फिलिप्‍पी 1:1 - थुलुङ राई

¹ ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

फिलिप्‍पी 1:1 Cross References

मर्कूस 13:34

ओराम ने कोङ नेम-हपका उ नेमगोडाम खोत्‍ले डु़ल्‍चो़मिमकु त्‍वा-त्‍वाहोम ल्‍वाडा पार्जो़लु़मा उमा नेम लपा मु़चु़लाई चङचङया बाया वो र्‍वाजो़लमा उमा नेम डिसाका वाङथो़ लमिम होप्‍माम ङा बु।

यूहन्‍ना 12:26

उहेमका आमा चापेडुपे बु़, मेराम आमा चङचङ लाम्‍दिमु बासी, मा गो बान्‍ते बुङु, आमा डु़ल्‍चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्‍पु बोमी।

थु़र्मा 1:20

पत्रुसका र्‍वाक्‍ता, “हेङालोने कोमु काम्‍सोकु खाजेमडा आरेप्‍माम र्‍याक्‍मा बु, ‘मेरामकु बाखोप र्‍याङगो-र्‍याङगो दु़म्‍नु़, मा मेसिन्‍डा सु़ वो मेदु़म्‍मिनु़, मेरामकु खुन्‍चु़म वाङमिमका खुम्‍सिमिनु़।’

थु़र्मा 20:28

गानी इनीमा त्‍वाप नुङ खोत्‍ले थो़रलु़पामिमकाम लागि चङचङया बानी वो! माम्‍चु़नी-पेलका गानीलाई मे थो़रलु़पामिम रेपा खुन्‍चु़म खुबेट्‌निमिम बु। मेम्‍मिमका गुमीका उनीमा त्‍वाकु तारापाचो़ येशूकु सिसिका भ्रेम्‍डिम माम्‍चु़नीकु मण्‍डलीलाई न-गो सोक्‍निमा जो़होमका रेप्‍नी।

थु़र्मा 9:13

लावो हननियाका र्‍वाक्‍ता, “ङाचो़, मेराम मु़चु़का यरूशलेमडाम इनीमा थो़रलु़पामिमकाम छो़म उनी थो़मतेर्साड्‌डु़मिम ल्‍वा गो हापा मु़चु़मिमलामका थो़उतोम बु।

रोमी 1:1

माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।

रोमी 1:7

रोम शहरडा बाट्‍पा गानी खोत्‍लेलाई माम्‍चु़नीका हापा रिखाम बेन्‍निमिमा उनीमा त्‍वाकु सेपा मु़चु़ दु़म्‍मु लागि येट्‌निमिम सो़: इकीमा माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न भ्रसी ल्‍वानिनु़।

१ कोरिन्थी 16:10

तिमोथी इनीमाडा रोलो मिम्ताम-सो़र्ताम मेबेसाका गानीनुङ बुमु ग्‍वाक्‍नी। हेङालोने गुका वो गो होम्‍साकाङा ङाचो़कु खारी बेत्तोङा लेडु़।

२ कोरिन्‍थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टकु थु़र्मा दु़म्‍ङोडोम गो पावल नुङ आकीमा ल्‍वाक तिमोथीलामका सो़। गो कोरिन्‍थ शहरडा बाट्‌पा माम्‍चु़नीकु मण्‍डली नुङ अखैयाडा बाट्‌पा माम्‍चु़नीकु खोत्‍ले सेपा मु़चु़मिमलाई ओराम सेलाखाजेम र्‍याक्‍तोङा बेउ।

गलाती 1:10

हाम गो मु़चु़मिमलाई गेर्सी बेन्‍मु माल्‍तोङा लेट्‌पु र्‍वाक्‍पा गानी मिम्‍निमिम? गो ने मु़चु़मिमलाई मेएँ, माम्‍चु़नीलाई गेर्सी बेन्‍मु माल्‍तोङा लेट्‌पु। मु़चु़मिमलाई गेर्सी बेन्‍मु मालु माला ने गो येशू ख्रीष्‍टकु डु़ल्‍चो़ङा मेएँ।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।

एफिसी 1:15

मेम्‍मिमका ङाचो़ येशूडा इनीमा थो़र बुमिम नुङ माम्‍चु़नीकु मु़चु़मिमडलाम इनीमा रिखामकु दुथाम गो थो़उतोमका,

