ಫಿಲಿಪ್ಪಿಯೆರೆಗ್ 4:8 - ಪೊಸ ಒಡಂಬಡಿಕೆ

⁸ ಕಡೆಕ್ಕ್ ಸಹೋದ್ರೆರೇ, ಒವು ಮಾತ ಸತ್ಯದವು ಮಾರ್ಯಾದಿದವು ನೀತಿದವು, ನಿರ್ಮಲದವು ಪ್ರೀತಿದವು ಬೊಕ್ಕ ಮಾತೆರ್ ಮೆಚ್ಚುನವು ಆದುಂಡಾ ಒವು ಎಡ್ಡೆಂತಿನ ಆದುಂಡಾ ಬೊಕ್ಕ ಪುಗರಿಕೆಗ್ ಯೋಗ್ಯದವು ಆದುಂಡಾ ಅವೆನ್ ಮಾತ ನೆನೆಪುಗು ಕನಲೆ.

ಫಿಲಿಪ್ಪಿಯೆರೆಗ್ 4:8 Cross References

ಮತ್ತಾಯೆ 22:16

ಬೊಕ್ಕ ಪರಿಸಾಯೆರ್ ತನ್ಕುಲೆ ಶಿಷ್ಯೆರೆನ್ ಹೆರೋದ್ಯನ ಜನೊಕುಲೆಡೊಪ್ಪ ಯೇಸು ಕೈತಲ್‌ ಕಡಪುಡ್ದು ಮೊಕುಲು ಬತ್ತ್‌ದ್, “ಗುರೂ ಈ ಸತ್ಯವಂತೆ, ದೇವೆರೆ ಮಾರ್ಗೊಲೆನ್ ಸತ್ಯವಾದ್ ಬೋಧನೆ ಮಲ್ಪುನಾಯೆ, ಏರೆಗ್ಲಾ ಪೋಡ್ಯಂದಿನಾಯೆ; ಜನೊಕುಲೆ ಮೋನೆದಾಕ್ಷಿಣ್ಯೊಗು ತಕ್ಕ ಪಾತೆರುನಾಯೆ ಅತ್ತ್ ಅಂದ್‌ದ್ ತೆರಿದ.

ಮಾರ್ಕೆ 6:20

ದಾಯೆಗ್ ಪಂಡ, ಯೋಹಾನೆ ನೀತಿವಂತೆಲಾ ಪರಿಶುದ್ಧೆ ಆಯಿ ನರಮಾನಿ ಅಂದ್‌ದ್ ಹೆರೋದೆ ತೆರಿದ್ ಆಯಗ್ ಪೋಡಿದ್ ಆಯಗ್ ವಾ ಅಪಾಯಲಾ ಬರಂದಿಲೆಕ್ಕ ಜೋಕೆ ಮಲ್ತೊಂದಿತ್ತೆ. ಉಂದತ್ತಂದೆ ಯೋಹಾನೆ ಪಂಡಿನೆನ್ ಆಯೆ ಕೇಂಡಿನಪಗ ಉಡಲ್‌ಡ್ ಬಾರಿ ಗಲಿಬಿಲಿ ಪುಟ್ಟುಂಡಲಾ ಆಯನ ಪಾತೆರೊನು ಸಂತೋಷೊಡು ಕೇನೊಂದಿತ್ತೆ.

ಲೂಕೆ 16:15

ಅಪಗ ಆಯೆ ಅಕ್ಲೆಡ ಪಂಡಿನಿ ದಾನೆಂದ್ಂಡ, “ನರಮಾನಿಲೆ ಎದುರುಡು ನೀತಿವಂತೆರ್ ಅಂದ್‌ದ್ ನಿಕುಲು ತೋಜಾವೊನುನಾಕುಲು ನಿಕುಲು; ಆಂಡಲಾ ದೇವೆರ್ ನಿಕ್ಲೆ ಉಡಲ್‌ನ್ ತೆರಿದುಲ್ಲೆ. ನರಮಾನಿಲೆಡ್ ಮಿತ್ತ ಸ್ಥಾನದಾಯೆ ಅಂದ್‌ದ್ ಪನ್ಪಾವೊನುನವು ದೇವೆರೆ ದೃಷ್ಟಿಡ್ ಪೇಸಿಗೆ ಆದುಂಡು.

