फिलिप्‍पी 2:29 - थुलुङ राई

²⁹ गुलाई ङाचो़ येशूडा छो़म गेर्सी द्‌वाक्‍साका रनी। आरेप्‍माम मु़चु़मिमलाई डोक्‍पु बेनी।

फिलिप्‍पी 2:29 Cross References

लूका 9:5

कोङनिम शहरडाम मु़चु़मिमका गानीलाई हुनाखाना मेबोनिमी माला गानी मेराम शहरलाम लुनिलो मेर्मिमका देन्‍दे ल्‍वामी र्‍वाक्‍साका रेम्‍बोमु इनी फेमखेलडाम फुर्कु थेम्‍जो़ल्‍नी।”

यूहन्‍ना 13:20

आच्‍छाङा गो गानीलाई र्‍वाङु, गो थु़र्तोमलाई रपाका गोलाई रङी, मा गोलाई रपाका गोलाई थु़र्पालाई रङु़।”

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,

थु़र्मा 28:10

मेर्मिमका गुकुलाई जो़होम-नु़होम बेत्तिकी। गुकु डोक्‍पु कुबी-बोक्‍साडा हुमु थारीका आकीमा लागि चाहेदु़म्‍पा मोमसोजाममिम मेगोडा फिक्‍साक्‍तिकिमी।

थु़र्मा 8:8

मेम्‍मिमका मेसिन्‍डाम मु़चु़मिम छो़म गेर्सी द्‌वाम्‍डी।

रोमी 10:15

थो़बेट्‍पा मु़चु़ मेथु़र्थु़म हेसाका थो़बेन्‍मुमी? माम्‍चु़नीकु सिजेमडा र्‍याक्‍मा बु, “जो़पा-सेला थो़बेट्‍पामिमकु खेल हाङको जो़पा!”

रोमी 16:2

माम्‍चु़नीकु सेपा मु़चु़ होम्‍साकाङा गुलाई ङाचो़डा जो़होमका हुनाखाना बेनी र्‍वाक्‍साका गो र्‍वाङु। गुलाई खेरेला दु़म्‍पा ल्‍वाडा ख्‍लो़नी, हेङालोने गुका हापा मु़चु़मिमलाई ख्‍लो़यु़डु़मी मा गोलाई वो ख्‍लो़ङ्‌डिम बु।

१ कोरिन्थी 16:10

तिमोथी इनीमाडा रोलो मिम्ताम-सो़र्ताम मेबेसाका गानीनुङ बुमु ग्‍वाक्‍नी। हेङालोने गुका वो गो होम्‍साकाङा ङाचो़कु खारी बेत्तोङा लेडु़।

१ कोरिन्थी 16:18

मेर्मिमका इनीमा न-गो भ्रसिबेट्‌मिडिम होङङा आमा वो न-गो भ्रसिबेट्‌मिडी। गानी आरेप्‍माम मु़चु़मिमलाई डोक्‍पु मिम्‍मु बासी।

२ कोरिन्‍थी 10:18

हेङालोने त्‍वाका त्‍वाकु नङ कोक्‍पा मु़चु़लाई सु़का वो जो़पा मेमिम्‍डु़, लावो ङाचो़का नङ कोम्‍साप्‍मिमिम मु़चु़ङा जो़पा दु़म।

२ कोरिन्‍थी 7:2

गुकुलाई इनीमा न-गोडा बुमु ग्‍वाक्‍की। गुकु सु़लाई वो मेजो़पा बेत्तोकोम मिबु। गुकु सु़लाई वो ताङताहेरथो़ लक्‍तोकोम मिबु। गुकु लिमा-प्‍वालेम थेसाका सु़काम हाम वो पेत्तोकोम मिबु।

फिलिप्‍पी 2:28

मेम्‍मिमका गुलाई थु़र्मु छो़म आमा न बु, मेम्‍साका गानी गुलाई आथावो डार्निमा गेर्सी द्‌वानी। मेम्‍मा गो हापा मिम्‍ताम-सो़र्ताम बोमु मेबासी।

कलस्‍सी 4:10

गोनुङङा चतासिक्‍पा अरिस्‍तार्खसका गानीलाई सेव र्‍वाक्‍ताम बु। बारनाबासकु रु़चु़ मर्कूसका वो गानीलाई सेव र्‍वाक्‍ताम बु। उमा दुथाम ङादो गो गानीलाई र्‍वामु दु़म्तोम बु। गु इनीमाडा रोक्‍ता माला जो़होमका हुनाखाना बेनी।

१ थेसलोनिकी 5:12

वा-ल्‍वाकनी, इनीमा थेतेडा छो़म ब्राम्‍दु़ल्‍वा बेपा, सीपा मा ङाचो़ येशूडा क्रिपा मु़चु़लाई डोक्‍पु बेनी र्‍वाक्‍साका गानीलाई गुकु छो़म र्‍वाकु।

१ तिमोथी 5:17

जो़होमका मण्‍डली क्रिपा एल्‍डरमिमलाई खोत्‍लेका छो़म डोक्‍पु मिम्‍मी। जो़पा-सेला थो़बेट्‌पामिम नुङ सीपामिमलाई ने मेरामडाम वो हापा डोक्‍पु मिम्‍मी।

हिब्रू 13:17

मण्‍डलीडाम ङाचो़मिमकु ल्‍वाडा बानी मा मेर्मिमका र्‍वामिमिम थो़नी। हेङालोने ङाचो़मिमका हेल्‍लो लोवो इनीमा त्‍वारो़म बोमी-थार्मी मा माम्‍चु़नीकु ङादोडा मेर्मिमका इनीमा खारीकु दुथाम सो़मी। मेर्मिमका ओराम खारी गेर्सी द्‌वाक्‍तो बोमिनु़, मेभ्रसिक्‍तो खारी बोमी माला ने मेरामलाम गानी हाम वो जो़पा ल्‍वा मेल्‍वानी।

३ यूहन्‍ना 1:10

मेम्‍मिमका गो रोङडो माला डियोत्रिफसका बेत्तोङा लेडु़मिम ल्‍वा सो़उ। गुका इकीमा दुथाम मेजो़पा ओन्‍चो़मा सो़यु़म बु। मेकोति कोङङा मेबु़, थो़र लु़पा वा-ल्‍वाकमिम रोमिलो गुका मेरेप्‍डु़मी, मा थो़र लु़पा वाङमिमलाई वो मेर्मिम वा-ल्‍वाकलाई मेख्‍लो़नी बु़मी। मेम्‍मा मेर्मिमका मे वा-ल्‍वाकमिमलाई ख्‍लो़मिलो मण्‍डलीलाम ख्‍लुकु़मी।