फिलिप्‍पी 2:10 - थुलुङ राई

¹⁰ मेम्‍साका पाह्रीला, सुबुडा मा सुबुकु गोयु़ बाट्‌पामिम खोत्‍लेका येशूकु नङडा क्रचु़खुम बोमु बासी,

फिलिप्‍पी 2:10 Cross References

मत्ती 12:40

हेङालोने डोक्‍पु ङोकु ख्‍वाचेपगोनो योना सु नेम्‍फु-सिन्‍था बाइडा, मेम्साकाङा सुलेम नेम्‍फु-सिन्‍था मिनीचो़ वो सुबुगोयु़ दु़म।

मत्ती 27:29

मेर्मिमका चु़काम मुकुट थो़म्‍डिमा येशूकु बुइडला खुबेट्‌मिडी। मेम्‍मा उनी जो़प ल्‍वाडा हपकु डु़लु़म्‍चो़ होङङा नारकु डु़लु़म्‍चो़ जु़ल्‍साम्‍डी, मा उनी ङादोडा क्रचु़खुम बेसाका आरे र्‍वाक्‍तो गुमीलाई नालेडाट्‌मिडी, “यहूदीमिमकु हपकाम सो़र दु़म्‍नु़, रो़र दु़म्‍नु़!”

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

रोमी 11:4

माम्‍चु़नीका गुनुङ र्‍वाम्‍डी, “बाल नो़प सेव मेसाट्‍पा गो येत धु़मसङ (७,०००) मु़चु़मिम आमा लागि गेत्तोमिम बु।”

एफिसी 1:10

माम्चु़नीकु नका र्‍वामिम ने थारी हुसोमिम चङडा पाह्री नुङ सु़म्‍दिसेरडा बाट्‌पा खोत्‍ले ख्रीष्‍टकु साखाम गोडा दु़म्बेन्‍मिम सो़।

एफिसी 3:14

मेम्‍मिमका माम्‍चु़नी पापकु ङादोडा क्रचु़खुम बेसाका सो़म्‍दी बेउ,

एफिसी 4:9

“गुमी गेले लम्‍डी” र्‍वाक्‍मा हाम? मेराम र्‍वाक्‍मा ने ङादो गुइ बाट्‌पा ओराम सु़म्‍दिडा ख्रीष्‍ट आकोम धाली योम्‍डिम बाइडा।

हिब्रू 1:6

लावो खोत्‍लेडाम ङादो गक्‍पा उनीमा तारापाचो़लाई सु़म्‍दिसेरडा थु़र्मिडिलो गुमीका र्‍वाम्‍डी, “माम्‍चु़नीकु खोत्ले पाह्रीचो़मिमका गुमीलाई ङा सेव सान्‍मिनु़।”

रेम्‍बेट्‌मिडिम ल्‍वा 20:13

दिरिदिनका मेसिन्‍डा सिपामिमलाई ख्‍लोक्‍सोकु़। सिमु नुङ खादीका वो मेर्चिपकाडा बाट्‍पा सिपामिमलाई ख्‍लोक्‍सोक्‍तु़मी। मेम्‍मा मेर्मिमका हाम बेम्‍डिम मेराम होम्‍साका मेर्मिमकु निया दु़स्‍ता।

रेम्‍बेट्‌मिडिम ल्‍वा 4:10

मे न-ब्‍लले (२४) ङाउ-डु़म्‍लाचो़मिमका हप गन्‍खोपडा गन्‍तासिट्‌पाकु ङादोडा खुम्‍बु बोमी। मेम्‍मा हेल्‍लो लोवो बाट्‌पाम बाट्‌पा गुमीलाई सो़रलोले बोमी। मेर्मिमका उनीमा सो़नाकु मुकुटमिम मे हप गन्‍खोप ङादोडा जु़ल्‍मी मा आरे र्‍वामी:

रेम्‍बेट्‌मिडिम ल्‍वा 5:3

लावो पाह्रीला, सुबुडा, सुबु गोयु़म खोमडा मेराम खाजेम होर्मु चापा, मेगोनो रेम्‍मु चापा सु़ वो मेबामिवा।