Norü taxre ga popera ga ãẽ̱xgacügüchiga 17:15 - Tupanaarü Ore15 Rü yemaacü ga yema duü̃xü̃gü rü nüxü̃ naxoe ga Tupanaarü mugü rü yema uneta ga nũxcüma norü o̱xigümaxã Tupana nüxü̃ ixuxü̃. Rü tama naga naxĩnüe ga Tupanaarü ucu̱xẽgü. Rü woo Tupana nüxna nachu̱xuxü̃, natürü nügügutama nayanachixexẽẽgü yerü naxca̱x nadauxü̃taegüama nax naxchicüna̱xãgü i taxuwama mexü̃xü̃ nax yacua̱xüü̃güxü̃ naxrüxü̃ ga yema togü ga nachixü̃anecüã̱xgü ga norü üyeanecüwawa yexmagüxü̃ ga tama Tupanaaxü̃́ yaxõgüxü̃. See the chapter |