2 तिमोथी 2:9 - राना थारु नयाँ नियम

⁹ मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

परमेस्वर को सच्चो वचन

⁹ काहैकि मैं सुसमाचार को प्रचार करथौं, मोकै तकलीफ होथै और मैं एक गुन्हेगार के तराहनी बेड़ियन मैं भंद जाथौं। पर परमेस्वर को बचन बेड़ियन मैं नाय है,

2 तिमोथी 2:9 Cross References

लूका 23:32

बे दुई आदमी जो अपराधी रहएं बिनके फिर येशूके सँग मारन लैजात रहएं।

प्रेरित 21:33

तओ बो सेनापति ढिँगै आएके पावलके पकणीं और दुई साँकरसे बोके बाँधनके हुकुम दइं। जा कौन हए? और जा का करीहए? कहिके बो पुछीं।

प्रेरित 28:31

बो बिना डर और बिना कोइ रुकावटसे परमेश्वरको राज्यको परचार करतए प्रभु येशू ख्रीष्टके बारेमे सिखातए रहो।

प्रेरित 9:16

और मए बोके बतामंगो, कि आदमीनके मेरे बारेमे बात बतानके कारण बोके कैसे-कैसे दुख उठान पणैगो।”

इफिसियों 3:1

जहे कारणसे, मए पावल, तुमर ताहीं प्राथना करत हओं। मए जेलमे हओं काहेकी मए ख्रीष्ट येशूके ताहीं काम करत हओं, जोकी गैर-यहूदीनके ताहीं अच्छो समाचारके परचार करनके हए।

फिलिप्पी 1:17

पर बे आदमी जो डाह करत हएं, बे स्वार्थी अभिलाषासे ख्रीष्टके बारेमे परचार करत हएं, कि बे हियाँ जेलमे मिर समस्या बढानके बिचारसे अइसो करत हएं।

फिलिप्पी 1:7

जा ठिक हए, कि मए तुम सबके ताहीं अइसियए सोँचओं, काहेकी मए तुमसे बहुत प्रेम करत हओं, जबकी मए एक कैदी हओं, या अच्छो समाचारको सच्चाईको रक्षा और साबित कररहो हओं, तुम सब मेरे सँग परमेश्वरको अनुग्रहमे सहभागी होबओ।

कलस्सी 4:18

मए पावल, तुमके नमस्कार करनके ताहीं चिट्ठीको जा हिस्साके अपने लिखावटमे लिखरहो हओं। याद करओ, कि मए जेलमे हओं, और मेरे ताहीं प्राथना करओ। परमेश्वरको अनुग्रह तुमरमे होतए रहाबए।

कलस्सी 4:3

और जाके सँगएसँग हमरे ताहीं फिर प्राथना करत रहाओ, कि परमेश्वर हमएं बचन सुनानको मौका देबए, और हम ख्रीष्टको बो रहस्यके बारेमे व्याख्या करपामएं, जौनके कारण मए पावल अभए जेलमे हओं, काहेकी मए जा सन्देशके परचार करो।

1 थेसलोनिकी 1:8

काहेकी तुमर हियाँसे केबल माकेडोनिया परदेश और अखैया परदेशमे इकल्लो प्रभुको बचन नाए सुनाओ गओ, पर हर ठाउँमे जहाँ हम जात हएं, हुवाँ हम आदमीनके, परमेश्वरमे भओ तुमर बिश्वासके बारेमे हमके बतात पात हएं। जहेमारे, हम दुस्रे जनैनके तुमर बारेमे कुछ फिर बतानको जरुरी नाए हए।

2 थेसलोनिकी 3:1

अन्तमे हे मेरे बिश्वासी ददाभइयओ, हमर ताहीं प्राथना करे करओ, ताकी हम जल्दीयए हर ठिहामे प्रभु येशू ख्रीष्टके बारेमे सन्देशके फैलाए पामएं और आदमी जामे उइसी बिश्वास करएं जैसे तुम करे हओ।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

2 तिमोथी 1:16

प्रभु ओनेसिफरसके घरानाके उपर दया करए, काहेकी बो मोसे भेँटनके आओ, और बहुत चोटी मोके हौसला दइ, और हियाँ जेलमे मोसे भेँट करनके ताहीं नाए सर्माइ।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

2 तिमोथी 2:3

जैसे एक सिपाही धिरज हुइके युद्धको मैदानमे कठिनाइसे सहे करत हए, उइसी तोके फिर कठिनाइसे सहान पणैगो, जैसे हम ख्रीष्ट येशूके ताहीं दुख सहात हएं।

2 तिमोथी 4:17

पर प्रभु मिर सँगमे रहो, और मोके शक्ति दइ; ताकी मए येशू ख्रीष्टके बारेमे स्पष्टसे अच्छो समाचारके परचार करके बे सब अन्यजाति सुनलेमएं; और जैसे आदमी एक भुखानो भओ बघटासे बच जातहए उइसी परमेश्वर मोके मरनसे बचाइ।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

1 पतरस 2:14

और हाकिम, जो राजा द्वारा चुनेगए होत हएं। बे गलत काम करन बारेनके सजाय देनके और सही काम करन बारेनके सम्मान देनके चुनेगए होत हएं।

1 पतरस 3:16

पर जाके नम्र और आदरसे करओ। सदादिन जो ठिक हए बहे करओ। जब तुमर बिरुद्धमे सब खराब करन बारे आदमी तुमर ख्रीष्ट सँगको सम्बन्धके कारण तुमर असल ब्यबहार देखंगे, तओ बे सरममे पणजामंगे।

1 पतरस 4:15

पर तुम मैसे कोइ फिर हत्यारा, चोर, खराबी करन बारे, दुस्रेन्के बातमे हात डरन बारे कता दुख मतउठाओ।