2 तिमोथी 1:1 - राना थारु नयाँ नियम

¹ मए, पावल जा चिट्ठीके लिखरहो हओं। परमेश्वर मोके जाकेमारे चुनी, कि मए ख्रीष्ट येशूसे चुनो भओ चेला बनओं। ताकी मए जा सन्देशके परचार करपामओं, कि परमेश्वर नाश नाए होन बारो जीबन दइके प्रतिज्ञा करीहए, जो येशू ख्रीष्टमे बिश्वास करनसे आत हए।

परमेस्वर को सच्चो वचन

¹ पौलुस के घाँईं से, परमेस्वर की मरजी से मसीह ईसु को एक प्रेरित, जो हमैं दौ गौ है बौ जिंदगी को वादा करन ताहीं भेजो गौ है, जो हमरे झोने ईसु मसीह के संग एक होन के नाते।

2 तिमोथी 1:1 Cross References

यूहन्ना 10:28

और मए बिनके कभी फिर नाश नाए होन बारो जीबन देहओं, और बे कभु नष्ट नाए हुइहएं, और कोइ बिनके मोसे नाए छिन पएहए।

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

यूहन्ना 5:24

“मए तुमसे नेहात्तओ कहात हओं, जौन मिर बचनके सुनके मोके पठान बारोके उपर बिश्वास करत हए, बो कभी फिर नाश नाए होन बारो जीबन पबैगो, और बो दण्डमे नाए पणैगो, और बो अनन्तकालको मृत्युसे बचाओ जाबैगो, और बो पहिलीयएसे नयाँ जीबनमे प्रबेश करडारी हए।

यूहन्ना 6:40

काहेकी मिर दौवाको इच्छा जहेहए, कि लौंणाके देखन बारे और बाके उपर बिश्वास करन बारे, सब कभी फिर नाश नाए होन बारो जीबन पामएं, और दुनियाको अन्तके दिनमे मए बिनके मरे भए मैसे जिन्दा करंगो।”

यूहन्ना 6:54

पर मिर शरीर खान बारो और मिर बलिदानको खुन पिन बारे सँग कभी फिर नाश नाए होन बारो जीबन हुइहए, और अन्तके दिनमे मए बोके मरो भओ मैसे जिन्दा करेहओं।

रोमियों 1:1

मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

रोमियों 5:21

जैसेकी सब आदमी पाप करीं और बे सब मरिगए, उइसीयए हमर प्रभु येशू ख्रीष्टद्वारा परमेश्वरको अनुग्रह उनके धर्मी घोषित करैगो और उनके कभी फिर नाश नाए होन बारो जीबन देबैगो।

रोमियों 6:23

काहेकी पापको परिणाम मृत्यु हए, पर हमर प्रभु येशू ख्रीष्टमे कभी फिर नाश नाए होन बारो जीबन जिइनो सेँतएमे देन बारो परमेश्वरको बरदान हए।

1 कोरिन्थी 1:1

मए, पावल जा चिट्ठीके लिखरहो हओं। मए चुनो भओ चेला होनके ताहीं परमेश्वरको इच्छासे ख्रीष्ट येशू द्वारा बुलाओ गओ हओं। मए हियाँ हमरे सँगी बिश्वासी सोस्थेनेसके सँग हओं, जौन मोके मदत करत हए।

2 कोरिन्थी 1:1

मए, पावल हमर बिश्वासी भइया तिमोथीसँग जा चिट्ठी लिखनडटो हओं। मए परमेश्वरकी इच्छासे ख्रीष्ट येशूको चुनो भओ चेला हओं। मए जा चिट्ठी कोरिन्थ सहरमे भए परमेश्वरको मण्डलीनके, और लगायत सारा अखैया परदेशमे भए सब पबित्र जनके लिखनडटो हओं।

2 कोरिन्थी 1:20

काहेकी परमेश्वरके सब प्रतिज्ञा ख्रीष्टमे पुरा होत हए। जहेमारे परमेश्वरके महिमाके ताहीं हम “आमेन” कहात हएं।

गलातियों 3:26

“जब तुम ख्रीष्टके नाउँसे बप्तिस्मा लए हओ, और तुम सब ख्रीष्ट येशूमे बिश्वास करनके द्वारा तुम ख्रीष्टको नयाँ जीबनके पैंधलए हओ, जैसे एक आदमी नयाँ लत्ता पैंधलेत हए। जहेमारे तुम ख्रीष्ट येशूमे बिश्वास करे, तओ तुम सब परमेश्वरके सन्तान बनेहओ।

