फिलिप्पी 1:7 - थुलुङ राई7 गानी खोत्लेकु दुथाम आरेसाका मिम्मु जो़पा लु़ङडोम बु, मा गानीलाई आमा नगोडा जु़ल्निनी। हेङालोने गो होम्लो चसिक्पा बुङुलो मा मेचसिथु़म वो जो़पा-सेला थो़बेन्मुनुङ मेरामलाई बोत्तो-थार्तोमडा गानी वो गोनुङङा माम्चु़नीकु दिदाम ल्वान्निम बु। See the chapter |
फिलिप्पी 1:7
34 Cross References
थो़रलु़इमिम ङोप्सो़, ओर्चिप मेसेमलाई दु़मु ख्लो़याची र्वाक्साका गो गानालाई छो़म र्वाङु, हेङालोने जो़पा-सेला थो़बेन्मुडा ओर्चिपका गोनुङ मेझापातो खारीमिम बेच्चिम बु। ओर्चिपका क्लेमेसनुङ दु़म्साका मा गोनुङ खारी बेपा वाङमिम, उहेममिमकु नङ त्वारो़मकु खाजेमडा र्यास्ताम बु, मेर्मिमनुङ दु़म्साका वो खारी बेच्चिम बु।
मु़चु़मिमलाई गुकु उनीमा सिजेम थो़बेन्मु माम्चु़नीका जो़पा थारी ग्वाकिमिनु़ र्वाक्साका आकीमा लागि वो सो़म्दी बेसाट्किनी। ख्रीष्टकु दुथाममिम ङादो थक्मा ल्वा माम्चु़नीका थेसिथेन्बेत्तिकिम बु, मेराम गुकु वाङमिम मु़चु़नुङ सो़मु चाम्कुनु़ र्वाक्साका सो़म्दी बेसाट्किनी। गो ओराम ल्वा थो़बेट्पुमिमिमकाङा चसिट्पा बुङु।
Advertisements