ಲೂಕೆ 2:25

ಆ ಸಮಯೊಡು ಯೆರೂಸಲೇಮುಡು ಸಿಮೆಯೋನೆ ಪನ್ಪಿ ಒರಿ ನರಮಾನಿ ಇತ್ತೆ. ಆಯೆ ನೀತಿವಂತೆಲಾ ಭಕ್ತಿದಾಯೆಲಾ ಆದಿತ್ತೆ. ಇಸ್ರಾಯೇಲ್ ಜನೊಕುಲೆನ ಸಂತೈಸಿಕೆ ಕೊರ್ಪಿನಾಯೆ ಏಪ ಬರುವೆ ಅಂದ್‌ದ್ ಕಾತೊಂದಿತ್ತೆ. ಆಯೆ ಪರಿಶುದ್ಧಾತ್ಮೊನು ಪಡೆದಿತ್ತೆ.

ಲೂಕೆ 23:50

ಅರಿಮಥಾಯೆ ಪನ್ಪಿ ಯೆಹೂದ್ಯೆರೆ ಪಟ್ಟಣದ ಒರಿ ನರಮಾನಿ ಇತ್ತೆ. ಆಯನ ಪುದರ್ ಯೋಸೇಫೆ, ಆಯೆ ಹಿರಿಸಭೆತಾಯೆ, ಎಡ್ಡೆಂತಿನಾಯೆ, ನೀತಿದಾಯೆ, ದೇವೆರೆ ರಾಜ್ಯೊನು ಎದುರು ತೂವೊಂದಿತ್ತಿನಾಯೆ ಆದಿತ್ತೆ. ಆಯೆ ಹಿರಿಸಭೆತಾಕುಲೆನ ಆಲೋಚನೆಗ್ಲಾ ಕೆಲಸೊಗ್ಲಾ ಒಪ್ಪಿಗೆ ಕೊರ್ತುಜೆ.

ಯೋಹಾನೆ 7:18

ತನ ಸ್ವಂತ ಅಧಿಕಾರೊಡ್ದು ಪನ್ಪಿನಾಯೆ ತನ್ಕ್ ಮಾನಾದಿಗೆ ಬರೊಡಂದ್‌ದ್ ಬಯಕುವೆ, ತನನ್ ಕಡಪುಡ್ದಿನಾಯಗ್ ಮಾನಾದಿಗೆ ಬರೊಡಂದ್‌ದ್ ಬಯಕುನಾಯೆ ಸತ್ಯವಂತೆ. ಆಯಡ ಅನ್ಯಾಯ ಇಜ್ಜಿ.

ಅಪೊ.ಕ್ರಿ 10:22

ಐಕ್ ಅಕುಲು, “ಕೊರ್ನೇಲಿಯೆ ಪನ್ಪಿ ಒರಿ ಶತಾಧಿಪತಿ ಉಲ್ಲೆ. ಆಯೆ ನೀತಿವಂತೆಲಾ ದೇವೆರೆಗ್ ಪೋಡಿಯುನಾಯೆಲಾ ಯೆಹೂದ್ಯೆರೆಡ್ದ್ ಎಡ್ಡೆ ಪುದರ್ ದೆತ್ತೊಂಡಿನಾಯೆಲಾ ಆದುಲ್ಲೆ; ನಿನನ್ ತನ ಇಲ್ಲಗ್ ಲೆಪುಡಾದ್ ಈ ಪನ್ಪಿನ ಸಂಗತಿಲೆನ್ ಕೇನೊಡು ಅಂದ್‌ದ್ ಪರಿಶುದ್ಧ ದೂತಡ್ದ್ ಆಯಗ್ ಅಪ್ಪಣೆ ಆತ್ಂಡ್,” ಅಂದ್‌ದ್ ಪಂಡೆರ್.

ಅಪೊ.ಕ್ರಿ 22:12

“ಅಲ್ಪ ಒರಿ ನ್ಯಾಯಕಟ್ಟ್‌ಲೆಗ್ ಸರಿಯಾದ್ ನಡಪುನ ಸದ್ಭಕ್ತೆ ಊರುದ ಯೆಹೂದ್ಯೆರೆಡ ಎಡ್ಡೆಂತಿನಾಯೆ ಅಂದ್‌ದ್ ಪುದರ್ ಪಡೆತಿನಾಯೆ ಅನನೀಯೆ ಪನ್ಪಿನಾಯೆ

ಅಪೊ.ಕ್ರಿ 6:3

ಅಂಚಾಯಿನೆಡ್ದಾವರ ಸಹೋದ್ರೆರೇ, ಪರಿಶುದ್ಧಾತ್ಮೊಡು ದಿಂಜಿದ್, ಜ್ಞಾನ ಇತ್ತಿ ಗುಣವಂತೆರಾಯಿ ಏಳ್ ಜನೊಕುಲೆನ್ ಅಜತ್‌ದ್ ಅಕ್ಲೆನ್ ಈ ಬೇಲೆದ ಮಿತ್ತ್ ನೇಮಕ ಮಲ್ಪುಗ.

