ಫಿಲಿಪ್ಪಿಯೆರೆಗ್ 4:9 - ಪೊಸ ಒಡಂಬಡಿಕೆ

⁹ ನಿಕುಲು ಎನಡ್ದ್ ಎಂಚಿನ ಕಲ್ತ್‌ದರಾ ಬೊಕ್ಕ ಒವೆನ್ ಎನಡ್ದ್ ಕೇಂಡ್ದ್ ತೂಯರಾ ಅವೆನೇ ಮಲ್ತೊಂದು ಬಲ್ಲೆ. ಇಂಚ ಮಲ್ತರ್ಡ ಸಮಾಧಾನದ ದೇವೆರ್ ನಿಕ್ಲೆಡೊಪ್ಪ ಉಪ್ಪುವೆ.

ಫಿಲಿಪ್ಪಿಯೆರೆಗ್ 4:9 Cross References

ಮತ್ತಾಯೆ 1:23

“ಇಂದಾ, ಒಂಜಿ ಕನ್ಯಪೊಣ್ಣು ಬಂಜಿನಾಲಾದ್ ಒಂಜಿ ಬಾಲೆನ್ ಪೆದ್ದುವಲ್. ಆಯಗ್ ಇಮ್ಮಾನುವೇಲ್ ಪಂಡ್ದ್ ಪುದರ್ ದೀಪೆರ್. ನೆತ್ತ ಅರ್ಥ, ‘ದೇವೆರ್ ನಮಡೊಪ್ಪ ಉಲ್ಲೆ,’ ಪಂಡ್ದ್.”

ಮತ್ತಾಯೆ 28:20

ಯಾನ್ ನಿಕ್ಲೆಗ್ ಅಪ್ಪಣೆ ಕೊರಿನವು ಮಾತೆನ್ಲಾ ಕೈಕೊನ್ರೆ ಅಕ್ಲೆಗ್ ಬೋಧನೆ ಕೊರ್ಲೆ. ತೂಲೆ, ಯಾನ್ ಯುಗತ ಅಂತ್ಯ ಮುಟ್ಟಲಾ ಮಾತ ದಿನ ನಿಕ್ಲೆಡೊಪ್ಪ ಉಪ್ಪುವೆ,” ಅಂದ್‌ದ್ ಪಂಡೆ.

ಮತ್ತಾಯೆ 7:21

“ಎನನ್ ಕರ್ತವಾ, ಕರ್ತವಾ! ಪನ್ಪಿನಾಕುಲು ಮಾತೆರ್ ಪರಲೋಕ ರಾಜ್ಯೊಡು ಸೇರುವರಂದ್ ಎನ್ನಡೆ; ಪರಲೋಕೊಡುಪ್ಪು ಎನ ಅಮ್ಮೆರೆ ಚಿತ್ತೊನು ಮಲ್ಪುನಾಯೆನೇ ಪರಲೋಕ ರಾಜ್ಯದ ಉಲಯಿ ಸೇರುವೆ.

ಲೂಕೆ 6:46

“ನಿಕುಲು ಎನನ್ ಕರ್ತವಾ, ಕರ್ತವಾ, ಅಂದ್‌ದ್ ಲೆತ್ತ್‌ದ್ ಯಾನ್ ಪನ್ಪಿನೆನ್ ನಿಕುಲು ದಾಯೆಗ್ ಮಲ್ಪುಜರ್?

ಲೂಕೆ 8:21

ಆಯೆ ಅಕ್ಲೆಗ್, “ಏರ್ ದೇವೆರೆ ಪಾತೆರೊನು ಕೇಂಡ್ದ್ ಐತ ಲೆಕ್ಕನೆ ನಡಪುವೆರಾ, ಅಕುಲೇ ಎನ ಅಪ್ಪೆಲಾ ಎನ ಮೆಗ್ಯಾಡ್ಲುಲಾ,” ಅಂದ್‌ದ್ ಉತ್ತರ ಕೊರಿಯೆ.

ಯೋಹಾನೆ 13:17

ನಿಕುಲು ಉಂದೆನ್ ತೆರಿಯೊಂದು ನೆತ್ತಲೆಕ್ಕ ಮಲ್ತರ್ಡ ನಿಕುಲು ಭಾಗ್ಯವಂತೆರ್.

ಯೋಹಾನೆ 15:14

ಯಾನ್ ಕೊರಿನ ಅಪ್ಪಣೆಗ್ ಸರಿಯಾದ್ ನಿಕುಲು ನಡತರ್ಡ ಮಾತ್ರ, ನಿಕುಲು ಎನ ಸ್ನೇಹಿತೆರ್.

ಯೋಹಾನೆ 2:5

ಆಯನ ಅಪ್ಪೆ ಬೇಲೆದಾಕುಲೆಡ, “ಆಯೆ ದಾದ ಪನ್ಪೆನಾ ಅಂಚ ಮಲ್ಪುಲೆ.” ಪಂಡಲ್.

