फिलिप्‍पी 2:7 - थुलुङ राई

⁷ गुमीका खोत्‍ले ङेट्‌मिडी, डु़ल्‍चो़ होप्माम दु़म्‍मिडी मा मु़चु़ दु़म्‍साका गम्‍डी,

फिलिप्‍पी 2:7 Cross References

मत्ती 12:18

“गो छेत्तोम आमा डु़ल्‍चो़ आसिन्‍डा बु, गुलाई गो द्‌वाक्‍पु, मा गुनुङ गो गेर्सिद्‌वाक्‍पा बुङु, गो आमा पेलका गुलाई लु़ट्‌पु, मा गुका खोत्ले सामाकाम मु़चु़मिमलाई मेर्मिम सेल्‍सिमिमिमकु दुथाम सो़यु़।

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

मर्कूस 9:12

येशूका मेर्मिमलाई र्‍वाम्‍डी, “आच्‍छाङा, एलिया ङा ङादो योमु बासी, मा खोत्‍ले ङादोम होप्‍माम ङा बु़जो़लु़। लावो मिनीचो़का छो़म दु़खा ल्‍वामु नुङ खोत्‍लेलामका नाप्‍छु़न्‍ला सो़म्‍सिमु बासी र्‍वाक्‍साका हेङा र्‍याक्‍मा?”

लूका 22:27

पेप्‍डा गन्‍पा नुङ चापे-डुपे बेपा मु़चु़चिपगोडा उहेम डोक्‍पु मु़चु़ दु़म? ग्रुला पेप्‍डा गन्‍पा ङा डोक्‍पु मेएँ मा? लावो इनी थेतेडा गो चापे-डुपे बेपा मु़चु़ होप्‍माम ङा बुङु।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

रोमी 1:3

ओराम जो़पा-सेला ने माम्‍चु़नीकु द्‍वादीबुङ तारापाचो़ येशू ख्रीष्‍टकु दुथाम सो़। गुमी मु़चु़ दु़म्‍साका दाऊद हपकु दोचो़गोडा गम्‍डी।

रोमी 15:3

हेङालोने ख्रीष्‍ट उनी त्‍वाका वो त्‍वापलाई गेर्सिट्‍पा खारी मेबेमिवा। माम्‍चु़नीकु सिजेमडा र्‍याक्‍मा बु, “गानीलाई डक्‍साका जेपामिमका गोलाई डक्‍साका जेम्‍डिम बु।”

रोमी 15:8

गो गानीनुङ र्‍वाङु, माम्‍चु़नीका यहूदीमिमलाई मेर्मिमकु बेप-पापनुङ याचे जेम्‍डिम ल्‍वा आच्‍छाङा र्‍वाक्‍साका रेम्‍बोमु लागि ख्रीष्‍ट यहूदीमिमकु डु़ल्‍चो़ दु़म्‍मिडिम सो़।

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

२ कोरिन्‍थी 13:4

आच्‍छाङा मेचाप्‍सीडा गुमी क्रूसडा चेन्‍ला सो़सिम्‍डी, लावो माम्‍चु़नीकु यु़मका गुमी नु़पाङा बुमी। गुकु वो गुमी होङङा मेचापा दु़म्‍कु, लावो माम्‍चु़नीकु यु़मका गुकु वो गुमीनुङङा नु़साका गानीगोडा खारी बोकु।

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

गलाती 4:4

लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

फिलिप्‍पी 2:6

गुमी आच्‍छाङा माम्‍चु़नी बाम्‍डी, लावो माम्‍चु़नी कोतिमङा दु़म्‍मु मेमाल्‍मिवा,

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

हिब्रू 13:3

गानी वो मे चसिक्‍पा मु़चु़मिमनुङङा चन्‍सिट्‌निम होङङा मिम्‍नी, मा मेजो़पा बेम्‍डिम मु़चु़मिमनुङङा इनी मिरो़मडा मेजो़पा बेला सो़न्‍सिट्‌निम होङङा मेर्मिमलाई मिम्‍नी।

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।