ರೋಮಾಯೆರೆಗ್ 13:13

ಪಗೆಲ್‌ದ ಬೊಲ್ಪುಡು ಉಪ್ಪುನಾಕುಲೆ ಲೆಕ್ಕ ನಮ ಸರಿಯಾದ್ ನಡಪುಗ. ನಾಚಿಗೆದ ಕೆಲಸೊಲೆಡಾವಡ್, ಬೊಡ್ಚಾಂದಿ ತಮ್ಮಣ, ಪರ್ಪಾಟ, ಅನೀತಿದ ಕಾರ್ಯೊಡಾವಡ್, ಲಡಯಿ, ಕಿಚ್ಚಿಮಚ್ಚರೊಲೆಡಾವಡ್ ಪೊರ್ತು ಕಳೆವಂದೆ ಪಗೆಲ್‌ದಾಕುಲೆ ತಕ್ಕ ಮಾನಸ್ಥೆರಾದ್ ನಡಪುಗ.

ರೋಮಾಯೆರೆಗ್ 13:3

ಎಡ್ಡೆ ಮಲ್ಪುನಾಕುಲೆಗ್ ಅಧಿಕಾರಿಲೆ ಪೋಡಿಗೆ ಉಪ್ಪುಜಿ; ಹಾಳ್ ಮಲ್ಪುನಾಕುಲೆಗೇ ಮಾತ್ರ ಪೋಡಿಗೆ. ಅಧಿಕಾರೊಡುಪ್ಪುನಾಕುಲೆಗ್ ಪೋಡಿಯಂದಿಲೆಕ್ಕ ಈ ಉಪ್ಪೊಡಂದ್‌ದ್ ಬಯಕುವನಾ? ಅಂಚಾಂಡ ಎಡ್ಡೆಂತಿನೆನ್ ಮಲ್ಪುಲ, ಅಪಗ ಅಕುಲು ನಿನನ್ ಪುಗರುವೆರ್.

ರೋಮಾಯೆರೆಗ್ 14:18

ಬೊಕ್ಕ ನಿಕುಲು ಈ ರೀತಿಡ್ ಕ್ರಿಸ್ತನ ಸೇವೆ ಮಲ್ಪುನಾಂಡ ನಿಕುಲು ದೇವೆರೆಗ್ ಮೆಚ್ಚೆಗೆದಾಕುಲು ಆದ್‌ಲಾ ನರಮಾನಿಲೆಗ್ ಯೋಗ್ಯದಾಕುಲುಲಾ ಆದುಪ್ಪುವರ್ ಆತೇ.

ರೋಮಾಯೆರೆಗ್ 2:29

ಆಂಡ ಉಲಯಿ ಯೆಹೂದ್ಯೆ ಆದುಪ್ಪುನಾಯೆನೇ ನಿಜ ಯೆಹೂದ್ಯೆ. ಬೊಕ್ಕ ಉಡಲ್‌ಡ್ ಆಪಿನ ಸುನ್ನತಿಯೇ ಸುನ್ನತಿ. ಬೊಕ್ಕ ಈ ಕಾರ್ಯ ದೇವೆರೆ ಆತ್ಮನ ಬೇಲೆ ಅತ್ತಂದೆ ಬರೆತಿ ನ್ಯಾಯಕಟ್ಟ್‌ದವು ಅತ್ತ್. ಇಂಚಿತ್ತಿ ಸುನ್ನತಿ ಇತ್ತಿನಾಯಗ್ ಬರ್ಪಿ ಪುಗರಿಕೆ ದೇವೆರೆಡ್ದೇ ಅತ್ತಂದೆ ನರಮಾನಿಲೆಡ್ದ್ ಬರ್ಪಿನವು ಅತ್ತ್.

