फिलिप्‍पी 2:16 - थुलुङ राई

¹⁶ त्‍वारो़म ग्‍वाक्‍पा सिजेम जेन्‍थाट्‌नी। मेम्‍मा गो ओन्‍ङोडोम नुङ ब्राम्‍दु़ल्‍वा बेउतोम मेडेङा मेदु़प्‍सावा र्‍वाक्‍साका ख्रीष्‍ट योमिलो आमा धक्‍ची ह्‍वाक्‍पु।

फिलिप्‍पी 2:16 Cross References

मत्ती 10:27

ओर्मिम खोत्‍ले ल्‍वा गो गानीलाई कोङङा र्‍वाङु, लावो गानी ओराम ल्‍वा खोत्‍ले मु़चु़नुङ सो़नी। गो गानीनुङ सु़पील्‍वाका सो़उतोम ल्‍वा खोत्‍ले मु़चु़का थो़पा बेसाका नेमडलामका र्‍वाक्‍नी।

लूका 12:8

“गो गानीलाई र्‍वाङु, गो आमा सीसिपा र्‍वाक्‍साका गानी मु़चु़मिमलाई र्‍वानी माला माम्‍चु़नीकु पाह्रीचो़मिमकु ङादोडा मिनीचो़का वो गानीलाई उ सीसिपामिम र्‍वा।

यूहन्‍ना 6:63

पेलका कोङङा त्‍वारो़म ग्‍वाक्‍सा। मु़चु़कु सोका हाम वो मेबु़। गानीनुङ जेङडोम सिजेम ने त्‍वारो़म ग्‍वाक्‍पा पेल सो़।

यूहन्‍ना 6:68

सिमोन पत्रुसका गुमीलाई र्‍वाक्‍ता, “ए ङाचो़, गुकु सु़काडा लमु मा? गानीनुङ मेसिपा त्‍वारो़मकु सिजेम बु।

थु़र्मा 13:26

“ए अब्राहामकु चो़-चु़सु़ नुङ माम्‍चु़नीकु ङिम जु़ल्‍पा वाङसामा वा-ल्‍वाकनी, माम्‍चु़नीका ओराम सेल्‍पा-सेला इकीमा लागि ङा थु़र्मीडिम बु।

१ कोरिन्थी 1:8

हुक्‍पा थारी मेदु़म्‍थु़मसम्‍म गुमीका गानीलाई छो़म सोनुङमा दु़म्‍बेनी। मेम्‍मा इकीमा ङाचो़ येशू ख्रीष्‍ट आथावो योमिलो गानी हाम वो मेजो़पा मेबेपा डार्निमी।

१ कोरिन्थी 9:26

मेम्‍मिमका गो हाम वो मेडार्पा होम्साका मेडेङा मेओन्‍ङु। मेडेङा मुठिम ओपा होङङा गो मुठिम मेओपु।

२ कोरिन्‍थी 1:14

ओम्‍लो गानी आकीमा दुथाम किचो़ कोङङा थेसिथेट्‌निम बु, लावो कोलेम गानी गुकुलाई जो़होमका थेसिथेन्‍किनी। ङाचो़ येशू योमिमिम नेम गुकु इनीमा दुथाम आकी दाप होर्सिमिम होङङा गानी वो आकीमा दुथाम इनीमा दाप होर्सी र्‍वाक्‍साका थो़र बेउतोम बु।

गलाती 2:2

माम्‍चु़नीका गोलाई मेसिन्‍डा लमु र्‍वाम्डिमका गो लङडो। मेसिन्‍डा बाङ्डोलो मेराम मण्‍डलीडाम ङाउमिमनुङ वाङ घ्रो़म्साका वाङसामामिमलाई गो थो़बेट्‌पुमिमिम जो़पा-सेला मेर्मिमनुङ सो़उतो। गो बेत्तोङा लेट्‌पुमिम ओराम खारी हाम ना हामकाम मेदु़म्‍नु़ र्‍वाक्‍साका आरे बेउतो।

गलाती 4:11

गो इनीमा लागि बेत्तोङा लेट्‌पुमिम ब्राम्‍दु़ल्‍वा हाम ना हामकाम दु़म डे, र्‍वाक्‍पा गोलाई ङिमलु़डा।

फिलिप्‍पी 1:10

मेम्‍साका खोत्‍लेडाम जो़पा हाम बु मेराम थेसिथेन्‍मु चाप्‍नी, मा येशू ख्रीष्‍ट योमिमिम नेमसम्‍म गानी मेजो़पा खारी मेबेपा नुङ मुमा बेन्‍ला सो़सिक्‍पा मेदु़म्‍निनु़।

फिलिप्‍पी 1:6

ओराम ल्‍वाडा गो छो़म थो़र बेउ, माम्‍चु़नीका गानीगोडा जो़पा खारी बोमु चो़म्‍मिडी, मा गुमीकाङा ख्रीष्‍ट येशू ख्‍लोम्‍सिमिमिम नेमसम्‍मका बोम्‍सोमी।

१ थेसलोनिकी 2:19

इकी ङाचो़ येशू योमिलो उनी ङादोडा हाम-हुम ल्‍वापा आकी न लोवो, आकी न-भ्रसी लोवो, आकी पुरस्‍कार लोवो, गानीङा मेएँ मा?

१ थेसलोनिकी 3:5

मेम्‍मिमका गो इम्‍मुम बुमु मेचापुवालो इनीमा थो़रकु दुथाम चमु लागि तिमोथीलाई गो इनीमाडा थु़र्तो। याङलो शैतानका इनीमा न छाम्‍मु चाप्‍सु़, मा गुकु बेत्तोकोम खारी ब्‍लाम-ब्‍लाम बु़ र्‍वाक्‍पा आमा ङिम लु़डाम बाइडा।

हिब्रू 4:12

माम्‍चु़नीकु सिजेम खारी बेपाम बाट्‌पा नुङ यु़मनुङमा बु मा निफिलाम फल्‍पा कातु़रु़डाम वो हापा हन्‍पा होप्‍माम बु। ओरामका गोनो सुकु़मा त्‍वारो़म नुङ पेललाई फ्‍वाकु़ची, मा सेर नुङ छिटलाई वाङ-वाङ बु़। माम्‍चु़नीकु सिजेमका मु़चु़मिमकु न-गोडा बाट्‍पा ल्‍वा नुङ हाम हुम बेपा नकु दुथाम छाम्‍डु़।

१ पत्रुस 1:23

सिपा भ्रल मेएँ लावो मेसिपा भ्रल, हेल्‍लो वो मेसिपा मा हेल्‍लो लोवो दु़म्‍पाम बाट्‌पा माम्‍चु़नीकु सिजेमलामका गानी आथावो गक्‍निम बु।

१ यूहन्‍ना 1:1

सु़म्‍दिमोलो आथामङा बाट्‌पा कोले, गुमीलाई गुकु ल्‍वात्तोकोम थो़त्तोकोम बु। गुकु आकी मिक्‍सीकाङा गुमीलाई ल्‍वात्तोकोम बु, मा आकी ल्‍वाकाङा गुमीलाई लु़प्‍तोकोम बु। गुमी येशू ख्रीष्‍ट, त्‍वारो़म ग्‍वाक्‍पा सिजेम।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।