फिलिप्‍पी 1:11 - थुलुङ राई

¹¹ माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

फिलिप्‍पी 1:11 Cross References

मत्ती 5:16

मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

यूहन्‍ना 15:2

मा मेसिट्‌पा आमा खोत्‍ले ग्रेममिम गुमीका फल्‍मी। मा सिट्‌पा खोत्‍ले ग्रेममिमलाई आथावो हापा मा सिट्‌नु़ र्‍वाक्‍साका स्‍याङमी।

यूहन्‍ना 15:8

गानी हापा मा सिन्‍बेसाका गानी आमा सीसिपा र्‍वाक्‍पा रेम्‍बेनी, मा मेरामका आमा पापकु यु़म झ्‍वा।

रोमी 15:28

मेम्मिमका मेर्मिमका थु़र्मीडिम खउलुङ ग्‍वाक्‍जो़ल्‍पुमी मा स्‍पेन लङु, मेम्‍लो गो इनीमाडा वो लुङु।

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

१ कोरिन्थी 10:31

मेम्‍मिमका गानी पोनी डुनी हाम बोनी लोवो माम्‍चु़नी डोक्‍पु दु़म्‍मिनु़।

२ कोरिन्‍थी 9:10

फोन्‍मु लागि भ्रल नुङ पोमुथोक माम्‍चु़नीका ग्‍वाक्‍सामी। मेम्‍मा गानी चाहेबोनिमिम खोत्‍ले भ्रल गुमीका ग्‍वानिमी मा ल्याबेन्मी, मा ग्‍वा-ग्‍वा द्‌वाक्‍पा इनीमा न-गोका ग्‍वानिमका इनीमा जो़पा खारी बेसीडा गुमीका बर्बेत्तो लनिमी।

एफिसी 1:12

ख्रीष्‍टडा खोत्लेडाम ङादो थो़र बेपा गुकु यहूदीमिमका यु़म झ्वाक्‍पा माम्चु़नीकु नङ कोमु चाम्‍कुनु़ र्‍वाक्‍साका गुमीका गुकुलाई छेत्तिकिमिम बु।

एफिसी 1:14

सेल्‍सिक्‍पा खुन्‍चु़म ग्‍वानिनी र्‍वाक्‍साका माम्‍चु़नीका उनीमा मु़चु़मिमनुङ याचे जेम्डिम बु। आच्‍छाङा जो़होमका सेल्‍सिमु मेदु़म्‍मिमसम्‍म माम्‍चु़नीका ङादो किचो़ ग्‍वाम्‍जो़ल्‍मा होप्‍माम दु़म्नु़ र्‍वाक्‍साका माम्चु़नी-पेललाई थु़र्मिडी। गुइ यु़म झ्वाक्‍पा माम्चु़नीकु डोक्‍पु नङ कोमु लागि गुमीका आरे बेम्डी।

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

एफिसी 5:9

हेङालोने ख्रीष्‍टकु ओलडा दु़म्‍पा मु़चु़ ने जो़पा बेपा, माम्‍चु़नीकु मिक्‍सीलामडा घ्रेट्‍पा मा थो़र लु़इमिम दु़म।

फिलिप्‍पी 4:17

गो ख्‍लो़ला सो़सिमु मालुमिम मेएँ, लावो गानी ग्‍वानिमका माम्‍चु़नीलाम ल्‍वानिमिम इनीमा पुरस्‍कार काम्‍सिक्‍तो लनु़ र्‍वाक्‍पा आमा न बु।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

कलस्‍सी 1:6

मेराम जो़पा-सेला इनीमाडा रोक्‍ताम बु। सु़म्‍दिसेर खोत्‍लेथो़म हापा छो़म मु़चु़मिमका मेराम सेलाडा थो़र लु़मिम बुमी, मा मेराम जो़पा-सेलाका उनीमा बासी-दोसीडा जो़पा बु़डु़म बु। माम्‍चु़नीकु दिदाम गानी थो़न्‍नी मा आच्‍छाङा थेसिथेट्‌निलो आथाम मेराम सेलाका गानीगोडा वो मेमकाङा खारी बु़होम बु।

२ थेसलोनिकी 1:12

मेम्‍साका इकीमा ङाचो़ येशूकु नङ गानीगोडा कोसिनु़ मा गुमीनुङ गानी वो कोन्‍सिनी। इकीमा माम्‍चु़नीकु दिदामका नुङ ङाचो़ येशू ख्रीष्‍टलामका ओर्मिम खोत्‍ले दु़म।

तीतस 3:14

गुइ थो़रलु़पामिम खोत्‍लेका जो़पा खारी बोमु माल्‍पा दु़म्‍मु बासी। मेम्‍साका खेरेला दु़म्‍पा मु़चु़मिमलाई ख्‍लो़मुमि बासी। मेम्‍मा गुइ हाम ना हामकाम मेदु़म्‍सी।

हिब्रू 12:11

सीसि-चेसीकु थारी भ्रपा मेदु़म, थो़मबोक पिपा दु़खा दु़म। लावो चङडा, ओरामलाम सीसिक्‍पा-चेसिक्‍पामिमलाई ओरामका न-गो भ्रसिबेडु़ मा जो़पा बेसी-दोसी बेबेडु़।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

१ पत्रुस 2:5

गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

१ पत्रुस 4:14

ख्रीष्‍टडा थो़र बेन्‍निमका छेम-छेम दुला सो़न्‍सिट्‌नी माला गानी आलाकाम सो़। हेङालोने माम्‍चु़नीकु यु़मनुङमा पेल गानीगोडा दु़म।