ಅಪೊ.ಕ್ರಿ 9:6

ಈ ಇತ್ತೆ ಲಕ್ಕ್‌ದ್ ಊರುದುಲಯಿ ಪೋಲ. ಈ ಮಲ್ಪೊಡಾಯಿನ ಬೇಲೆ ಅಲ್ಪ ನಿಕ್ಕ್ ತೆರಿದ್ ಬರು,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 15:33

ನಮ ಸಮಾಧಾನದ ಮೂಲ ಆದುಪ್ಪು ದೇವೆರ್ ನಿಕ್ಲೆ ಮಾತೆರೆಡೊಪ್ಪ ಉಪ್ಪಡ್, ಆಮೆನ್.

ರೋಮಾಯೆರೆಗ್ 16:20

ಸಮಾಧಾನದ ದೇವೆರ್ ಬೇಗೊಡು ಸೈತಾನನ್ ನಿಕ್ಲೆ ಕಾರಡಿಕ್ ಪಾಡ್ದ್ ದೊಂಕಾವೆ. ನಮ ಕರ್ತವೆ ಆದುಪ್ಪು ಯೇಸುನ ದಯ ನಿಕ್ಲೆಡೊಪ್ಪ ಉಪ್ಪಡ್.

1 ಕೊರಿಂಥ್ಯೆರೆಗ್ 10:31

ಅಂಚಾದ್ ನಿಕುಲು ತಿಂದ್‌ಂಡಲಾ ಪರ್‌ಂಡಲಾ ದಾನೆ ಮಲ್ತ್ಂಡಲಾ ಮಾತೆನ್ಲಾ ದೇವೆರೆ ಮೈಮೆಗ್ ಮಲ್ಪುಲೆ.

1 ಕೊರಿಂಥ್ಯೆರೆಗ್ 14:33

ದಾಯೆಗಂದ್ಂಡ ದೇವಜನೊಕಲೆನ ಮಾತ ಸಭೆಕ್ಲೆಡ್ ಇತ್ತಿಲೆಕ್ಕ ದೇವೆರ್ ಗಲಿಬಿಲಿಕ್ ಕಾರಣ ಅತ್ತ್ ಸಮಾಧಾನದ ದೇವೆರ್ ಆದುಲ್ಲೆ.

1 ಕೊರಿಂಥ್ಯೆರೆಗ್ 4:16

ಅಂಚಾದ್ ನಿಕ್ಲೆಡ ನಟ್ಟೊನ್ವೆ, ಎನನ್ ತೂದು ಅಂಚೆನೇ ನಡತೊನ್ಲೆ.

2 ಕೊರಿಂಥ್ಯೆರೆಗ್ 13:11

ಕಡೆಕ್ಕ್ ಸಹೋದ್ರೆರೇ, ಸಂತೋಷೊಡುಪ್ಪುಲೆ, ಪೂರ್ತಿ ಸರಿ ಆವೊನ್ಲೆ. ಎನ ಬುದ್ಧಿ ಪಾತೆರೊಗು ಕೆಬಿ ಕೊರ್ಲೆ. ಒಂಜೆ ಮನಸ್‌ದಾಕುಲು ಆದುಪ್ಪುಲೆ, ಸಮಾಧಾನೊಡುಪ್ಪುಲೆ. ಅಪಗ ಪ್ರೀತಿನ್ಲಾ ಶಾಂತಿನ್ಲಾ ಕೊರ್ಪಿನ ದೇವೆರ್ ನಿಕ್ಲೆಡೊಪ್ಪ ಉಪ್ಪುವೆ.

ಫಿಲಿಪ್ಪಿಯೆರೆಗ್ 3:17

ಸಹೋದ್ರೆರೇ, ನಿಕುಲು ಮಾತೆರ್ಲಾ ಎನ ಪಾಡ್‌ದಾಕುಲಾದುಪ್ಪುಲೆ ಬೊಕ್ಕ ಎಂಕುಲು ನಿಕ್ಲೆಗ್ ತೋಜಾಯಿನ ಮಾದ್ರಿದ ಲೆಕ್ಕ ಏರ್ ನಡತೊನ್ವೆರಾ ಅಕ್ಲೆನ್ ಲಕ್ಷ ದೀದ್ ತೂಲೆ.

ಫಿಲಿಪ್ಪಿಯೆರೆಗ್ 4:7

ಅಪಗ ಮಾತ ಬುದ್ಧಿನ್ ಮೀರುನ ದೇವೆರೆ ಸಮಾಧಾನ ನಿಕ್ಲೆ ಉಡಲ್‌ನ್ಲಾ ನಿಕ್ಲೆ ಆಲೋಚನೆನ್ಲಾ ಕ್ರಿಸ್ತ ಯೇಸುಡು ಕಾತೊಂದುಪ್ಪುಂಡು.