1 ಕೊರಿಂಥ್ಯೆರೆಗ್ 4:5

ಅಂಚಾಯಿನೆಡ್ದ್ ಕಾಲೊಗು ದುಂಬು ಒವ್ವೆನ್ಲಾ ತೀರ್ಪು ಮಲ್ಪಡೆ; ಕರ್ತವೆ ಬರ್ಪಿನೆಟ್ಟ ತಡೆಲೆ. ಆಯೆ ಕತ್ತಲೆಡ್ ಮದೆ ಆದಿತ್ತಿ ಸಂಗತಿಲೆನ್ ಬೊಲ್ಪುಗು ಕನವೆ. ಉಡಲ್‌ದ ಆಲೋಚನೆಲೆನ್ ತೋಜಾದ್ ಕೊರುವೆ. ಅಪಗ ಪ್ರತಿ ಒರಿಯಗ್ ಬರೊಡಾಯಿ ಪುಗರಿಗೆ ದೇವೆರೆಡ್ದ್ ಬರು.

2 ಕೊರಿಂಥ್ಯೆರೆಗ್ 13:7

ನಿಕುಲು ದಾಲಾ ಪಡಿಕೆಂತಿನೆನ್ ಮಲ್ಪೆರೆ ಬಲ್ಲಿ ಅಂದ್‌ದ್ ಎಂಕುಲು ದೇವೆರಡ ನಟ್ಟೊನ್ವ. ಉಂದೆಟ್ಟ್ ಎಂಕುಲೇ ಪರೀಕ್ಷೆಡ್ ಗೆಂದ್‌ದ ಅಂದ್‌ದ್ ತೋಜಿದ್ ಬರೊಡು ಅಂದ್‌ದ್ ಎಂಕ್ಲೆನ ಉದ್ದೇಶ ಅತ್ತ್. ಆಂಡ ಎಂಕುಲು ಆ ಪರೀಕ್ಷೆಡ್ ಸೋತುದಿತ್ತ್‌ಂಡಲಾ ನಿಕುಲು ಎಡ್ಡೆಂತಿನೆನ್ ಮಲ್ಪುನಾಕುಲು ಆವೊಡು ಅಂದ್‌ದೇ ಎಂಕ್ಲೆನ ಉದ್ದೇಶ.

2 ಕೊರಿಂಥ್ಯೆರೆಗ್ 6:8

ಕೆಲೆವೆರ್ ಮಾನ ಕೊರಡ್, ಕೆಲೆವೆರ್ ಹೀನ ಮಲ್ಪಡ್, ಕೆಲೆವೆರ್ ತುಚ್ಚಿಕಾರ ಮಲ್ಪಡ್, ಕೆಲೆವೆರ್ ಪುಗರಡ್, ಎಂಕುಲು ಸತ್ಯ ಪಾತೆರುನಾಕುಲು ಆದಿತ್ತ್‌ಂಡಲಾ ಸುಳ್ಳುಗಾರೆರ್ ಅಂದ್‌ದ್ ಲೆಪ್ಪುವೆರ್.

2 ಕೊರಿಂಥ್ಯೆರೆಗ್ 8:18

ಆಯ ಒಟ್ಟುಗು ಬೊಕ್ಕೊರಿ ಸಹೋದ್ರನ್ ಕಡಪುಡುದ; ಈ ಸಹೋದರೆ ಸುವಾರ್ತೆ ಸಾರಿದ್ ಮಾತ ಸಭೆಕ್ಲೆಡ್ ಪುದರ್ ದೆತ್ತೊಂದಿನಾಯೆ ಆದುಲ್ಲೆ.

2 ಕೊರಿಂಥ್ಯೆರೆಗ್ 8:21

ದಾಯೆಗಂದ್ಂಡ ಕರ್ತವ ದೃಷ್ಟಿಡ್ ಮಾತ್ರತ್ತಂದೆ ನರಮಾನಿಲೆ ದೃಷ್ಟಿಡ್ಲಾ ಎಡ್ಡೆಂತಿನೆನ್ ಮಲ್ಪುನವೇ ಎಂಕ್ಲೆನ ಉದ್ದೇಶ.

ಗಲಾತ್ಯೆರೆಗ್ 5:22

ಆಂಡ ದೇವೆರಾತ್ಮೊಡ್ದು ಉಂಡಾಪಿನ ಫಲ ದಾನೆಂದ್ಂಡ ಪ್ರೀತಿ, ಸಂತೋಷ, ಸಮಾಧಾನ, ತಾಳ್ಮೆ, ಉಪಕಾರ, ಎಡ್ಡೆತನ, ನಂಬಿಕೆ, ಸಜ್ಜನಿಗೆ, ಬೊಕ್ಕ ಕಷ್ಟ ತಡೆತೊನುನವು ಇಂಚಿತ್ತಿನವೇ.

