Popera ga Yudíugü ga yaxõgüxü̃ca̱x ümatüxü̃ 9:19 - Tupanaarü Ore19 Rü Moiché rü guxü̃ma ga duü̃xü̃güpe̱xewa nüxü̃ nixu ga guxü̃ma ga Tupanaarü mugü. Rü yemawena nanayaxu ga nagü ga wocaxacügü rü chíbuxacügü, rü dexámaxã nanaxüéü̃. Rü ñu̱xũchi nanayaxu ga wüxi ga nai ga ichópuchacüxü, rü tüa̱xmü ga dauxü̃ne nagu nanabagümü. Rü yemamaxã gumá nagüwa nanacúe rü ñu̱xũchi nanamaxcuétü ga yema popera ga Tupanaarü mugü nawa yexmaxü̃. Rü yexgumarüxü̃ ta nayamaxcutanü ga guxü̃ma ga duü̃xü̃gü. See the chapter |