फिलिप्‍पी 1:18 - थुलुङ राई

¹⁸ लावो ओराम ने हाम मा? खोत्‍लेडाम डोक्‍पु ल्‍वा ने ओरामङा सो़, मेजो़पा नका दु़म्‍नु़का आच्‍छाङाकाम नका, हेसाका लोवो मेर्मिमका ख्रीष्‍टकु दुथाम थो़बेन्‍मिमिम बुमी। ओरामकाङा गो भ्रसिद्‍वाङु।

फिलिप्‍पी 1:18 Cross References

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

मर्कूस 12:40

मेर्मिमका उमा वोचु़ अर्दोमेकु नेम पोम्‍सामी, मा वो धु़पा-धु़पा सो़म्‍दी बेपा लिम्‍सिमी। आरेप्‍माम मु़चु़मिमका ङा छो़म मेजो़पा देन्‍दे ल्‍वामी।”

लूका 9:45

लावो गुमीका र्‍वाम्‍डिम ल्‍वा सीसिपामिमका थेसिमेथेट्‌मिवा। ओराम हाम र्‍वाक्‍मा र्‍वाक्‍पा मेर्मिमका थेसिमेथेन्‍मिनु़ र्‍वाक्‍साका ङा थक्‍मा बाइडा। मेर्मिमका ओराम ल्‍वाकु दुथाम गुमीनुङ हिलाबोमु ङिम्‍डी।

लूका 9:50

लावो येशूका र्‍वाम्‍डी, “मेरामलाई मेम बोमुडाम मेभोप्‍नी। हेङालोने उहेम मु़चु़ इनी कोर्थो़लाम मेजे, मेराम मु़चु़ गानीलाम ङा बासी।”

रोमी 3:9

मेम माला गुइ यहूदीमिम वाङमिमडाम जो़पा बुइ मा? मेम ने मेएँ, हेङालोने यहूदी नुङ वाङसामा खोत्‍लेङा छु़लका हुप्‍डु़मिम बु र्‍वाक्‍साका ङादोङा गो रेम्‍बोमु दु़म्‍तोम बु।

रोमी 6:15

हाम गुइ डु़म्‍लाकु साखाम गोडा मेबुइ, लावो दिदामकु साखामगोडा बुइ र्‍वाक्‍साका गुइ छु़ल बोमु? आरेप्‍माम ने हेल्‍लो वो मेएँ।

१ कोरिन्थी 10:19

गो हाम र्‍वाक्‍तोङा बेउमिम? ङाटालाई ग्‍वाक्‍मा पोमुथोकमिमङा हाम डोक्‍पु ल्‍वा मा? लोवो ङाटा ङा हाम डोक्‍पु ल्‍वा?

१ कोरिन्थी 14:15

मेम माला गो हाम बोमु? गो आमा न-गोका सो़म्‍दी बेउ मा थेसीथेट्‍पा आमा नका वो सो़म्‍दी बेउ। आमा न-गोका काम्‍सो बेउ मा आमा नका वो काम्‍सो बेउ।

१ कोरिन्थी 15:11

मेम्‍मिमका गो गानीलाई जो़पा-सेला थो़बेट्‌निनी लोवो वाङमिम थु़र्मामिमका थो़बेट्‌निनी लोवो कोलेङा ल्‍वा गुकु थो़बेन्‍कु, मेराम गानी थो़रलु़न्‍निम बु।

फिलिप्‍पी 1:19

गो आछाङा भ्रसिद्‍वाङुम बुङु, हेङालोने इनीमा सो़म्‍दीका नुङ येशू ख्रीष्‍टकु पेलका ख्‍लो़ङिमिमिमका गोडला हाम दु़स्‍ता मेलाम लुङु र्‍वाक्‍पा गो चक्‍पु।