फिलिप्‍पी 2:8 - थुलुङ राई

⁸ गुमी मु़चु़ दु़म्‍साका उनी त्‍वापलाई याक्‍के दु़म्‍बेट्‌मिडी, मा क्रूसडला सिम्‍डिमसम्‍मङा माम्‍चु़नीका र्‍वाम्‍डिम होम्‍साका बेम्‍डी।

फिलिप्‍पी 2:8 Cross References

मत्ती 17:2

मेर्मिमका रेप्‍तो-रेप्‍तोङा येशूकाम ङाली ख्‍लोसिड्‌डा, मा उनीमा ङाली नेप्‍सुङ होङङा झ्‍वाक्‍ता, मा उनी ये-सेम ओल होङङा बुबुया दु़स्‍ता।

मत्ती 26:39

गुमी किचो़ होनोक्‍थो़ लम्‍डिमा खुम्‍बु बेसाका आरे र्‍वाक्‍तो सो़म्‍दी बेम्‍डी, “आमा पाप, नु़ माला ओराम दु़खाकु कान्‍चु़रे गोलामका हेमसाङनी। लावो आमा न होम्‍साका ने मेएँ, इनीमा न होम्‍साका बेनी।”

मत्ती 26:42

आथावो येशू नखेपडा लम्‍डिमा सो़म्‍दी बेम्‍डी, “आमा पाप, गो ओराम मेडुथु़म मेनु़ङा माला इनीमा न होम्‍साका दु़म्‍नु़।”

लूका 9:29

येशूका सो़म्‍दी बेम्‍डिम बाम्‍डिलो उनी ङाली ख्‍लोस्‍तामा उनीमा ये ब्‍ल्‍याक्‍ची ओप्‍डु़म होप्‍माम बुबुया दु़स्‍ता।

यूहन्‍ना 10:18

सु़का वो गोलाम आमा साम रमु मेचाप्‍सु़। गो आमा त्‍वाकु नका आ त्‍वापलाई सासेट्‌पु। हेङालोने आ त्‍वापलाई सासेट्‌पा नुङ आथावो बम्‍गेमु आमा मुलु़गोडा बु। आमा पापका आरे बोमु गोलाई बेबेट्‌ङिडिमिम बु।”

यूहन्‍ना 14:31

लावो पापलाई गो रिखाम बेउ, मा पापका हाम बेबेन्‍ङिमी मेरामङा गो बेउ र्‍वाक्‍पा सु़म्‍दिसेरडाम मु़चु़मिमका चमिनु़। दो, ओलामका लक्‍सी।”

यूहन्‍ना 15:10

गानी गो र्‍वाङ्‌डोम थो़नी माला आमा रिखामडा गानी बुनी, हेसाका गो वो आमा पापका र्‍वाम्‍डिम थो़उतो, मा उनीमा रिखामडा बुङु।

यूहन्‍ना 4:34

येशूका मेर्मिमलाई र्‍वाम्‍डी, “गोलाई थु़र्पाकु न होङङा बोमु नुङ उनी खारी बोम्‍सोमुङा आमा पोमु-डुमु सो़।

थु़र्मा 8:33

गुमीलाई छो़म नाप्‍छु़ट्‌मिडिलो उनीमा लागि जो़पा निया वो मेदु़प्‍सावा। आथा ने उनी चो़-चु़सु़कु दुथाम सु़का सो़यु़ मा? हेङालोने मेर्मिमका सुबुडा उनीमा साम फ्‍याम्‍साम्‍डी।”

रोमी 5:19

कोले मु़चु़का माम्‍चु़नीका र्‍वाम्‍डिम ल्‍वा मेथो़सु़वामका हापा मु़चु़मिम छु़लचो़ दु़म्‍मिडी, मेम्‍साका ङा कोले मु़चु़का माम्‍चु़नीका र्‍वाम्‍डिम थो़स्‍तु़मका हापा मु़चु़मिम जो़पा न-गोकाम दु़म्‍मिडी।

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

गलाती 3:13

येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

हिब्रू 12:4

छु़लकु कोर्थो़लाममिम इनी क्‍वाल्‍बा बेसीडा गानी छु़ल भोमु लागि सेन्‍लाङा सो़सिक्‍पा थारीडा रोन्‍थिट्‌ल्‍याट्‌निम ने मिबु।

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।