Wenaxarü naxümatü ga Tupanaarü mugü 25:19 - Tupanaarü Ore19 Rü ngẽxguma nüma ya Cori ya Tupana rü ngẽma naane i tá pexna naxãxü̃wa nüxü̃ pexü̃ naporamaexẽẽgu i guxü̃ma i ngẽma perü uanügü i ngẽma naanearü ngaicamawa ngẽxmagüxü̃, rü ngẽxguma daiwa perüngü̃gügu, rü ñu̱xũchi tá peyanaxoxẽxẽ i naéga i guxü̃ma i ngẽma duü̃xü̃gü i Amaréxtanüxü̃ nax taxuwama nüxna nacua̱xãchiexü̃ca̱x i ngẽma duü̃xü̃gü. ¡Rü taxṹ i nüxü̃ iperüngümaexü̃ i ngẽma! See the chapter |