फिलिप्‍पी 2:13 - थुलुङ राई

¹³ हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।

फिलिप्‍पी 2:13 Cross References

लूका 12:32

“ए कति सेर्पा सीसिपानी, मेङिनी, हेङालोने माम्‍चु़नीका उनी किब्‍दी गानीलाई ग्‍वामु लागि छो़म गेर्सिद्‌वाक्‍पा बुमी।

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

यूहन्‍ना 3:27

यूहन्‍नाका र्‍वाक्‍ता, “माम्‍चु़नीका पाह्रीलामका मेग्‍वाक्‍थु़मसम्‍म सु़का हाम वो मेल्‍वासु़।

यूहन्‍ना 6:45

माम्चु़नीकु सिजेमडा आरेसाका र्‍याक्‍मा बु: ‘माम्‍चु़नीका मेर्मिम खोत्‍लेलाई सीमी’ उहेमका पापलामका थो़मी मा सीम्‍सिमी मेर्मिम आमाडा रोमी।

यूहन्‍ना 6:65

मेकोतिमा येशूका र्‍वाम्‍डी, “मेम्मिमका गो गानीलाई आरे र्‍वाङडोम बाइडा, ‘पापका कोङनिमलाई आमाडा मेरेथु़मसम्‍म सु़वो आमाडा रोमु मेचाप्‍सु़’।”

थु़र्मा 11:21

मे थो़रलु़पामिमडला माम्‍चु़नीकु यु़म बाइडा, मा मे वाङसामामिम हापाका ङा थो़र लु़म्‍डिमा माम्‍चु़नीथो़ ख्‍लोम्‍सिम्‍डी।

रोमी 12:3

माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।

रोमी 9:11

लावो चो़च्‍चो़चिप गमु ङादोङा मेर्चिपगोडाम कोलेका जो़पा मा कोङमीका मेजो़पा बोमु ने खारीलामका मेएँ, लावो माम्‍चु़नीका छेट्‌मिडिम होम्‍साका दु़म्‍नु़ र्‍वाक्‍साका सो़।

रोमी 9:16

मेम्‍मिमका माम्‍चु़नीका गुलाई मु़चु़कु न होम्‍साका येट्‌मिमडिम मेएँ, लावो उनीमा त्‍वाकु दिदामका येट्‌मिडिम सो़।

१ कोरिन्थी 12:6

खारीमिम हापा खालकाम बुमी, लावो गुइ खोत्‍लेडा कोले माम्‍चु़नीकाङा खारी बोमी।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

२ कोरिन्‍थी 3:5

ओराम खारी बोमु घ्रेटपा बुकु र्‍वाक्‍साका गुकु र्‍वामु मेचाम्‍कु। लावो गुकुलाई ओराम खारी बोमु घ्रेट्‍पा दु़म्‍बेट्‍पा ने माम्‍चु़नी सो़।

एफिसी 1:11

ख्रीष्‍टनुङ कोदेप दु़स्‍तिमका गुइलाई वो माम्‍चु़नीका खुन्‍चु़म खुसिमु ल्वापा दु़म्बेसाड्‍डामिम बु। खोत्ले ल्वा उनीमा त्‍वाकु न होम्‍साका बेप्‍सोक्‍पा माम्‍चु़नीका इकीमा दुथाम ङादोङा आरेसाका मुलु़ बेम्‍डिम बाइडा।

एफिसी 1:5

भ्रसिक्‍साका उनीमा न होम्साका येशू ख्रीष्‍टलाम गुइ उनी त्‍वाकु चो़मिम दु़म्सिनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

एफिसी 1:9

माम्‍चु़नीका येशू ख्रीष्‍टलाम बेउसोक्‍पु र्‍वाक्‍साका नभ्रसिक्‍तो मुलु़ बेम्‍डिम मेराम थक्‍मा ल्‍वा खोत्‍ले उनीमा नेप्‍ची नुङ थेसीथेट्‍पा नका गुइलाई रेम्‍बेसाड्‍डामी।

एफिसी 2:8

माम्‍चु़नीकु दिदामकाङा गानी थो़र बेन्‍नी मा सेल्‍सिट्‌नी। इनी त्‍वापङा सेल्‍सिट्‌निम ने मेएँ, लावो ओराम सेल्‍सी ने माम्‍चु़नीका न बेम्‍डिमा मेडेङा ग्‍वाक्‍निमिम बु।

२ थेसलोनिकी 1:11

ओराम ल्‍वा नडा मिम्‍साका गुकु हेल्‍लो लोवो सो़म्‍दी बोकुमिम बुकु, माम्‍चु़नीका गानीलाई उनीमा किब्‍दीगोडा हुमु घ्रेट्‌पा दु़म्‍बेनिमिनु़। मेम्‍मा गानी इनीमा नका नुङ थो़रका बेन्‍निम खोत्‍ले खारीमिम उनीमा यु़मलामका दु़म्‍नु़।

२ तिमोथी 1:9

गुमीका गुइलाई सेल्‍साड्‌डामी, मा सेपा दु़म्‍मु गुइलाई येसाड्‌डामी। गुइ बिडिम कोङनिम खारीलाम मेएँ, गुमीका उनीमा त्‍वाकु नका नुङ दिदामका गुइलाई सेल्‍साका येसाड्‌डामी। सु़म्‍दिमोडाम वो ङादोङा गुइलाई गुमीका ख्रीष्‍ट येशूडा ओराम दिदाम ग्‍वाक्‍साड्‌डामिम बाइडा।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।