गलातियों 3:28

काहेकी हम सब येशू ख्रीष्टमे अपनो भरोसा धरे हएं, जाकेमारे परमेश्वर हम सबके एक बरोबर देखत हए। जहेमारे ग्रीक भाषा मस्कन बारे समुह और यहूदीमे कोइ अन्तर नाए हए; नए कोइ कमैया, नए छुटकारा बारे; नए कोइ पुरुष, नए बैयर; काहेकी तुम सब येशू ख्रीष्टमे एक हओ।

इफिसियों 3:6

और रहस्य जा हए, कि येशू ख्रीष्टके सँग हमर सम्बन्धके कारण अच्छो समाचारसे यहूदीनको समुह कता गैर-यहूदी फिर बहे आशिषन्के पामंगे, और बे एकए शरीरके सदस्य हएं और परमेश्वरको करोभओ बाचन्के हिस्सेदार हएं।

1 तिमोथी 6:19

अइसे करके बे अपन अच्छो कामके अपन ताहीं सम्पति कता जोरंगे, जौन भबिष्यमे जाएके स्वर्गमे उनके ताहीं एक मजबुत घरको जग कता होबैगो। और बे सच्चो जीबन पामंगे, जौन जीबन हमेसाके ताहीं रहो रहाबैगो।

2 तिमोथी 1:10

पर अब हमर मुक्तिदाता ख्रीष्ट येशू आइगओ हए और हमके अपनो अनुग्रह दिखाइ हए। बा मृत्युकी शक्तिके नाश करदइ हए। और हमके दिखाइ हए, कि अच्छो समाचारके द्वारा कभी फिर नाश नाए होन बारो जीबनके ताहीं एक डगर हए और हम बो शरीरमे अनन्तकालके ताहीं जिन्दा रहमंगे जौन शरीर कभु नाए सणैगो।

2 तिमोथी 1:13

पक्का कर, कि तए अपने उदाहरणके द्वारा बहे साच्ची शिक्षाके रक्षा करैगो, जो तए मोसे सुनो हए। और तए अइसो, बिश्वास और प्रेमसे कर, काहेकी तए येशू ख्रीष्टके सँग एकजुट भओ हए।

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

2 तिमोथी 2:1

अन्तमे, मिर लौंणा तिमोथी, अपनएके हौसला दे, जा जानके, कि परमेश्वर तोके बहे अनुग्रह दइ हए, जो सिरफ येशू ख्रीष्टसे आत हए।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

2 तिमोथी 2:3

जैसे एक सिपाही धिरज हुइके युद्धको मैदानमे कठिनाइसे सहे करत हए, उइसी तोके फिर कठिनाइसे सहान पणैगो, जैसे हम ख्रीष्ट येशूके ताहीं दुख सहात हएं।

2 तिमोथी 3:15

और बच्चएसे तए पबित्र-शास्त्रके सिखो हए, जो तोके जा सम्झनमे मदत करत हए, कि जब तए येशू ख्रीष्टमे बिश्वास करत हए तओ परमेश्वर तोके बचात हए।

तीतुस 1:2

बोको प्रतिफलके रुपमे बे परमेश्वरके सँग हमेसाके ताहीं रहानके आसरा करत हएं। काहेकी परमेश्वर, जो कभी ठगत नाए हए, बा संसारकी सृष्टि करनसे पहिले प्रतिज्ञा करी रहए, कि बाके आदमी कभी फिर नाश नाए होन बारो जीबन पामंगे।

तीतुस 1:4

मए जा चिट्ठी तीतसके लिखरहो हओं, जो मिर अपनो लौंणा कता हए, काहेकी बो येशू ख्रीष्टमे बिश्वास करत हए। दौवा परमेश्वर और हमर मुक्तिदाता येशू ख्रीष्टके घेनसे तोके अनुग्रह और शान्ति मिलतए रहाबए।

हिब्रू 9:15

जहेमारे ख्रीष्ट परमेश्वरसे आदमीनके ताहीं नयाँ करारको मध्‍यस्‍थकर्ता हए। परमेश्वरके माध्यमसे बुलाएभए आदमीनके बाको प्रतिज्ञा करोभओ आशिष पाए सकत हएं, बो आशिष सदाके ताहीं रहबैगो। ख्रीष्ट मरोके कारण, बे आशिष पाइं, ताकी पुरानो करारमे रहान बारे पापसे छुटकारा हुइपामएं।

1 यूहन्ना 2:25

और परमेश्वर हमके प्रतिज्ञा करीहए, कि बा हमएं कभी फिर नाश नाए होन बारो जीबन देबैगो।