फिलिप्‍पी 2:11 - थुलुङ राई

¹¹ मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

फिलिप्‍पी 2:11 Cross References

मत्ती 10:32

“मु़चु़मिमकु ङादोडा उहेमका गोलाई रङी, पाह्रीला आमा पापकु ङादोडा मेरामलाई वो गो आमा सीसिपा र्‍वाङु।

लूका 2:11

आनेप दाऊदकु शहरडा गानीलाई सेल्‍पा कोले मु़चु़ ङाचो़ ख्रीष्‍ट गम्‍डिम बु।

यूहन्‍ना 12:42

यहूदी ङाउमिम हापाका वो मेराम थारीका येशूडा थो़रबेम्‍डी। लावो घ्रो़म्‍दीनेमलामका कोल्‍सामी र्‍वाक्‍साका फरिसीमिमडाम ङिमुका थो़रबेम्‍डिम मेसो़मिवा।

यूहन्‍ना 13:13

गानी गोलाई ‘सीपा’ नुङ ‘ङाचो़’ र्‍वानी, गानी र्‍वानिमिम मेराम जो़पाङा, हेङालोने गो गुङा सो़।

यूहन्‍ना 13:14

गो इनीमा ‘सीपा’ नुङ ‘ङाचो़’ दु़म्‍साका वो इनीमा खेल सो़ल्‍तो माला गानी इनीमा खेल सोल्‍बेबोमु बासी।

यूहन्‍ना 14:13

गानी आमा नङडा हाम बिनी मेराम गो रेथिक्‍पु, मेम्‍साका पापकु यु़म गो झ्‍वाबेट्‌पु।

यूहन्‍ना 14:23

येशूका मेरामलाई सिख्‍लोम्‍डिमा र्‍वाम्‍डी, “उहेमका गोलाई रिखाम बोङि, मेरामका आमा सीसि थो़सु़। आमा पापका मेरामलाई रिखाम बोमी, मा आमा पाप नुङ गुचुकु मेरामकाडा रोचुकुमा मेरामकाडा बुचुकु।

यूहन्‍ना 17:1

येशूका आरे र्‍वामु दु़म्‍मिडिमा पाह्रीथो़ रेप्‍साका सो़म्‍दी बेम्‍डी: “पाआ, थारी रोक्‍फाड्‌डाम बु। इनीमा तारापाचो़कु यु़म झ्‍वाक्‍नी, मा तारापाचो़का इनीमा यु़म झ्‍वाक्‍नु़।

यूहन्‍ना 20:28

थोमाका गुमीलाई र्‍वाक्‍ता, “आमा ङाचो़, आमा माम्‍चु़नी।”

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

यूहन्‍ना 9:22

मेरामकु माम-पाप यहूदीमिमडाम ङिच्‍चिमका आरे र्‍वाक्‍चिम बाइडा। हेङालोने कोङनिमका येशूलाई ख्रीष्‍ट र्‍वाक्‍ता माला मेरामलाई घ्रो़म्‍दीनेमलामका ख्‍लुम्‍सोमु बासी र्‍वाक्‍साका यहूदीमिमका ङादोङा मुलु़ बेम्‍डिम बाइडा।

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

थु़र्मा 2:36

“मेम्‍मिमका इस्राएलडाम खोत्‍ले मु़चु़मिमका जो़होमका चमिनु़, गानी क्रूसडा चेट्‌निम येशूलाई माम्‍चु़नीका ङाचो़ नुङ ख्रीष्‍ट बनेबेम्‍डी।”

रोमी 14:11

माम्‍चु़नीकु सिजेमडा र्‍याक्‍मा बु, “ङाचो़का र्‍वामी, ‘गो सिमुलाम बङ्‍गेङडोम होम्‍साका आच्‍छाङा र्‍वाङु, खोत्‍ले मु़चु़मिमका आमा ङादोडा क्रचु़खुम बोमी। खोत्‍लेका गोलाई माम्‍चु़नी र्‍वामिमा आमा नङ कोमी’।”

