ಫಿಲಿಪ್ಪಿಯೆರೆಗ್ 4:7 - ಪೊಸ ಒಡಂಬಡಿಕೆ

⁷ ಅಪಗ ಮಾತ ಬುದ್ಧಿನ್ ಮೀರುನ ದೇವೆರೆ ಸಮಾಧಾನ ನಿಕ್ಲೆ ಉಡಲ್‌ನ್ಲಾ ನಿಕ್ಲೆ ಆಲೋಚನೆನ್ಲಾ ಕ್ರಿಸ್ತ ಯೇಸುಡು ಕಾತೊಂದುಪ್ಪುಂಡು.

ಫಿಲಿಪ್ಪಿಯೆರೆಗ್ 4:7 Cross References

ಲೂಕೆ 1:79

ಕತ್ತಲೆಡ್ಲಾ ಮರಣದ ಪೋಡಿಗೆಡ್ಲಾ ಇತ್ತಿ ಎಂಕ್ಲೆಗ್ ಬೊಲ್ಪು ಕೊರ್ದು ಎಂಕ್ಲೆನ್ ಸಮಾಧಾನದ ಸಾದಿಗ್ ಸೇರಾದ್ ನಡಪಾವೆ,” ಅಂದ್‌ದ್ ಪಂಡೆ.

ಲೂಕೆ 2:14

“ಪರಲೋಕೊಡುಪ್ಪು ದೇವೆರೆಗ್ ಮೈಮೆ, ಭೂಲೋಕೊಡು ನರಮಾನಿಲೆಗ್ ಸಮಾಧಾನ. ದೇವೆರ್ ಅಕ್ಲೆನ್ ಮೆಚ್ಚುವೆರ್.”

ಯೋಹಾನೆ 14:27

“ಸಮಾಧಾನೊನು ನಿಕ್ಲೆಗ್ ಬುಡ್ದು ಪೋಪೆ. ಎನ ಸಮಾಧಾನೊನು ನಿಕ್ಲೆಗ್ ಕೊರ್ಪೆ. ಲೋಕ ಕೊರ್ಪಿ ರೀತಿಡ್ ಯಾನ್ ನಿಕ್ಲೆಗ್ ಕೊರ್ಪುಜಿ. ನಿಕ್ಲೆನ ಉಡಲ್ ತಳಮಳ ಆವಂದೆ ಪೋಡಿಯಂದೆ ಉಪ್ಪಡ್.

ಯೋಹಾನೆ 16:33

ನಿಕುಲು ಎನಡೊಪ್ಪ ಇತ್ತ್‌ದ್ ಉಡಲ್‌ದ ಸಮಾಧಾನೊನು ಪಡೆವೊಡು ಅಂದ್‌ದ್ ಈ ಸಂಗತಿಲೆನ್ ನಿಕ್ಲೆಗ್ ಪಂತೆ. ಲೋಕೊಡು ನಿಕ್ಲೆಗ್ ಸಂಕಟ ಉಂಡು, ಆಂಡ ಧೈರ್ಯೊಡುಪ್ಪುಲೆ, ಯಾನ್ ಲೋಕೊನು ಗೆಂದ್‌ದೆ,” ಪಂಡೆ.

ರೋಮಾಯೆರೆಗ್ 1:7

ಅಂಚೆನೆ ರೋಮಾಪುರೊಟ್ಟುಪ್ಪು ದೇವೆರೆ ಪ್ರೀತಿದಾಕುಲೆಗ್ಲಾ ಲೆಪ್ಪು ಆತಿ ದೇವಜನೊಕುಲೆಗ್ಲಾ ಮಾತೆರೆಗ್ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

ರೋಮಾಯೆರೆಗ್ 14:17

ದಾಯೆಗಂದ್ಂಡ ತಿನ್ಪಿನವುಲಾ ಪರ್ಪಿನವುಲಾ ದೇವೆರೆ ರಾಜ್ಯ ಅತ್ತ್. ನೀತಿಲಾ, ಸಮಾಧಾನಲಾ ಪರಿಶುದ್ಧಾತ್ಮಡ್ದ್ ಉಂಡಾಪಿ ಸಂತೋಷ ಆದುಂಡು.

ರೋಮಾಯೆರೆಗ್ 15:13

ನಿರೀಕ್ಷೆಗ್ ಮೂಲ ಆದುಪ್ಪು ದೇವೆರ್, ನಿಕುಲು ಆಯ ಮಿತ್ತ್ ದೀತಿನ ನಂಬಿಕೆಡ್ದ್ ಮಾತೆರೆನ್ಲಾ ಸಂತೋಷ, ಸಮಾಧಾನೊಲೆಡ್ ದಿಂಜಾದ್ ನಿಕ್ಲೆ ನಿರೀಕ್ಷೆ ಪರಿಶುದ್ಧಾತ್ಮನ ಬಲೊಡ್ದು ಬುಲೆವೊಂದು ಉಪ್ಪುಲೆಕ್ಕ ಸಹಾಯ ಮಲ್ಪಡ್.