ಎಫೆಸ್ಯೆರೆಗ್ 4:25

ಅಂಚಾಯಿನೆಡ್ದ್ ಸುಳ್ಳು ಪಾತೆರೊನು ಬುಡ್ದು ಪ್ರತಿ ಒರಿ ತನ ನಿರೆಕರೆತಾಕುಲೆಡ ಸತ್ಯನೇ ಪಾತೆರಡ್. ನಮ ಮಾತೆರ್ಲಾ ಒರಿಯಗ್ ಒರಿ ಅಂಗೊಲು ಆದುಲ್ಲತ್ತಾ.

ಎಫೆಸ್ಯೆರೆಗ್ 5:9

ದಾಯೆಗಂದ್ಂಡ ನಿಕ್ಲೆ ಉಲಯಿಡುಪ್ಪುನ ಈ ಬೊಲ್ಪು ಎಡ್ಡೆಂತಿನೆನ್ಲಾ ನೀತಿನ್ಲಾ, ಸತ್ಯೊನ್ಲಾ ಮಾತ್ರ ಉಂಡು ಮಲ್ಪುಂಡು.

ಎಫೆಸ್ಯೆರೆಗ್ 6:14

ಸತ್ಯ ಇನ್ಪಿ ಸೊಂಟ ಪಟ್ಟಿನ್ ಕಟ್ಟೊಂದು, ಗಟ್ಟಿಯಾದ್ ಉಂತುಲೆ. ದೇವೆರೆ ನೀತಿ ಇನ್ಪಿ ಶರೀರದ ಕವಚೊನು ಪಾಡೊನ್ಲೆ.

ಫಿಲಿಪ್ಪಿಯೆರೆಗ್ 3:1

ಕಡೇತ ಪಾತೆರ ದಾನೆಂದ್ಂಡ, ಎನ ಸಹೋದ್ರೆರೇ, ಎಂಚಿನ ಆಂಡಲಾ ಕರ್ತವಡ್ ಸಂತೋಷ ಮಲ್ಪುಲೆ. ಎಂಕ್ ಈ ಪಾತೆರೊಲೆನ್ ಕುಡ ನಿಕ್ಲೆಗ್ ಬರೆಪಿನೆಟ್ಟ್ ದಾಲಾ ಬೇಜರ್ ಇಜ್ಜಿ; ಅವು ನಿಕ್ಲೆನ್ ಜೋಕೆಡ್ ಕಾತೊಂದುಪ್ಪುಂಡು.

ಕೊಲೊಸ್ಸಿಯೆರೆಗ್ 4:5

ಸಮಯೊನು ಪೊಕ್ಕಡೆ ಕಳೆವಂದೆ ತಿಕ್ಕುನ ಪ್ರತಿಯೊಂಜಿ ಗಳಿಗೆನ್ಲಾ ಎಡ್ಡೆ ರೀತಿಡ್ ಉಪಯೋಗ ಮಲ್ತೊನ್ಲೆ. ಪಿದಯಿದಾಕುಲೆ ಎದುರು ಬುದ್ಧಿವಂತೆರಾದ್ ನಡಪುಲೆ.

1 ಥೆಸಲೋನಿಕೆರೆಗ್‌ 4:12

ಇಂಚ ಇತ್ತರ್ಡ ನಿಕುಲು ಪಿದಯಿದ ಜನೊಕುಲೆ ಎದುರುಡು ಮರ್ಯಾದಿಡ್ ನಡತೊಂದುಪ್ಪುವರ್, ನಿಕ್ಲೆಗ್ ಒಯಿಕ್‌ಲಾ ಕಡಿಮೆ ಆವಂದ್.

1 ತಿಮೋಥಿ 2:2

ನಂಕ್ ಸುಖ ಸಮಾಧಾನ ಉಂಡಾದ್ ನಮ ಪೂರ್ತಿ ಭಕ್ತಿಡ್ಲಾ ಮರ್ಯಾದಿಡ್ಲಾ ಜೀವನ ಮಲ್ಪುಲೆಕ್ಕ ಅರಸರೆಗ್ಲಾ ಮಾತ ಅಧಿಕಾರೊಡುಪ್ಪುನಾಕುಲೆಗ್ಲಾ ದೇವೆರೆಡ ನಟ್ಟೊನೊಡು.

1 ತಿಮೋಥಿ 3:11

ಅಂಚೆನೇ ಸೇವೆ ಮಲ್ಪುನ ಪೊಂಜೊವುಲು ಮಾರ್ಯಾದಿದಾಕುಲುಲಾ ಚಾಡಿ ಪನಂದಿನಾಕುಲುಲಾ ಹದತಕುಲುಲಾ ಮಾತ ಕೆಲಸೊಲೆಡ್ ನಂಬಿಕೆದಾಕುಲುಲಾ ಆದುಪ್ಪೊಡು.

