फिलिप्‍पी 2:22 - थुलुङ राई

²² लावो तिमोथी ने हेप्‍माम मु़चु़ र्‍वाक्‍पा गानी चनिमङा बु, मा चो़का उमा पापनुङ बु़मिम होङङा गुका गोनुङ जो़पा-सेलाकु खारी बु़डु़म बु।

फिलिप्‍पी 2:22 Cross References

थु़र्मा 16:2

लुस्‍त्रा नुङ आइकोनियन शहरडाम थो़रलु़पामिमका तिमोथीलाई जो़पा मु़चु़ मिम्‍थाल्‍मिडी।

रोमी 5:4

दु़खा इम्‍सीलामका इकीमा बासी दोसीडा जो़पा दु़म्‍मु सीसा, मेराम जो़पा बासी दोसीका हाम-हुम लन्‍थामु चापा दु़म्‍मु ख्‍लो़सा।

१ कोरिन्थी 16:10

तिमोथी इनीमाडा रोलो मिम्ताम-सो़र्ताम मेबेसाका गानीनुङ बुमु ग्‍वाक्‍नी। हेङालोने गुका वो गो होम्‍साकाङा ङाचो़कु खारी बेत्तोङा लेडु़।

१ कोरिन्थी 4:17

ओरामकाम लागि ङा गो तिमोथीलाई इनीमाडा थु़र्तोङा लेट्‌पु। गु ङाचो़ येशूकु थो़र लु़इमिम आमा द्‌वादीबुङ तारापाचो़ सो़। गो खोत्‍लेथो़ मा खोत्‍ले मण्‍डलीडा सीत्तोमिम होम्‍साकाङा ख्रीष्‍ट येशूडा आमा त्‍वारो़मडा गो हेसाका बुङुमिम बु, मेराम गुका गानीनुङ सो़यु़।

२ कोरिन्‍थी 2:9

गानीलाई र्‍वाक्‍मा होम्‍साका खोत्‍ले बोनी डे मेएँ डे र्‍वाक्‍साका छाम्‍मु नुङ रेम्‍मु लागि गानीलाई सेलाखाजेम र्‍याक्‍तोम बाइडा।

२ कोरिन्‍थी 8:22

मेम्‍मा कोले ल्‍वाक वो मेर्चिपनुङङा थु़र्तो लेन्‍कु। गुलाई गुकु हापा खेप छाम्‍तोको मा खोत्‍ले खारीडा उमा सो हन्‍पा डार्तोको। ओम्‍लो गानीडला गुका छो़म डोक्‍पु थो़र बु़डु़मका उमा आथावो हापा सो हन्‍डाम बु।

२ कोरिन्‍थी 8:24

गानी मेर्मिमलाई त्वाकु रिखाम रेम्‍बेनी, मा गुकु हेङा इनीमा दुथाम नो़ डोक्‍पु बोनिमिम रेछा र्‍वाक्‍साका मण्डलीमिमका ल्वामु चाम्मिनु़।

२ कोरिन्‍थी 8:8

गानी बोमुङा बासी र्‍वाक्‍साका गो र्‍वाङडोम मेएँ, लावो वाङमिमकाम ख्‍लो़पा सो-हन्‍सीनुङ थो़प्‍साका इनीमा रिखाम वो आच्‍छाङा डे मेएँ र्‍वाक्‍साका रेम्‍मु लागि गो आरे र्‍वाङडोम सो़।

फिलिप्‍पी 1:12

वा-ल्‍वाकनी, गानीलाई ओराम ल्‍वा चबेन्‍मु आमा न बु, गोडला हाम दु़स्‍ताम बु मेरामका आच्‍छाङा जो़पा-सेला बर्बेट्‌पा खारी बु़डु़।

फिलिप्‍पी 1:16

जो़पा नका थो़बेट्पामिमका जो़पा-सेला बोमु-थार्मु लागि गो आसिन्‍डा बुङुमिम र्‍वाक्‍पा मिम्साका ओराम खारी रिखामका बोमी।

फिलिप्‍पी 1:5

ङादो गानी थो़र लु़न्‍निलो आथाम ओम्‍लोसम्‍म जो़पा-सेला थो़बेसीडा गोनुङ दु़म्‍निमका गो आला-तोमानुङमा बुङु।

फिलिप्‍पी 1:7

गानी खोत्‍लेकु दुथाम आरेसाका मिम्‍मु जो़पा लु़ङडोम बु, मा गानीलाई आमा नगोडा जु़ल्‍निनी। हेङालोने गो होम्‍लो चसिक्‍पा बुङुलो मा मेचसिथु़म वो जो़पा-सेला थो़बेन्मुनुङ मेरामलाई बोत्तो-थार्तोमडा गानी वो गोनुङङा माम्चु़नीकु दिदाम ल्‍वान्‍निम बु।

फिलिप्‍पी 2:20

आच्‍छाङा इनीमा दुथाम जो़होमका मिम्‍पा मु़चु़ गुडाम वाङमिम सु़ वो गोनुङ मेबुमी।

१ तिमोथी 1:18

आमा तारापाचो़ होप्‍माम तिमोथी, इमा दुथाम ङादो माम्‍चु़नीलाम जेम्‍मा होङङा गो गानालाई बेबेनी। जो़पा क्‍वाल्‍बा बोमु मेर्मिम ल्‍वा होङङा बे।

१ तिमोथी 4:6

थो़र लु़पामिमलाई ओर्मिम ल्‍वा सीनामी माला गाना ख्रीष्‍ट येशूकु कोले जो़पा डु़ल्‍चो़ दु़म्‍ना। मेम्‍मा गाना लाम्‍दित्तोङा बोनामिम इकीमा थो़रकु दुथाममिम सीसिडा नुङ जो़पा सीसिडा गाना बर्नाम रेम्‍बोना।

२ तिमोथी 3:10

आथा ने गाना आमा सीसि, आमा दोसी, गो बोमु मालुमिम ल्‍वा, आमा थो़र, आमा इम्‍सी, आमा रिखाम, मा आमा न कोलेङा बु र्‍वाक्‍पा चनामिमङा बु।

तीतस 1:4

गो थो़र लु़ङुमिम येशू ख्रीष्‍टडा ङा गाना वो थो़र लु़न्‍नामका आमा तारापाचो़ होङङा लु़ङुमिम तीतसलाई ओराम सेलाखाजेम र्‍याक्‍तोङा बेउ, माम्‍चु़नी इकी पाप नुङ गुइलाई सेल्‍पा येशू ख्रीष्‍टलामका गाना दिदाम नुङ न-भ्रसी ल्‍वानानु़!