्‍थी 1:5

हेङालोने ख्रीष्‍टकाम लागि गुइ हाङको हापा दु़खा ल्‍वासी, मेकोतिङा माम्‍चु़नीका ख्रीष्‍टलामका इकीमा न बसाक्‍सामी।

२ कोरिन्‍थी 13:4

आच्‍छाङा मेचाप्‍सीडा गुमी क्रूसडा चेन्‍ला सो़सिम्‍डी, लावो माम्‍चु़नीकु यु़मका गुमी नु़पाङा बुमी। गुकु वो गुमी होङङा मेचापा दु़म्‍कु, लावो माम्‍चु़नीकु यु़मका गुकु वो गुमीनुङङा नु़साका गानीगोडा खारी बोकु।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

गलाती 6:17

आथाडा आनो गोलाई सु़का वो दु़खा मेग्‍वाङिमिनु़। हेङालोने गो येशू ख्रीष्‍टकु डु़ल्‍चो़ र्‍वाक्‍साका छेसिक्‍पा पारकु सु़ल आमा मिरो़मडा बु।

एफिसी 4:13

गुइ खोत्‍लेका ख्रीष्‍टडा बिइमिम इकी थो़रडा कोले दु़म्‍पा, माम्‍चु़नीकु तारापाचो़लाई आच्‍छाङा छेपा, थो़रडा आच्‍छाङा सोनुङमा दु़म्‍पा, मा ख्रीष्‍ट होप्‍मामङा दु़म्‍सिमिमसम्‍म बर्तो लक्‍सी।

फिलिप्‍पी 3:8

मेकोति कोङङा मेएँ, ख्रीष्‍ट येशू आमा ङाचो़लाई छेत्तोमका हापा थिकाम ल्‍वानुङ थो़प्‍सीडा खोत्‍ले ल्‍वा हाम वो मेएँ र्‍वाक्‍पा लु़ङु। ख्रीष्‍टलाई गो ल्‍वाउनु़ मा गो गुमीनुङ दु़म्‍ङुनु़ र्‍वाक्‍साका खोत्‍ले ल्‍वा हाम ना हामकाम दु़म्‍बेत्तो मा मेर्मिम ने पारिमिम घ्राम्‍लु़पा कोतिम लु़ङु।

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

कलस्‍सी 2:13

कोबिलि गानी सिन्‍निम बाइडा, हेङालोने गानी माम्‍चु़नीकु मु़चु़ मेबानिवा मा छु़ल बेपा मु़चु़ बान्‍नी, लावो माम्‍चु़नीका ख्रीष्‍टनुङङा फक्‍निमी। माम्चु़नीका खोत्‍ले इकीमा छु़ल हेप्‍साड्‌डामी।

कलस्‍सी 3:1

माम्‍चु़नीका गानीलाई ख्रीष्‍टनुङ सिमुलाम बन्‍गेट्‌नीमा त्‍वारो़म ल्वानी माला पाह्रीलाम माम्‍चु़नीकु जो़पा ल्‍वा डार्पा न बेनी। मेड्‍डा ख्रीष्‍ट माम्‍चु़नीकु जो़पलाम गन्‍तसिट्‌मिमिम बु।

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।

२ पत्रुस 1:13

ओ सुबुडा आमा मिरो़मडा बुङुमिमसम्‍म गानीलाई मिम्‍बेन्‍मु लागि फमु जो़पा लु़ङडोम बु।

१ यूहन्‍ना 2:3

गुमीका बेबेसाड्‌डामिम होङङा बिइ माला ख्रीष्‍टलाई गुइ छेडिमी रेछा र्‍वाक्‍पा च।

१ यूहन्‍ना 2:5

लावो कोङनिमका माम्‍चु़नीकु सिजेम होम्‍साका बु़ माला मेरामकाडा माम्‍चु़नीकु रिखाम होङङा दु़म। गुइ गुमीडा बुइमिम ओरामलामका छेडी:

रेम्‍बेट्‌मिडिम ल्‍वा 1:18

नु़पा ने गोङा सो़, गो सिङ्‌डोम बाइडा, लावो रेप्‍नी, गो हेल्‍लो लोवो नु़ङुम बुङु। मेम्‍मा सिमुलाम नुङ सिपा मु़चु़मिम बाखोप खादी ल्‍वाडा बेपा चाबीमिम गोनुङ बु।