1 ತಿಮೋಥಿ 3:4

ಪೂರ್ತಿ ಮಾರ್ಯಾದಿಡ್ ತನ ಜೋಕುಲೆನ್ ಅಧೀನೊಡು ದೀವೊಂದು ಸ್ವಂತ ಇಲ್ಲದಾಕುಲೆನ್ ಪೊರ್ಲುಡು ನಡಪುಡುನಾಯೆ ಆದುಪ್ಪೊಡು.

1 ತಿಮೋಥಿ 4:12

ಈ ಜವ್ವನೆ ಅಂದ್‌ದ್ ಏರ್ಲಾ ನಿನನ್ ಅಸಡ್ಡೆ ಮಲ್ಪಂದೆ ಏರೆಗ್ಲಾ ಅವಕಾಸ ಕೊರಂದೆ ನಿನ ಪಾತೆರೊಡು, ನಡತೆಡ್, ಪ್ರೀತಿಡ್, ನಂಬಿಕೆಡ್, ಶುದ್ಧತೆಡ್ ನಂಬುನಾಕುಲೆಗ್ ಈಯೇ ಮಾದ್ರಿ ಆದುಪ್ಪುಲ.

1 ತಿಮೋಥಿ 5:10

ಆಲ್ ಎಡ್ಡೆ ಕೆಲೊಸೊಡು ಪುದರ್ ಪಡೆಯಿನಾಲ್ ಆದುಪ್ಪೊಡು, ಪಂಡ ಜೋಕುಲೆನ್ ತಾಂಕ್‌ದಿನಾಲ್‌ಲಾ, ಬಿನ್ನೆರೆನ್ ಸುದರಿಪುನಾಲ್‌ಲಾ, ದೇವಜನೊಕುಲೆನ್ ಸತ್ಕಾರ ಮಲ್ಪುನಾಲ್‌ಲಾ, ಭಂಗೊಡು ಇತ್ತಿನಾಕುಲೆಗ್ ಸಹಾಯ ಮಲ್ಪುನಾಲ್‌ಲಾ ಮಾತ ಎಡ್ಡೆ ಕೆಲೊಸೊಡು ಆಸಕ್ತಿದಾಲ್‌ಲಾ ಆದುಪ್ಪೊಡು.

1 ತಿಮೋಥಿ 5:2

ಪ್ರಾಯದ ಪೊಂಜೊವುಲೆನ್ ಅಪ್ಪೆ ಪಂಡ್ದ್, ಜವ್ವಂದಿ ಪೊಣ್ಣುಲೆನ್ ಮೆಗ್ದಿ ಪಲ್ದಿ ಪಂಡ್ದ್‌ಲಾ ಶುದ್ಧ ಭಾವೊಡು ತೂಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:8

ಐತ ಪಗತೆಗ್ ತನ ಇಲ್ಲಡ್ ಬಿನ್ನೆರೆನ್ ಸೇರಾವೊನುನಾಯೆ ಆದಿತ್ತ್‌ದ್, ಎಡ್ಡೆಂತಿನೆನ್ ಪ್ರೀತಿ ಮಲ್ಪುನಾಯೆ ಆದುಪ್ಪೊಡು. ಬುದ್ದಿವಂತಿಕೆಡುಪ್ಪುನಾಯೆಲಾ ನೀತಿದಾಯೆಲಾ ಪರಿಶುದ್ಧದಾಯೆಲಾ ಮಿತಿಟುಪ್ಪುನಾಯೆಲಾ ಆದಿತ್ತ್‌ದ್,

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:14

ನಮನ್ ಮಾತ ಅನ್ಯಾಯೊಡ್ದು ಬುಡುಗಡೆ ಮಲ್ಪೆರೆಗಾದ್‌ಲಾ, ಎಡ್ಡೆ ಕೆಲಸೊಲೆಡ್ ಆಸಕ್ತಿ ಇತ್ತಿ ಜನೊಕುಲು ಆದುಪ್ಪೊಡಂದ್‌ದ್‌ಲಾ, ತನ ಸ್ವಂತ ಜನ ಆದ್ ಶುದ್ಧ ಮಲ್ಪುನೆಕ್ಕಾದ್‌ಲಾ ಯೇಸು ತನನ್ ತಾನೆ ನಂಕ್ ಬೋಡಾದ್ ಒಚ್ಚಿದ್ ಕೊರಿಯೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:2