एफिसी 6:24

इकीमा ङाचो़ येशू ख्रीष्‍टलाई रिखाम बेपाम बाट्‍पा खोत्‍लेडला हेल्‍लो लोवो माम्‍चु़नीकु दिदाम दु़म्‍नु़म बुनु़।

फिलिप्‍पी 2:19

ङाचो़ येशूका न बेम्‍डी माला दालाङा गो तिमोथीलाई इनीमाडा थु़रु र्‍वाक्‍पा आमा न बु, मेम्‍साका इनीमा दुथाममिम सेला थो़उमा गो गेर्सी द्‌वाङु।

फिलिप्‍पी 2:5

ख्रीष्‍ट येशूकाम होप्‍मामङा इनीमा न दु़म्‍मु बासी।

फिलिप्‍पी 3:12

ओर्मिम खोत्‍ले गो ल्‍वामु दु़म्‍तोम बु डे, जो़पा दु़म्‍मु दु़म्‍ङोडोम बु र्‍वाक्‍साका ने मेएँ, लावो मेर्मिम ल्‍वा जेन्‍मु लागि आमा सो हन, उहेम ल्‍वाकाम लागि ख्रीष्‍ट येशूका गोलाई जेट्‌ङिडिमी।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

फिलिप्‍पी 3:8

मेकोति कोङङा मेएँ, ख्रीष्‍ट येशू आमा ङाचो़लाई छेत्तोमका हापा थिकाम ल्‍वानुङ थो़प्‍सीडा खोत्‍ले ल्‍वा हाम वो मेएँ र्‍वाक्‍पा लु़ङु। ख्रीष्‍टलाई गो ल्‍वाउनु़ मा गो गुमीनुङ दु़म्‍ङुनु़ र्‍वाक्‍साका खोत्‍ले ल्‍वा हाम ना हामकाम दु़म्‍बेत्तो मा मेर्मिम ने पारिमिम घ्राम्‍लु़पा कोतिम लु़ङु।

१ थेसलोनिकी 1:1

गो पावल, सिलास नुङ तिमोथीका गानी थेसलोनिकीडाम मण्‍डलीलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टडा गानी बुनी। माम्‍चु़नीलाम दिदाम नुङ न-भ्रसी ल्‍वानी।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

२ थेसलोनिकी 1:1

गो पावल, सिलास नुङ तिमोथीका गानी माम्‍चु़नी इकीमा पाप नुङ ङाचो़ येशू ख्रीष्‍टकु मण्‍डली थेसलोनिकीमिमलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न-भ्रसी ल्‍वानी।

२ थेसलोनिकी 1:10

ङाचो़ येशू योमिमिमनेम ओर्मिम खोत्‍ले ल्‍वा रोथी। सेपा उनीमा मु़चु़मिमका गुमीलाई डोक्‍पु बोमी मा गुमीडा थो़रलु़पा खोत्‍ले ङाङाया दु़म्‍साका गुमीलाई डोक्‍पु मिम्‍मी। गानी वो मेर्मिमनुङङा दु़म्‍नी, हेङालोने गुकु ल्‍वात्तोको-सो़त्तोकोम ल्‍वाडा थो़रलु़न्‍नी।

१ तिमोथी 3:8

मेम्‍साकाङा डिकनमिम वो खोत्‍लेका जो़पा मिम्‍मु घ्रेट्‌पा दु़म्‍मु बासी। नले ल्‍वा मेबेपा, डु़का मेसेट्‌पा, मा खाप्‍चीकु रारी मेबेपा दु़म्‍मु बासी।

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।

तीतस 1:7

हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

फिलेमोन 1:1

ख्रीष्‍ट येशूकु जो़पा-सेला थो़बेत्तोमिलो चसिङडोम गो पावल नुङ इकीमा ल्‍वाक तिमोथीका, आकीमा द्‌वादीबुङ ङोप्‍सो़ मा गुकुनुङ खारी बेपा फिलेमोनलाई ओराम सेलाखाजेम र्‍याक्‍चोकोम बु।

हिब्रू 13:23

ओराम सेला वो थो़नी। इकीमा ल्‍वाक तिमोथी झ्‍यालखानलामका लुमु दु़स्‍तु़म बु। गु दालाङा आमाडा रोक्‍ता माला गुनुङङा गो गानीलाई क्रो़म्‍डा रोङु।

याकूब 1:1

माम्‍चु़नी नुङ ङाचो़ येशू ख्रीष्‍टकु डु़ल्‍चो़ याकूबलामका, नेब्‍दी-नेब्‍दीडा फोन्‍सिक्‍साका बाट्‌पा को-न (१२) दोचो़मिमलाई सेव!

