फिलिप्‍पी 2:25 - थुलुङ राई

²⁵ लावो इपाफ्रोडिटस आमा ल्‍वाकलाई इनीमाडाङा थु़र्मु बासिक्‍पा लु़ङु। गु गोनुङ खारी बेपा मा आमालाम बासिक्‍साका जो़पा-सेला थो़बेन्मुडा क्‍वाल्‍बा बेपा सिपाही सो़, गु इनीमा सेलाचो़ मा आमा खेरेलाडा गोलाई रेम्मु लागि गानी थु़र्निम।

फिलिप्‍पी 2:25 Cross References

यूहन्‍ना 13:16

आच्‍छाङा गो गानीलाई र्‍वाङु, डु़ल्‍चो़ उमा नेमहपडाम डोक्‍पु मेदु़म। मेम्‍मा सेलाचो़ सेला थु़र्पाडाम डोक्‍पु मेदु़म।

यूहन्‍ना 17:18

गानी गोलाई सु़म्‍दिसेरडा थु़र्ङिडिनिम होङ्‍ङा मेर्मिमलाई सु़म्‍दिसेरडा थु़र्तोमिम बु।

रोमी 16:3

गोनुङङा खारी बेपा प्रिस्‍का नुङ अकिलासलाई वो आमा सेव र्‍वाङ्‍साङनी।

रोमी 16:9

गोनुङ कोयोङा ख्रीष्‍टकु खारी बेपा उर्बानस नुङ द्‍वादीबुङ ङोप्‍सो़ स्‍ताखुसलाई सेव र्‍वाङ्‌साङनी।

१ कोरिन्थी 3:9

हेङालोने गुचुकु निफिङा कोयोकोयो माम्‍चु़नीकु खारी बेपा सो़। गानी ने माम्‍चु़नीकु ब्‍याङसी, मा माम्‍चु़नीकु नेम सो़।

२ कोरिन्‍थी 2:13

लावो आमा ल्‍वाक तीतस मेसिन्‍डा मेडारुवामका गो मिम्‍ताम-सो़र्ताम बेउतो। मेम्‍मा त्रोआसडाम वा-ल्‍वाकमिमनुङ ब्र्‍वासिङ्‍डोमा गो माकेडोनियाथो़ लङडो।

फिलिप्‍पी 2:26

हेङालोने गुका गानी खोत्‍लेनुङ छो़म घ्रो़म्‍मु न बु़मिम बु, मा गु नो़पा बाइडा र्‍वाक्‍पा गानी थो़न्‍निमका छो़म मिम्‍ताम-सो़र्ताम बु़डु़म बु।

फिलिप्‍पी 4:18

गोलाई चाइदु़म्‍पाडाम वो हापा ल्‍वाउतोम बु, गो लिट्‌पा बुङु। गानी इपाफ्रोडिटसकाडा थु़र्निम ख्‍लो़सीमिम डार्तो। मेर्मिम ने माम्‍चु़नीका रमिमिम मा मेराम ने गुमीलाई गेर्सिबेट्‌पा भ्रपा नेम्‍पा ग्‍वा-ग्‍वा होप्‍माम बु।

फिलिप्‍पी 4:3

थो़रलु़इमिम ङोप्‍सो़, ओर्चिप मेसेमलाई दु़मु ख्‍लो़याची र्‍वाक्‍साका गो गानालाई छो़म र्‍वाङु, हेङालोने जो़पा-सेला थो़बेन्‍मुडा ओर्चिपका गोनुङ मेझापातो खारीमिम बेच्‍चिम बु। ओर्चिपका क्‍लेमेसनुङ दु़म्‍साका मा गोनुङ खारी बेपा वाङमिम, उहेममिमकु नङ त्‍वारो़मकु खाजेमडा र्‍यास्‍ताम बु, मेर्मिमनुङ दु़म्‍साका वो खारी बेच्‍चिम बु।

कलस्‍सी 1:7

गानी माम्‍चु़नीकु दिदामकु जो़पा-सेला आकीमा द्‌वादीबुङ ङोप्‍सो़ इपाफ्रासलामका थो़न्‍नी। गुकु होङङा गु वो ख्रीष्‍टकु खारी बेपाङा सो़। गु आकीमालाममिम थो़र लु़इमिम ख्रीष्‍टकु खारीचो़ सो़।

कलस्‍सी 4:11

युस्‍तस र्‍वाक्‍मा येशूका वो गानीलाई सेव र्‍वाक्‍ताम बु। माम्‍चु़नीकु किब्‍दीकाम लागि गोनुङ खारी बेपामिमडा थो़र लु़पा यहूदीमिम ओर्मिम सुले कोङङा सो़। ओर्मिमका गोलाई भ्रसिबेट्‌ङिडिमिम बु।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

फिलेमोन 1:24

मेम्‍साकाङा गोनुङ कोयोङा खारी बेपामिम: मर्कूस, अरिस्‍तार्खस, डेमास नुङ लूकाका वो सेव र्‍वाम्‍डिम बु।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।