ಪರಬೆರೆಗ್ ಇಂಚ ಬೋಧನೆ ಮಲ್ಪುಲ, ಅಕುಲು ಪರ್ಪಿ ಅಭ್ಯಾಸೊಡ್ದು ದೂರ ಉಪ್ಪುನಾಕುಲು, ಘನತಾಕುಲು, ಬುದ್ದಿವಂತಿಕೆದಾಕುಲು, ನಂಬಿಕೆಡ್, ಪ್ರೀತಿಡ್, ತಾಳ್ಮೆಡ್ ಗೆಲವುದಾಕುಲು ಆದುಪ್ಪೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:7

ಮಾತ ಎಡ್ಡೆ ಕಾರ್ಯೊಲೆನ್ ಮಲ್ಪುನೆಟ್ಟ್ ಈಯೆ ಮಾದ್ರಿ ಆದುಪ್ಪುಲ. ನಿನ ಬೋಧನೆಡ್ ಯಥಾರ್ಥತೆಲಾ, ಗಂಭೀರತೆಲಾ ತೋಜಿದ್ ಬರಡ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:14

ನಮ್ಮ ಜನೊಕುಲು ಫಲದಾಂತಿನಾಕುಲು ಆದುಪ್ಪಂದಿಲೆಕ್ಕ ಬೋಡಿತ್ತಿ ಸಂಗತಿಲೆಗಾದ್ ಎಡ್ಡೆ ಬೇಲೆಲೆನ್ ಮಲ್ಪೆರೆ ಕಲ್ತೊನಡ್.

ಇಬ್ರಿಯೆರೆಗ್ 11:2

ನಮ ಹಿರಿಯಾಕುಲು ನಂಬಿಕೆಡ್ದೇ ದೇವೆರೆನ ಎಡ್ಡೆ ಪುದರ್‌ನ್ ಪಡೆಯೊಂಡೆರ್.

ಇಬ್ರಿಯೆರೆಗ್ 13:18

ಎಂಕ್ಲೆಗಾದ್ ಪ್ರಾರ್ಥನೆ ಮಲ್ಪುಲೆ. ಎಂಕುಲು ಮಾತ ವಿಚಾರೊಲೆಡ್ ಸಜ್ಜನೆರಾದ್ ನಡಪೊಡು ಪಂಡ್ದ್ ಅಪೇಕ್ಷ ಮಲ್ಪುನಾಕುಲಾದ್ ಎಂಕುಲೆ ಉಡಲ್‌ಡ್ ಎಡ್ಡೆ ಸಾಕ್ಷಿ ಪಡೆಯೊಂದ ಪಂಡ್ದ್ ನಿಚ್ಚಯ ಮಲ್ತೊಂದ.

ಯಾಕೋಬು 1:27

ಸಂಕಟೊಡು ಬೂರ್ದು ದಿಕ್ಕ್‌ದಾಂತಿನಾಕುಲೆನ್ಲಾ ವಿಧವೆರೆನ್ಲಾ ಪರಾಂಬರಿತ್‌ದ್, ಲೋಕದ ದೋಷ ಆಯಗ್ ತಾಗಂದಿಲೆಕ್ಕ ಕಾಪುನವೇ ಅಮ್ಮೆ ಆದುಪ್ಪು ದೇವೆರೆ ಎದುರುಡು ಶುದ್ಧಲಾ ಮೈಲೆದಾಂತಿನವುಲಾ ಆದುಪ್ಪು ಭಕ್ತಿ.

ಯಾಕೋಬು 3:17

ಆಂಡ ಮಿತ್ತ್‌ಡ್ದ್ ಬರ್ಪಿನ ಗೇನ, ಸುರುಟ್ಟು ನಿರ್ಮಲದವು ಆದುಪ್ಪುಂಡು. ಅವು ಸಮಾಧಾನದವು, ಶಾಂತದವು, ಒಪ್ಪಿಯೊನ್ನವು, ಕರುಣೆ ಬೊಕ್ಕ ಎಡ್ಡೆ ಫಲೊಕ್ಲೆಡ್ ದಿಂಜಿದಿನವು, ಭೇದಭಾವದಾಂತಿನವು, ಕಪಟದಾಂತಿನವು ಆದುಂಡು.