रोमी 14:9

सिपा नुङ नु़पा खोत्‍ले मु़चु़काम लागि येशू ख्रीष्‍ट सिम्‍डी मा आथावो बम्‍गेम्‍डी। हेङालोने गुमी सिपा नुङ नु़पा खोत्‍लेकाम ङाचो़ दु़म्‍मु लागि मेम बेम्‍डी।

रोमी 15:9

ओराम ल्‍वा थेसीथेन्‍बेन्‍मु नुङ वाङसामामिमका वो माम्‍चु़नीकु दिदामकाम लागि उनीमा नङ कोमिनु़ र्‍वाक्‍साका ख्रीष्‍ट योम्‍डिम सो़। माम्‍चु़नीकु सिजेमडा र्‍याक्‍मा बु, “मेम्‍मिमका वाङसामामिमगोडा गो इनीमा नङ कोक्‍पु, मा इनीमा सो़रलोले बेउ।”

१ कोरिन्थी 12:3

मेम्‍मिमका गानी आरेप्‍माम ल्‍वा चक्‍नी र्‍वाक्‍पा आमा न बु, मेम्‍मा माम्‍चु़नीकु पेललामका जेपा सु़का वो “येशूडला वाइतो रोनु़” मेर्‍वा। माम्‍चु़नी पेललामका कोङङा, “येशू ङा ङाचो़ सो़” र्‍वामु चाप्‍सु़।

१ कोरिन्थी 15:47

ङादोम मु़चु़ आदम सुबुडाम क्‍वाकाम बाइडा, चङडाम मु़चु़ ख्रीष्‍ट, पाह्रीलामका योम्‍डी।

१ कोरिन्थी 8:6

लोवो इकीमा लागि ने कोलेङा माम्‍चु़नी पाप बुमी। गुमीका खोत्‍ले प्रङ्‌मिडी, उनीमा लागि गुइ बुइमिम। इकीमा लागि कोलेङा ङाचो़, येशू ख्रीष्‍ट सो़, गुमीलामकाङा माम्‍चु़नीका खोत्‍ले प्रङ्‌मिडी, मा गुमीलामकाङा गुइ बुइमिम।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

१ यूहन्‍ना 4:15

कोङ मु़चु़का येशू माम्‍चु़नीकु तारापाचो़ र्‍वाक्‍साका थो़र बु़ माला माम्‍चु़नी मेराम मु़चु़नुङ दु़म्‍मी मा मेराम मु़चु़ माम्‍चु़नीडा दु़म।

१ यूहन्‍ना 4:2

आरेसाका माम्‍चु़नी-पेललाई गानी छेमु चाम्‍नी: मु़चु़ होङङा येशू ख्रीष्‍ट ओराम सु़म्‍दिसेरडा योम्‍डी र्‍वाक्‍साका उहेम मु़चु़का र्‍वा मेराम मु़चु़काडा बाट्‌पा माम्‍चु़नी-पेल सो़।

२ यूहन्‍ना 1:7

लिमा ल्‍वा सीपा मु़चु़मिम सु़म्‍दिसेरडा रोम्‍डिम बु। मेर्मिमका येशू ख्रीष्‍ट मु़चु़ दु़म्‍साका योम्‍डिम मेएँ र्‍वामी। आरेप्‍माम मु़चु़ लिमाचो़ नुङ ख्रीष्‍टकु कोर्थो़लाम बक्‍पा मु़चु़ सो़।

रेम्‍बेट्‌मिडिम ल्‍वा 3:5

उहेम मु़चु़का मेजो़पाडला घ्‍ल्‍वा, मेरामलाई गो आरेसाकाङा बुबुयाम ये-सेम फसिबेट्‌पु, मा त्‍वारो़मकु खाजेमडा र्‍याक्‍मा मेरामकु नङ गो मेपारु। आमा पाप नुङ उनीमा पाह्रीचो़मिमकु ङादोडा गो मेराम मु़चु़लाई छेपु र्‍वाङु।