फिलिप्‍पी 2:30 - थुलुङ राई

³⁰ हेङालोने ख्रीष्‍टकु खारीकाम लागि गु र्‍वाप्‍डाङा सिडा, मा गानी गोलाई ग्‍वामु मेचाप्‍निवाम ख्‍लो़सीडा खारी बोम्सोमु लागि सिमु बासि लोवो हाम होङ्‍ङा मेलु़यावाम बाइडा।

फिलिप्‍पी 2:30 Cross References

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

रोमी 16:4

मेर्चिपका गोलाई गेमु लागि उची त्‍वापङा र्‍वाप्‍डा सिच्‍चिम बाइडा। मेर्चिपलाई गो कोङङा मेएँ, लावो वाङसामाडाम मण्‍डलीमिमका वो आला र्‍वाम्‍डी।

१ कोरिन्थी 15:53

हेङालोने इकीमा मिरो़म सिल्‍या मा झिम, मा ओराम हेल्‍लो लोवो दु़म्‍पाम बाट्‍पा मा मेझिपा मिरो़मडा ख्‍लोम्‍सिमु बासी।

१ कोरिन्थी 16:10

तिमोथी इनीमाडा रोलो मिम्ताम-सो़र्ताम मेबेसाका गानीनुङ बुमु ग्‍वाक्‍नी। हेङालोने गुका वो गो होम्‍साकाङा ङाचो़कु खारी बेत्तोङा लेडु़।

१ कोरिन्थी 16:17

स्‍तिफनस, फोर्टुनाटस नुङ अखाइकस आसिन्‍डा रोम्‍डिमडाम गो गेर्सिक्‍पा बुङु। हेङालोने गानी मेबानिवालो मेर्मिम रोम्‍डिमका गानी ङा आसिन्‍डा बान्‍निम होङङा लु़ङ्‌डो।

२ कोरिन्‍थी 12:15

गानीलाई जो़पा दु़म्‍नु़ र्‍वाक्‍साका गोनुङ बाट्‍पा खोलेम थोक गेर्सी द्‍वाक्‍तो ग्‍वानिनी मा गो आ त्‍वापलाई ङा वो ग्‍वानिनी। गो गानीलाई ओकोति छो़म रिखाम बोनिनी माला गानी ने गोलाई कि-कि कोङङा रिखाम बोङिनी मा?

२ कोरिन्‍थी 4:12

मेम्‍मिमका गुकु राप्‍डा सित्तो गानीगोडा खारी बोकुलो गानी हेलो वो मेसिपा त्‍वारो़म ल्‍वानी।

फिलिप्‍पी 2:17

माम्चु़नीडा इनीमा थो़र नुङ बोनिमिम खारी ने गुमीलाई ग्‍वामा सासेन्मु होप्माम बु। आमा त्वाकु सिसि मेराम सासेन्मुडला अम्‍सिमुङा बासी लोवो गेर्सिक्‍पा बुङु, मा गानी खोत्‍लेनुङ भ्रसिद्‌वाङु।

फिलिप्‍पी 2:27

गु आच्‍छाङा छो़म नो़डा मा सिल्‍याड्‌डामङा बाइडा। लावो माम्‍चु़नीका गुडला न-थो़म रेम्‍बेम्‍डी। गुडला कोङङा मेएँ, लावो आमा मेभ्रसिसीडला वो मेभ्रसिसी मेदु़म्‍नु़ र्‍वाक्‍साका गुमीका न-थो़म रेम्‍बेम्‍डी।

फिलिप्‍पी 4:10

गानी हापा चङडा आथावो आमा मिम्‍ताम बेन्‍निमका ङाचो़ येशूडा गो छो़म भ्रङसिङु। आच्‍छाङा, ङादो वो गानी आमा दुथाम हेल्‍लो लोवो मिम्‍ताम बेन्‍निम ङा बान्‍नी, लावो गोलाई ख्‍लो़मु जो़पा थारी मेडार्निवा।

फिलिप्‍पी 4:18

गोलाई चाइदु़म्‍पाडाम वो हापा ल्‍वाउतोम बु, गो लिट्‌पा बुङु। गानी इपाफ्रोडिटसकाडा थु़र्निम ख्‍लो़सीमिम डार्तो। मेर्मिम ने माम्‍चु़नीका रमिमिम मा मेराम ने गुमीलाई गेर्सिबेट्‌पा भ्रपा नेम्‍पा ग्‍वा-ग्‍वा होप्‍माम बु।

फिलेमोन 1:13

जो़पा-सेला थो़बेत्तोमिमका गो चसिक्‍पा बुङुलो गुलाई आसिन्‍डा गोनुङङा जेन्‍मु न बाइडा, मा इमा खोमडा गुका ख्‍लो़ङिवा।

रेम्‍बेट्‌मिडिम ल्‍वा 12:11

भेन्‍दाचो़कु सिसिका नुङ मेर्मिमका सो़म्‍डिम सिजेमका मेराम मुनाङडला घ्‍ल्‍वाम्‍डिम बु। मेर्मिम सिमुङा बासिक्‍पा लोवो सिमु मेङिपा बाम्‍डी।