1 ಪೇತ್ರೆ 1:22

ನಿಕುಲು ಸತ್ಯೊಗು ವಿಧೇಯೆರಾದ್ ನಿಕ್ಲೆ ಆತ್ಮೊಲೆನ್ ಶುದ್ಧ ಮಲ್ತಿನೆಡ್ದ್ ಸಹೋದರೆ ಲೆಕ್ಕ ಕಪಟದಾಂತಿ ಪ್ರೀತಿಡುಪ್ಪುಲೆ. ಒರಿಯನ್ ಒರಿ ಶುದ್ಧ ಉಡಲ್‌ಡ್ದ್ ಸ್ಥಿರಾದ್ ಪ್ರೀತಿ ಮಲ್ಪುಲೆ.

1 ಪೇತ್ರೆ 2:12

ನಿಕ್ಲೆನ ನಡತೆ ಲೋಕದ ಜನೊಕುಲೆ ನಡುಟು ಎಡ್ಡೆಂತಿನವು ಆದುಪ್ಪಡ್; ಅಪಗ ಅಕುಲು ವಾ ಸಂಗತಿಡ್ ನಿಕ್ಲೆನ್ ಅಕ್ರಮದಾಕುಲು ಅಂದ್‌ದ್ ನಿಂದನೆ ಮಲ್ಪುವೆರಾ, ಅಂಚೆನೆ ನಿಕ್ಲೆನ ಎಡ್ಡೆ ನಡತೆನ್ ತೂದು ಆಯೆ ಕುಡ ಬರ್ಪಿ ದಿನೊಟು ಅಕುಲು ದೇವೆರೆನ್ ಪುಗರ್‌ವೆರ್.

1 ಪೇತ್ರೆ 4:8

ಮಾತೆಡ್ದ್ ದುಂಬು ನಿಕ್ಲೆನ ಉಲಯಿ ಯಥಾರ್ಥವಾಯಿನ ಪ್ರೀತಿ ಉಪ್ಪಡ್. ಆ ಪ್ರೀತಿ ಏತೋ ಪಾಪೊಲೆನ್ ಮಾಜಾವುಂಡು.

2 ಪೇತ್ರೆ 3:1

ಪ್ರೀತಿದಾಕುಲೇ, ನಿಕ್ಲೆಗ್ ಇತ್ತೆ ಬರೆಪಿನವು ರಡ್ಡನೆ ಪತ್ರಿಕೆ. ಈ ರಡ್ಡ್ ಪತ್ರಿಕೆಡ್ಲಾ ಯಾನ್ ನಿಕ್ಲೆನ ಕಪಟದಾಂತಿ ಉಡಲ್‌ನ್ ಉತ್ತೇಜನ ಮಲ್ತೊಂದುಲ್ಲೆ.

1 ಯೋಹಾನೆ 3:18

ಎನ ಪ್ರೀತಿದ ಜೋಕುಲೇ, ನಿಕುಲು ಬಜೀ ಪಾತೆರೊಡ್ದಾವಡ್ ಬಾಯಿ ಪ್ರಚಾರೊಡ್ದಾವಡ್ ಪ್ರೀತಿ ಮಲ್ಪುನಾಕುಲು ಆದುಪ್ಪಡೆ. ನಿಕ್ಲೆ ಪ್ರೀತಿ ಕ್ರಿಯೊಲೆಡ್ಲಾ ಸತ್ಯೊಡ್ಲಾ ತೋಜಿದ್ ಬರಡ್.

1 ಯೋಹಾನೆ 3:3

ಆಯ ಮಿತ್ತ್ ಈ ನಿರೀಕ್ಷೆ ದೀತಿನ ಪ್ರತಿ ಒರಿಲಾ ಕ್ರಿಸ್ತೆ ಶುದ್ಧ ಆದುಪ್ಪುಲೆಕ್ಕನೇ ತನನ್ ತಾನೇ ಶುದ್ಧ ಮಲ್ತೊನ್ವೆ.

1 ಯೋಹಾನೆ 4:1

ಪ್ರೀತಿದಾಕುಲೇ, ಮಸ್ತ್ ಮಂದಿ ಸುಳ್ಳು ಪ್ರವಾದಿಲು ಲೋಕದುಲಯಿ ಬೈದಿನೆಡ್ದ್ ನಿಕುಲು ಆತ್ಮಸಮ್ಮಂಧವಾಯಿನ ಮಾತ ಪಾತೆರೊಲೆನ್ ನಂಬಡೆ, ಆ ಪಾತೆರೊಲು ದೇವೆರೆಡ್ದ್ ಬೈದಿನವಾ ಪಂಡ್ದ್ ತೆರಿಯೊನಿಯೆರೆಗಾದ್ ಪರೀಕ್ಷೆ ಮಲ್ಪುಲೆ.