फिलिप्‍पी 1:26 - थुलुङ राई

²⁶ मेम्मा गो इनीमाडा आथावो रोङुलो आमा दुथाम गानी ख्रीष्‍ट येशूकु नङ हापा कोमु चापा दु़म्नी।

फिलिप्‍पी 1:26 Cross References

यूहन्‍ना 16:22

मेम्‍साकाङा ओम्‍लो इनीमा न-गो ख्राम, लावो आथावो गो गानीलाई रेम्‍निनी, मा इनीमा न-गो भ्रसी। मेराम इनी न-गो भ्रसी सु़का वो गानीलाम मेरोनिमी।

यूहन्‍ना 16:24

ओम्‍लोसम्‍म गानी बिन्‍निम मिबु। बिनी, मा गानी ल्‍वानी, मा गानी छो़म भ्रन्‍सिनी।

२ कोरिन्‍थी 1:14

ओम्‍लो गानी आकीमा दुथाम किचो़ कोङङा थेसिथेट्‌निम बु, लावो कोलेम गानी गुकुलाई जो़होमका थेसिथेन्‍किनी। ङाचो़ येशू योमिमिम नेम गुकु इनीमा दुथाम आकी दाप होर्सिमिम होङङा गानी वो आकीमा दुथाम इनीमा दाप होर्सी र्‍वाक्‍साका थो़र बेउतोम बु।

२ कोरिन्‍थी 5:12

आरे र्‍वाक्‍साका गुकु आथावो इनीमा ङादोडा आकीमा त्‍वाकु दुथाम डोक्‍पुतो ल्‍वा बोमु माल्‍तोकोम मेएँ, लावो गुकुडा गानी डोक्‍पु लिन्‍सिट्‌नी र्‍वाक्‍साका गानीलाई जो़पा थारी ग्‍वामु माल्‍तोकोम बु। मेम्‍साका न-गोडा बाट्‌पा ल्‍वाडा मेएँ, मिक्‍सीका ल्‍वासिक्‍पा ल्‍वाडा डोक्‍पु लिसिक्‍पा मु़चु़लाई गानी सि तुमु चाम्‍नी।

२ कोरिन्‍थी 7:14

इनीमा दुथाम गो तीतसनुङ डोक्‍पु ल्‍वा बेउतोम बाइडा, मा ओराम ल्‍वाडा गो ङाली डमु बासिक्‍पा मेदु़बेट्‌ङिनिवा। गो गानीनुङ हेल्‍लो लोवो आच्‍छाङाकाम ल्‍वा सो़उतोम बाइडा। मेम्‍साकाङा गो तीतसनुङ डोक्‍पु ल्‍वा बेउतोम वो आच्‍छाङा रोक्‍थिड्‍डा।

२ कोरिन्‍थी 7:4

गानीडला गो छो़म थो़र लु़ङ्‌डोम बु। गानीडाम गो छो़म आमा नो़ डोक्‍पु बेउ। खोत्‍ले आकीमा दु़खाडा वो आमा सो हन्‍पा बु मा छो़म भ्रसिक्‍पा बुङु।

२ कोरिन्‍थी 7:6

लावो न-गो जक्‍पा मु़चु़लाई सो हन्‍बेट्‌पा माम्‍चु़नीका तीतस रोक्‍तामलामका आकीमा सो हन्‍बेसाक्‍तिकिमी।

गलाती 6:4

खोत्‍लेका त्‍वा त्‍वाहोम बासीदोसीलाई त्‍वाकाङा रेप्‍नी। मेम्‍मा जो़पा दु़स्‍ता माला इनीमा त्‍वाकु खारीडा गेर्सी द्‌वाक्‍नी। लावो वाङमिमडाम जो़पा बेउ र्‍वाक्‍साका ने इनी नो़ डोक्‍पु मेबेनी।

फिलिप्‍पी 3:1

हुम-दडा, आमा वा-ल्‍वाकनी, ङाचो़ येशूडा गेर्सी द्‌वाक्‍नी। गो ङादो र्‍याक्‍तोम ल्‍वा आथावो गानीलाई र्‍यामु गो मेघ्रु़म्‍ङु, मा मेराम ल्‍वा ने गानीलाई बोपा-थार्पा सो़।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

फिलिप्‍पी 4:10

गानी हापा चङडा आथावो आमा मिम्‍ताम बेन्‍निमका ङाचो़ येशूडा गो छो़म भ्रङसिङु। आच्‍छाङा, ङादो वो गानी आमा दुथाम हेल्‍लो लोवो मिम्‍ताम बेन्‍निम ङा बान्‍नी, लावो गोलाई ख्‍लो़मु जो़पा थारी मेडार्निवा।

फिलिप्‍पी 4:4

ङाचो़ येशूडा हेल्‍लो लोवो भ्रन्‍सिट्‌नी। आथावो गो र्‍वाङु, भ्रन्‍सिट्‌नी।