1 ಥೆಸಲೋನಿಕೆರೆಗ್‌ 1:6

ಉಂದತ್ತಂದೆ ನಿಕುಲು ಮಸ್ತ್ ಭಂಗ ಅನುಭವ ಮಲ್ಪೆರೆ ಇತ್ತ್ಂಡಲಾ ಪರಿಶುದ್ಧಾತ್ಮಡ್ದ್ ಉಂಡಾಯಿ ಸಂತೋಷದೊಟ್ಟುಗು ದೇವೆರೆ ಪಾತೆರೊಲೆನ್ ಅಂಗೀಕಾರ ಮಲ್ತ್‌ದ್ ಎಂಕ್ಲೆನ್ಲಾ ಕರ್ತವೆ ಆದುಪ್ಪು ಯೇಸುನ್ಲಾ ಬೆರಿ ಪತ್ತುನಾಕುಲು ಆಯರ್.

1 ಥೆಸಲೋನಿಕೆರೆಗ್‌ 2:14

ಅಂದ್, ಸಹೋದ್ರರೆ, ಯೂದಾಯೊಡು ದೇವೆರೆ ಸಭೆತಾಕುಲು ಕ್ರಿಸ್ತ ಯೇಸುಡು ಇತ್ತ್‌ದ್ ಯೆಹೂದ್ಯೆರೆಡ್ದ್ ಭಂಗೊಲೆನ್ ಅನುಭವ ಮಲ್ತೆರ್ ಅಂಚೆನೇ ನಿಕುಲುಲಾ ನಿಕ್ಲೆನ ಸ್ವಂತ ಜನೊಕುಲೆಡ್ದ್ ಭಂಗೊಲೆನ್ ಅನುಭವ ಮಲ್ತರ್.

1 ಥೆಸಲೋನಿಕೆರೆಗ್‌ 5:23

ಸಮಾಧಾನದ ದೇವೆರ್ ತಾನೇ ನಿಕ್ಲೆನ್ ಪೂರ್ತಿ ಆದ್ ಪರಿಶುದ್ಧ ಮಲ್ಪಡ್. ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಬರ್ಪಿನ ಸಮಯೊಡು, ನಿಕ್ಲೆ ಆತ್ಮ, ಪ್ರಾಣ, ಶರೀರ, ತಪ್ಪುದಾಂತೆ ಪರಿಪೂರ್ಣ ಆದ್ ತೋಜುಲೆಕ್ಕ ಕಾಪಡ್.

2 ಥೆಸಲೋನಿಕೆರೆಗ್‌ 3:4

ಎಂಕುಲು ನಿಕ್ಲೆಗ್ ಕೊರ್ತಿನ ಅಪ್ಪಣೆದಂಚೆನೇ, ನಿಕುಲು ನಡತೊಂದುಲ್ಲರ್. ಅಂಚೆನೇ ನನಲಾ ದುಂಬಗ್ ನಡಪುವರ್ ಅಂದ್‌ದ್ ಕರ್ತವಡ್ ಎಂಕ್ಲೆಗ್ ಭರವಸ ಉಂಡು.

2 ತಿಮೋಥಿ 4:22

ಕರ್ತವೆ ನಿನ ಆತ್ಮಡೊಪ್ಪ ಉಪ್ಪಡ್. ಆಯನ ದಯ ನಿಕ್ಲೆ ಮಾತೆರೆಡೊಪ್ಪ ಉಪ್ಪಡ್.

ಯಾಕೋಬು 1:22

ಆಂಡ ದೇವೆರೆ ಪಾತೆರೊನು ಕೇನುನು ಮಾತ್ರ ಅತ್ತಂದೆ, ಅವು ದಾನೆ ಪನ್ಪುಂಡು ಅಂಚೆನೇ ನಡಪುನಾಕುಲು ಆದುಪ್ಪುಲೆ, ಇಜ್ಜಾಂಡ ನಿಕುಲು ನಿಕ್ಲೆಗೇ ಮೋಸ ಮಲ್ತೊಂದುಪ್ಪುವರ್.

2 ಪೇತ್ರೆ 1:10

ಅಂಚಾದ್ ಪ್ರೀತಿದ ಸಹೋದ್ರ ಸಹೋದ್ರಿಲೆ, ದೇವೆರೆ ಲೆಪ್ಪುನ್ಲಾ ಅಜತೊಂಡಿನೆನ್ಲಾ ದೃಢ ಮಲ್ಪೆರೆ ಹೆಚ್ಚಾದ್ ಪ್ರಯಾಸ ಮಲ್ಪುಲೆ. ಈ ಸಂಗತಿಲೆನ್ ನಿಕುಲು ಮಲ್ತೊಂದಿತ್ತರ್ಡ ನಂಬಿಕೆಡ್ ಬೂರ್ದು ಪೋಪುಜರ್.

1 ಯೋಹಾನೆ 3:22

ನಮ ಆಯ ಅಪ್ಪಣೆಲೆನ್ ಕೈಕೊಂದು ನಡಪುನೆಡ್ದ್‌ಲಾ ಆಯಗ್ ಮೆಚ್ಚಿಗೆ ಇತ್ತಿನೆನೇ ಮಲ್ಪುನಾಕುಲು ಆದುಪ್ಪುನೆಡ್ದ್‌ಲಾ ನಮ ನಟ್ಟೊಂಡಿನೆನ್ ಮಾತೆನ್ಲಾ ಆಯಡ್ದ್ ಹೊಂದುವ.