फिलिप्‍पी 2:9 - थुलुङ राई

⁹ मेम्‍मिमका माम्‍चु़नीका गुमीलाई खोत्‍लेडाम येपाला कोम्‍डी, मा गुमीलाई खोत्‍लेडाम गेलेम नङ ग्‍वाम्‍डी,

फिलिप्‍पी 2:9 Cross References

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

लूका 10:22

“आमा माम्‍चु़नीका खोत्‍ले गोलाई आमा ल्‍वाडा ग्‍वाङ्‌डिमिम बु। माम्‍चु़नीकु तारापाचो़ सु़ र्‍वाक्‍साका माम्‍चु़नीडाम वाङमिम सु़का वो मेछेङिमी। माम्‍चु़नी सु़ र्‍वाक्‍साका माम्‍चु़नीकु तारापाचो़डाम सु़का मेछेडु़। माम्‍चु़नीकु तारापाचो़का गुमीलाई उहेमकाडा रेम्‍बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”

यूहन्‍ना 13:3

पापका खोत्‍ले ल्‍वामिमडला साखाम येशूलाई ग्‍वाम्‍डिम मा गुमी माम्‍चु़नीलाम योम्‍डिम, मा माम्‍चु़नीकाडाङा ख्‍लोसिक्‍तो लेट्‌पु र्‍वाक्‍पा गुमीका चम्‍डिम बाइडा।

यूहन्‍ना 17:11

“गो सु़म्‍दिसेरडा मेबुङु, लावो मेर्मिम सु़म्‍दिसेरडा बुमी, मा गो ने इनीमाडा गेत्तोङा बेउ। सेपा पाआ, गानी गोलाई ग्‍वाङ्‌डिनिम इनीमा नङकु यु़मका मेर्मिमलाई बोनी-थार्निमी, मा गानी नुङ गो कोङसो़ बुचिमिम होङ्‍ङा मेर्मिम वो कोङसो़ दु़म्‍मिनु़।

यूहन्‍ना 17:12

गो आसिन्‍डा बाङडोम थारीका गानी ग्‍वाङ्‌डिनिम नङकु यु़मका मेर्मिमलाई बोत्तोमी-थार्तोमी, मा इनीमा सिजेम होङङा मेर्मिमगोडाम कोले कोङङा पुयु़लुस्‍ता।

यूहन्‍ना 17:5

पाआ, सु़म्‍दिमो ङादो गानीनुङ बाङ्‌डोलोम आमा यु़म-झ्‍वाक्‍सीका इनीमा ङादोडा यु़म झ्‍वाबेट्‌नी।

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

एफिसी 1:10

माम्चु़नीकु नका र्‍वामिम ने थारी हुसोमिम चङडा पाह्री नुङ सु़म्‍दिसेरडा बाट्‌पा खोत्‍ले ख्रीष्‍टकु साखाम गोडा दु़म्बेन्‍मिम सो़।

कलस्‍सी 1:18

ख्रीष्‍ट मण्‍डली थो़पा बुइ बुमी, मे मण्‍डली उनीमा रो़म सो़। ख्रीष्‍टका लाले नु़सी ग्‍वाक्‍सामी। सिमुलाम बग्‍गेट्‌पा मा आथावो मेसिपा गुमीङा ङादोम सो़। मेम्‍मिमका खोत्‍लेकु डलाम गुमी ङा सो़।

२ थेसलोनिकी 1:12

मेम्‍साका इकीमा ङाचो़ येशूकु नङ गानीगोडा कोसिनु़ मा गुमीनुङ गानी वो कोन्‍सिनी। इकीमा माम्‍चु़नीकु दिदामका नुङ ङाचो़ येशू ख्रीष्‍टलामका ओर्मिम खोत्‍ले दु़म।

हिब्रू 1:4

माम्‍चु़नीका उनी तारापाचो़लाई पाह्रीचो़मिमडाम डोक्‍पु बनेबेम्‍डी, मा उनी तारापाचो़लाई बाम नङलामका येट्‌मिडी मेराम ने पाह्रीचो़मिमलाई येट्‌मिडिम नङडाम छो़म डोक्‍पु बाइडा।

हिब्रू 1:9

गानी मु़चु़मिमका जो़पा खारी बोमु द्‌वानी मा मेजो़पा खारी बोमु मेद्‌वानी। मेम्‍मिमका माम्‍चु़नी, इनी माम्‍चु़नीका गानीलाई इनी ङोप्‍सो़मिमडाम हापा डोक्‍पु मिम्‍साका गेर्सिबेट्‌नी।”

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

१ पत्रुस 3:22

ख्रीष्‍ट पाह्रीला लम्‍डी मा माम्‍चु़नीका खोत्‍ले पाह्रीचो़मिम, साखाम नुङ यु़म बाट्‌पा धामुलाम पेलमिमलाई येशू ख्रीष्‍टकु साखामगोडा बेसाका गुमीलाई उनीमा जो़प ल्‍वालाम गन्‍बेट्‌मिडिम बु।

२ पत्रुस 1:17

गुमीलाई माम्‍चु़नी पापका डोक्‍पु मिम्‍मिडी मा उनी यु़म झ्‍वाबेट्‌मिडी। डोक्‍पु यु़म-झ्‍वाक्‍सीलामका उनीमा लो़लामका येशूलाई र्‍वाक्‍ता, “ओराम गो द्‌वाक्‍पुमिम आमा तारापाचो़, ओरामडाम गो छो़म गेर्सिक्‍पा बुङु।”

३ यूहन्‍ना 1:7

हेङालोने ङाचो़ ख्रीष्‍टकु खारी बोमु लागि मेर्मिम मु़चु़ थो़र मेलु़पा मु़चु़मिमलाम हाम वो मेरसाका लाम्‍दिम्‍डिम सो़।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रेम्‍बेट्‌मिडिम ल्‍वा 19:16

उनीमा ब्‍लाङमाडा नुङ उनीमा फिलाडा ओराम उनीमा नङ र्‍याक्‍मा बाइडा: “हपमिमकु हप नुङ ङाचो़मिमकु ङाचो़।”

रेम्‍बेट्‌मिडिम ल्‍वा 3:21

गो घ्‍ल्‍वाङडोमा माम्‍चु़नी पापनुङ उनीमा गन्‍खोपडा गन्‍पा साखाम ल्‍वाउतोम होङङा मेजो़पाडला घ्‍ल्‍वापामिमलाई गोनुङङा हप गन्‍खोपडा गन्‍मु ग्‍वाक्‍पुमी।

रेम्‍बेट्‌मिडिम ल्‍वा 5:12

मेर्मिमका डोक्‍पु लो़लामका आरे र्‍वाक्‍साका काम्‍सो बेम्‍डिम बाम्‍डी: “सेट्‌मिडिम भेन्‍दाचो़, यु़म, खाप्‍ची, नेप्‍ची, सो, डोक्‍पु बेसी, यु़म-झ्‍वाक्‍सी, नुङ नङ कोसी रमुका घ्रेट्‌पा!”