१ पत्रुस 2:25

ताङताहेरथो़ लक्‍पा भेन्‍दा होप्‍माम गानी बान्‍नी। लावो ओम्‍लो गानीलाई बोपा-थार्पा नुङ इनी रेपा-क्रिपाथो़ गानी ख्‍लोन्‍सिट्‌निम बु।

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

यहूदा 1:1

येशू ख्रीष्‍टकु डु़ल्‍चो़ नुङ याकूबकु ल्‍वाक यहूदालामका– माम्‍चु़नी पापलामका थसिक्‍पा नुङ रिखाम ल्‍वापा मा येशू ख्रीष्‍टकाम लागि बोट्‌मा-थार्मामिम,

रेम्‍बेट्‌मिडिम ल्‍वा 1:1

ओराम खाजेमडा दालाङा हाम दु़म्मिम मेराम ल्‍वा येशू ख्रीष्‍टका रेम्‍बेम्‍डिम बु। त्‍वाकु लाले-पाङके बेपा डु़ल्‍चो़मिमका दालाङा ओराम ल्‍वाकु दुथाम चमिनु़ र्‍वाक्‍साका माम्‍चु़नीका ओराम रेम्‍बेट्‌मिडम ल्‍वा येशूलाई ग्‍वाम्‍डी। मेम्‍मा ओराम ल्‍वाकु दुथाम सो़मु लागि येशूका कोले पाह्रीचो़लाई उनीमा त्‍वाकु डु़ल्‍चो़ यूहन्‍नाकाडा थु़र्मिडी।

रेम्‍बेट्‌मिडिम ल्‍वा 1:20

गाना आमा जो़प ल्‍वालाम ल्‍वान्‍नाम येतले सोरलुङ नुङ येतले सो़नाकु धिप्‍री चाखोपमिमकु दुथाम थक्‍मा ल्‍वा ओरामङा सो़: येतले सोरलुङमिम ने येतले मण्‍डलीकु पाह्रीचो़मिम, मा येतले धिप्‍री चाखोपमिम ने येतले मण्‍डलीमिम सो़।”

रेम्‍बेट्‌मिडिम ल्‍वा 19:10

मेम्‍मा गो गुलाई सेव सान्‍मु उ खेलयु़ कुम्‍सिङडो। लावो गुका गोनुङ र्‍वाक्‍ता, “आरे मेबे। गो ने गाना होङङा माम्‍चु़नीकु खारी बेपा मा येशूका थेसिथेन्‍बेट्‌मिडिम आच्‍छाङाकाम सीसि होङङा लाम्‍दिपा थो़र लु़पा इमा वा-ल्‍वाकमिम होप्‍माम सो़। माम्‍चु़नीलाई कोङङा सेव साट्‍नी। हेङालोने येशूका थेसिथेन्‍बेट्‌डिम आच्‍छाङाकाम सिजेमका माम्‍चु़नीलाम जेपामिमलाई सो़बेट्‌मिडी।”

रेम्‍बेट्‌मिडिम ल्‍वा 2:12

“पर्गामम मण्‍डलीडाम पाह्रीचो़लाई ओराम ल्‍वा र्‍याका: हन्पा निफिलाम फल्‍खोपनुङ कातु़रु़ बिम्‍सिट्‍पाका ओराम ल्‍वा र्‍वामी।

रेम्‍बेट्‌मिडिम ल्‍वा 2:8

“स्‍मुर्ना मण्‍डलीडाम पाह्रीचो़लाई ओराम ल्‍वा र्‍याका: चो़म-द नुङ हुम-द, सिपामा बग्‍गेट्‌पा गुमीका आरे र्‍वामी।

रेम्‍बेट्‌मिडिम ल्‍वा 22:9

लावो गुका गोलाई आरे बेङ्‌डी, “आरे ने मेबे! गो ने गाना, माम्‍चु़नीलाम जेपा इमा वा-ल्‍वाकमिम नुङ ओराम खाजेमडाम सिजेममिम होम्‍साका दोपामिम होप्‍माम माम्‍चु़नीकु डु़ल्‍चो़ कोङङा सो़। माम्‍चु़नीलाई सेव साडा।”