फिलिप्‍पी 3:1 - थुलुङ राई

¹ हुम-दडा, आमा वा-ल्‍वाकनी, ङाचो़ येशूडा गेर्सी द्‌वाक्‍नी। गो ङादो र्‍याक्‍तोम ल्‍वा आथावो गानीलाई र्‍यामु गो मेघ्रु़म्‍ङु, मा मेराम ल्‍वा ने गानीलाई बोपा-थार्पा सो़।

फिलिप्‍पी 3:1 Cross References

मत्ती 5:12

इनी न-भ्रसिबेट्‌निमा छो़म गेर्सिद्‌वानी, हेङालोने पाह्रीला गानी डोक्‍पु पुरस्‍कार ल्‍वानी। माकेम माम्‍चु़नीलाम-जेपामिमलाई वो मेर्मिमका आरेसाकाङा उनी थो़मतेर्साम्‍डिम बाइडा।

लूका 1:47

मा गोलाई सेल्‍पा माम्‍चु़नीडा आमा गो भ्रसी।

रोमी 5:11

आकोति कोङङा मेएँ, लावो इकीमा ङाचो़ येशू ख्रीष्‍टलाम गुइ माम्‍चु़नीडा गेर्सिक्‍तोङा बिइ, हेङालोने ख्रीष्‍टकाङा गुइलाई माम्‍चु़नीनुङ इकीमा न-थो़म घ्रो़म्‍बेसाका ङोप्‍सो़ दु़म्‍बेसाड्‍डामिम बु।

२ कोरिन्‍थी 13:11

हुम-दडा, वा-ल्‍वाकनी, ब्‍र्‍वासिडी। छो़म जो़पा दु़म्‍साका लाम्‍दिमु न बेनी। गो छो़म र्‍वाङुमिम ल्‍वा थो़नी, कोले नकाम दु़म्‍नी, भ्रसिसाका बानी। मेम्‍मा रिखाम बेपा मा न-भ्रसी ग्‍वाक्‍पा माम्‍चु़नी गानीनुङ दु़म्‍मी।

एफिसी 6:10

हुम-दडा, गानी ङाचो़कु डोक्‍पु यु़मका यु़मनुङमा दु़म्‍नी।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

फिलिप्‍पी 4:4

ङाचो़ येशूडा हेल्‍लो लोवो भ्रन्‍सिट्‌नी। आथावो गो र्‍वाङु, भ्रन्‍सिट्‌नी।

फिलिप्‍पी 4:8

हुम-दडा, वा-ल्‍वाकनी, जो़पा नुङ कोमुका घ्रेट्‌पा ल्‍वामिम इनीमा नडा मिम्‍नी। मेर्मिम ल्‍वा: आच्‍छाङाकाम, डोक्‍पु मिम्‍मुका घ्रेट्‌पा, माम्चु़नीकु मिक्‍सीलामडा जो़पा, सेपा, द्‌वादीबुङ, सो़मुका घ्रेट्‌पा।

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

१ थेसलोनिकी 5:16

हेल्‍लो लोवो इनीमा नगोडा भ्रन्‍सिट्‌नी।

याकूब 1:2

आमा वा-ल्‍वाकनी, गानीडला खाल-खालकाम दु़खामिम रोमिलो छो़म गेर्सी द्‌वाक्‍नी।

१ पत्रुस 3:8

हुम-दडा, गानी खोत्‍ले कोले नकाम दु़म्‍साका बानी। कोलेका कोङमीकु दु़खाडा रेम्‍बेबेपा दु़म्‍नी, वा-ल्‍वाकलाई होङङा रिखाम बेबेनी, न-थो़मनुङमा दु़म्‍नी, मा याक्‍के दु़म्‍नी।

१ पत्रुस 4:13

लावो ख्रीष्‍टका होङङा गानी वो दु़खा ल्‍वानिलो इनी न भ्रसिनु़। मेम्‍मा उनी यु़म-झ्‍वाक्‍सीडा गुमी रेम्‍बेम्‍सिमिलो गानी छो़म गेर्सी द्‌वाक्‍नी।

२ पत्रुस 3:1

द्‌वादीबुङ ङोप्‍सो़नी, गानीलाई र्‍याक्‍तोम ओराम आमा ननोम सेलाखाजेम सो़। गानी जो़पा मिम्‍नी र्‍वाक्‍साका मिम्‍बेन्‍मु लागि सो हन्‍बेन्‍सामु निफिङा सेलाखाजेम गो गानीलाई र्‍याक्‍तोम।