ರೋಮಾಯೆರೆಗ್ 5:1

ಅಂಚಾಂಡ ನಂಬಿಕೆಡ್ದ್ ನೀತಿವಂತೆರ್ ಅಂದ್‌ದ್ ತೀರ್ಪು ಆಯಿ ನಂಕ್, ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್ ದೇವೆರೆಡೊಪ್ಪ ಸಮಾಧಾನ ಉಂಡು.

ರೋಮಾಯೆರೆಗ್ 8:6

ಶರೀರಭಾವೊಡು ನಡಪುಡುನವು ಮರಣೊಡು ಅಂತ್ಯ ಆಪುಂಡು. ಆಂಡ ಆತ್ಮಭಾವೊಡು ನಡಪುಡುನವು ಜೀವೊಡ್ಲಾ ಸಮಾಧಾನೊಡ್ಲಾ ಅಂತ್ಯ ಆಪುಂಡು.

2 ಕೊರಿಂಥ್ಯೆರೆಗ್ 10:5

ಎಂಕುಲು ತರ್ಕೊಲೆನ್ ಬೊಕ್ಕ ದೇವೆರೆ, ಗೇನೊಗು ಎದುರಾಪಿನ ಮಾತ ಅಹಂಕಾರದೆನ್ಲಾ ನಾಶ ಮಲ್ತ್‌ದ್, ಪ್ರತಿಯೊಂಜಿ ಯೋಚನೆಲೆನ್ಲಾ ವಶ ಮಲ್ತ್‌ದ್ ಕ್ರಿಸ್ತಗ್ ಅಧೀನ ಆಪಿಲೆಕ್ಕ ಮಲ್ಪುವ.

2 ಕೊರಿಂಥ್ಯೆರೆಗ್ 13:11

ಕಡೆಕ್ಕ್ ಸಹೋದ್ರೆರೇ, ಸಂತೋಷೊಡುಪ್ಪುಲೆ, ಪೂರ್ತಿ ಸರಿ ಆವೊನ್ಲೆ. ಎನ ಬುದ್ಧಿ ಪಾತೆರೊಗು ಕೆಬಿ ಕೊರ್ಲೆ. ಒಂಜೆ ಮನಸ್‌ದಾಕುಲು ಆದುಪ್ಪುಲೆ, ಸಮಾಧಾನೊಡುಪ್ಪುಲೆ. ಅಪಗ ಪ್ರೀತಿನ್ಲಾ ಶಾಂತಿನ್ಲಾ ಕೊರ್ಪಿನ ದೇವೆರ್ ನಿಕ್ಲೆಡೊಪ್ಪ ಉಪ್ಪುವೆ.

ಗಲಾತ್ಯೆರೆಗ್ 5:22

ಆಂಡ ದೇವೆರಾತ್ಮೊಡ್ದು ಉಂಡಾಪಿನ ಫಲ ದಾನೆಂದ್ಂಡ ಪ್ರೀತಿ, ಸಂತೋಷ, ಸಮಾಧಾನ, ತಾಳ್ಮೆ, ಉಪಕಾರ, ಎಡ್ಡೆತನ, ನಂಬಿಕೆ, ಸಜ್ಜನಿಗೆ, ಬೊಕ್ಕ ಕಷ್ಟ ತಡೆತೊನುನವು ಇಂಚಿತ್ತಿನವೇ.

ಎಫೆಸ್ಯೆರೆಗ್ 3:19

ಗೇನೊನು ಮೀರುನ ಕ್ರಿಸ್ತ ಪ್ರೀತಿನ್ ತೆರಿಯೊಂದು ಸಾಮರ್ಥ್ಯ ಇತ್ತಿನಕುಲಾದ್ ದೇವೆರೆ ಮಾತ ಸದ್ಗುಣೊಲೆಡ್ ದಿಂಜೊಂದು ಬರೊಡು ಅಂದ್‌ದ್ ಯಾನ್ ನಟ್ಟೊನ್ವೆ.

ಫಿಲಿಪ್ಪಿಯೆರೆಗ್ 1:1

ಕ್ರಿಸ ಯೇಸುನ ದಾಸೆರಾದುಪ್ಪು ಪೌಲುಲಾ ತಿಮೋಥಿಲಾ ಫಿಲಿಪ್ಪಿಡುಪ್ಪು ಕ್ರಿಸ್ತ ಯೇಸುಡು ದೇವಜನೊಕುಲೆಗ್ಲಾ ಸಭಾದ್ಯಕ್ಷೆರೆಗ್ಲಾ ಸಭಾಸೇವಕೆರೆಗ್ಲಾ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

ಫಿಲಿಪ್ಪಿಯೆರೆಗ್ 4:19

ದೇವೆರ್ ಕ್ರಿಸ್ತ ಯೇಸುಡು ನಂಕ್ ಕೊರ್ತಿನ ಮೈಮೆದ ಐಶ್ವರ್ಯೊಡು ತಕ್ಕ ಇತ್ತಿ ರೀತಿಡ್ ನಿಕ್ಲೆ ಮಾತ ಅಗತ್ಯೊನು ಬೋಡಿತ್ತಿಲೆಕ್ಕ ತೀರಿಸಾವೆ.

