5 ख्रीष्ट येशूकाम होप्मामङा इनीमा न दु़म्मु बासी।
आमा जुवा बालामडला कुर्साका गोनुङ लाम्दिनी, मा गोनुङ सीन्सिट्नी। हेङालोने गो न-गोनुङमा नुङ न-थो़मनुङमा बुङु, मा गानी इनी नडा भ्रन्सिनी।
पेप्डा गन्पा नुङ चापे-डुपे बेपा मु़चु़चिपगोडा उहेम डोक्पु मु़चु़ दु़म? ग्रुला पेप्डा गन्पा ङा डोक्पु मेएँ मा? लावो इनी थेतेडा गो चापे-डुपे बेपा मु़चु़ होप्माम ङा बुङु।
माम्चु़नीका नासरतडाम येशूलाई उनीमा पेल नुङ यु़मका थुट्मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्लुक्तो लाम्दिम्डी, हेङालोने माम्चु़नी गुमीनुङ बाम्डी।
खोत्ले ब्राम्दु़ल्वा बेउतोमा गानीलाई रेम्बेट्निनिम बु सो़। गानी वो आरेसाकाङा छो़निमा मेचापामिमलाई ख्लो़मुमि बासी। येशूका र्वाम्डिम ओराम सिजेम मिम्नी सो़ ‘ग्वामु ङा रमुडाम वो आलाकाम दु़म सो़’।”
गानी पोनिमिम पोमुथोकका थो़रलु़पा वा-ल्वाकमिमकु न नो़ माला गानी मेर्मिमलाई रिखाम बोनिमिम मेदु़म। ख्रीष्ट उनी त्वापङा सिसाका सेल्मिडिम मु़चु़लाई इनीमा पेसी-डुसीकु ल्वाका पुयु़मेलुबेट्नु़।
हेङालोने ख्रीष्ट उनी त्वाका वो त्वापलाई गेर्सिट्पा खारी मेबेमिवा। माम्चु़नीकु सिजेमडा र्याक्मा बु, “गानीलाई डक्साका जेपामिमका गोलाई डक्साका जेम्डिम बु।”
इम्मु चापा यु़म नुङ इकीमा सो हन्बेट्पा माम्चु़नीका गानीलाई येशू ख्रीष्टनुङ कोले बासी दोसीकाम दु़म्साका दोपा, मा गानी इनी त्वाप-त्वापडा कोले नकाम दु़म्साका बाट्पा यु़म ग्वानिमिनु़।
हेसाका लोवो गो बेउमिम खारीडा खोत्ले मु़चु़लाई गेर्सिबेन्मुलाई छो़म ब्राम्दु़ल्वा बेउ, आ त्वाप जो़पा दु़म्ङुनु़ र्वाक्पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्नु़, मा मेर्मिम खोत्ले सेल्सिमिनु़ र्वाक्पा आमा न बु।
येशू ख्रीष्टका गानीलाई रिखाम बेन्निमिमका इनी छु़ललाम वाङ बोमु लागि उनी त्वापङा सासेन्सिम्डी मा माम्चु़नीलाई गेर्सीबेट्पा भ्रपा मुर्नेम्पा धूप होप्माम दु़म्मिडी। मेम्साका गानी वो रिखामडा बानी-दोनी।
ख्रीष्ट येशूकु डु़ल्चो़चिप, गुचुकु पावल नुङ तिमोथीका, फिलिप्पी मण्डलीडाम रेपा ङाउमिम, डिकनमिम मा येशू ख्रीष्टडा थो़र लु़पा खोत्ले मु़चु़मिमलाई ओराम सेलाखाजेम र्याक्तोङा बोचुकु।
आरेप्मामङा दु़खा इम्मुकाम लागि माम्चु़नीका गानीलाई येट्निमिम सो़। हेङालोने गानी उनी सु़ल-सु़ल लाम्दिनी र्वाक्साका ख्रीष्टका वो इनीमा लागि इम्मिडिमा रेम्बेट्निमी।
मेम्मिमका ख्रीष्टका उनी मिरो़मडा दु़खा ल्वाम्डी, गानी वो गुमी होप्मामङा दु़खा इम्मु नडा झो़म्जो़ल्सिट्नी। हेङालोने उहेमका मिरो़मडा दु़खा ल्वास्तु़म बु मेरामका छु़ल बोमु डिड्डु़म बु।
उहेमका गुमीडा बुङु र्वा गु येशू बाम्डिम-दोम्डिम होम्साका बुमु-दोमु बासी।
