फिलिप्‍पी 2:3 - थुलुङ राई

³ त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।

फिलिप्‍पी 2:3 Cross References

लूका 18:14

“गो गानीलाई र्‍वाङु, मे फरिसी मेएँ, कर फक्‍पा मु़चु़ माम्‍चु़नीकु न-गो होप्‍माम दु़स्‍तामा उ नेम ख्‍लोस्‍ता। हेङालोने उहेम मु़चु़का उ त्‍वापलाई डोक्‍पु मिम्‍सी मेरामलाई माम्‍चु़नीका याक्‍के दु़म्‍बेन्‍मी, मा उ त्‍वाप याक्‍के दु़म्‍पा मु़चु़ ने माम्‍चु़नीका डोक्‍पु दु़म्‍बेन्‍मी।”

रोमी 12:10

त्‍वाकु वा-ल्‍वाक होम्‍साका रिखाम बेबेनी, त्‍वापडाम वो वाङमिमलाई हापा डोक्‍पु मिम्‍नी।

रोमी 13:13

मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।

रोमी 2:8

लावो रिबुसी किट्पा, त्‍वाकाम कोङङा जो़पा बोमु माल्‍पा, आच्‍छाङाकाम ल्‍वा मेथो़पा, मा मेजो़पा खारी बेपामिमडला माम्‍चु़नीका उनी छोक्‍चो हान्‍मी।

१ कोरिन्थी 15:9

थु़र्मामिमगोडाम खोत्‍लेडाम याक्‍के गोङा सो़। थु़र्मा र्‍वाला सो़म्‍सिमु मेघ्रेन्‍ङी। हेङालोने गो माम्‍चु़नीकु मण्‍डलीकु थो़मतेर्साक्‍तोम बाइडा।

१ कोरिन्थी 3:3

गानी आथावो ओ सु़म्‍दिसेरडाम मु़चु़ होप्‍मामङा बुनी। गानी नाचु़र बेबोनी मा छोक्‍चो बेबोनी माला हाम गानी सु़म्‍दिसेरडाम मु़चु़मिम होप्‍माम मेदु़म्‍निवा मा?

२ कोरिन्‍थी 12:20

हेङालोने गो मेसिन्‍डा गानीलाई क्रो़म्‍डा रोङुलो गो मिम्‍तोम होप्‍माम मेदु़म्‍मु चाम्‍नी मा गानी वो गोलाई मिम्‍ङिनिमिम होप्‍माम मेदु़म्‍मु वो चापु र्‍वाक्‍पा आमा ङिम लु़डाम बु। मेसिन्‍डा गानीगोडा रिबुसी, नाचु़र, छोक्‍चो, त्‍वाप कोङङा जो़पा दु़म्‍मु माल्‍पा, डक्‍साका जेपा, वाङमिमकु ल्‍वा बेपा, डोक्‍पु लिसिट्‌पा, मा मु़चु़मिमगोडा ल्‍वा मेघ्रो़म्‍पा दु़म्‍मी डे र्‍वाक्‍पा ङिम लु़डाम बु।

गलाती 5:15

सो़ब्‍दीडाम हादीबारामिम होङङा गानी इनी त्‍वाप-त्‍वापडा ख्रेन्‍बेबोनी मा ब्राम्‍बेबोनी माला ने चङचङया बानी वो, मेएँ माला ने इनी त्‍वाप-त्‍वापडाङा पुयु़लुबेबोनी।

गलाती 5:26

गुइ कोलेका कोङमीकु छोक्‍चो फक्‍साक्‍पा, डोक्‍पु लिसिक्‍पा मा नाचु़र बेपा दु़म्‍सी मेनु़।

एफिसी 4:2

हेल्‍लो लोवो याक्‍के दु़म्‍पा, मेक्रोक्‍पा मा इम्‍साका कोलेका कोङमीलाई रिखाम बेबेनी।

एफिसी 5:21

ख्रीष्‍टलाई डोक्‍पु मिम्‍निमिमका इनी त्‍वापगोडा वो कोले कोङमीकु ल्‍वाडा बाट्‍पा दु़म्‍नी।

फिलिप्‍पी 2:14

सु़म्‍बुर्मा मेकिसाका नुङ कुमेबेसाका खोत्‍ले खारी बेनी।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

कलस्‍सी 3:8

लावो गानी आथावो रु़प्‍चु़मो लोमु, छोक्‍चो बोमु, वाङमिमलाई मेजो़पा बोमु, वाङमिमलाई डक्‍साका जेमु मा घ्राम्‍लु़पा जेमु डिट्‌नी।

१ तिमोथी 6:4

मेराम मु़चु़ डोक्‍पु लिसिक्‍पा दु़ममा मेरामका हाम वो मेथेडु़। मेरामका हाम ना हामकु ल्‍वाडा खाल्‍मुमा क्‍वाल्‍बा बोमु मालु़मिम दु़म। ओर्मिम ल्‍वाका नाचु़र, रिबुसी, वाङमिमकु दुथाम मेजो़पा जेपा, मा वाङमिमलाई मुर्पा ल्‍वामिम दु़म्‍बेडु़।

१ पत्रुस 3:8

हुम-दडा, गानी खोत्‍ले कोले नकाम दु़म्‍साका बानी। कोलेका कोङमीकु दु़खाडा रेम्‍बेबेपा दु़म्‍नी, वा-ल्‍वाकलाई होङङा रिखाम बेबेनी, न-थो़मनुङमा दु़म्‍नी, मा याक्‍के दु़म्‍नी।

१ पत्रुस 5:5

मेम्‍साकाङा स्‍वालानी, गानी ङावामिमकु साखामगोयु़ बानी। गानी खोत्‍ले त्‍वाप-त्‍वापडा ख्‍लो़या-बाया बेबोमु छो़म याक्‍के दु़म्‍नी। “डोक्‍पु लिसिक्‍पा मु़चु़कु कोर्थो़लाम माम्‍चु़नी बमी, लावो याक्‍के दु़म्‍पामिमडला न-थो़म रेम्‍बोमी।”