ಫಿಲಿಪ್ಪಿಯೆರೆಗ್ 4:21

ಕ್ರಿಸ್ತ ಯೇಸುಗು ಸೇರ್ದಿನ ಮಾತ ದೇವಜನೊಕುಲೆಗ್ ವಂದಿಪುಲೆ. ಎನಡೊಪ್ಪ ಉಪ್ಪುನ ಸಹೋದ್ರೆರ್‌ಲಾ ನಿಕ್ಲೆಗ್ ವಂದನೆ ತೆರಿಪಾದೆರ್

ಫಿಲಿಪ್ಪಿಯೆರೆಗ್ 4:9

ನಿಕುಲು ಎನಡ್ದ್ ಎಂಚಿನ ಕಲ್ತ್‌ದರಾ ಬೊಕ್ಕ ಒವೆನ್ ಎನಡ್ದ್ ಕೇಂಡ್ದ್ ತೂಯರಾ ಅವೆನೇ ಮಲ್ತೊಂದು ಬಲ್ಲೆ. ಇಂಚ ಮಲ್ತರ್ಡ ಸಮಾಧಾನದ ದೇವೆರ್ ನಿಕ್ಲೆಡೊಪ್ಪ ಉಪ್ಪುವೆ.

ಕೊಲೊಸ್ಸಿಯೆರೆಗ್ 3:15

ಬೊಕ್ಕ ಕ್ರಿಸ್ತಡ್ದ್ ಬರ್ಪಿನ ಸಮಾಧಾನ ನಿಕ್ಲೆ ಉಡಲ್‌ನ್ ಆಳಡ್. ನಿಕುಲು ಒಂಜೇ ಶರೀರೊಗು ಸೇರ್ದಿನಾಕುಲಾದುಪ್ಪುನೆಡ್ದ್ ಸಮಾಧಾನೊಡು ಬದುಕುನೆಕ್ಕಾದ್ ಲೆಪ್ಪು ಇತ್ತಿನಾಕುಲಾದುಲ್ಲರ್. ಉಂದತ್ತಂದೆ ಉಪಕಾರ ಎನ್ನುನಾಕುಲಾದುಪ್ಪುಲೆ.

2 ಥೆಸಲೋನಿಕೆರೆಗ್‌ 3:16

ಸಮಾಧಾನದ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ತಾನೇ ನಿಕ್ಲೆಗ್ ಏಪಲಾ, ಪ್ರತಿಯೊಂಜಿ ವಿಷಯೊಡ್ಲಾ, ಸಮಾಧಾನ ಕೊರಡ್. ಕರ್ತವೆ ನಿಕ್ಲೆ ಮಾತೆರೆಡೊಪ್ಪ ಉಪ್ಪಡ್.

ಇಬ್ರಿಯೆರೆಗ್ 13:20

ಸಭೆ ಪನ್ಪಿ ಕುರಿಕುಲೆ ಮಲ್ಲ ಕುರುಬೆ ಆದುಪ್ಪು ಯೇಸು ಕ್ರಿಸ್ತೆ ನಿತ್ಯವಾಯಿನ ಒಡಂಬಡಿಕೆನ್ ನಿಚ್ಚಯ ಮಲ್ಪೆರೆಗಾದ್ ತನ ನೆತ್ತೆರ್‌ನ್ ಗುತ್ತುದೆ. ಸಮಾಧಾನದ ದೇವೆರ್ ನಮ ಕರ್ತವೆ ಆದುಪ್ಪು ಯೇಸುನು ಸೈತಿನಾಕುಲೆಡ್ದ್ ಜೀವೊಡು ಲಕ್ಕಾಯೆ. ನಿಕುಲು ಇಂಚಿತ್ತಿ ದೇವೆರೆ ಚಿತ್ತೊನು ಮಲ್ಪುಲೆಕ್ಕ ಮಾತ ಎಡ್ಡೆ ಕಾರ್ಯೊಲೆಗ್ ಬೋಡಾಪಿ ಅಗತ್ಯೊಲೆನ್ ನಿಕ್ಲೆಗ್ ಕೊರಡ್. ಯೇಸು ಕ್ರಿಸ್ತಡ್ ತನ್ಕ್ ಸರಿ ತೋಜುನೆನ್ ನಮಡ ನಡಪಾವಡ್. ಆಯಗ್ ಏನಿತ್ಯೇನಿಗ್ಲಾ ಮೈಮೆ ಉಂಡಾವಡ್. ಆಮೆನ್.

ಯೂದೆ 1:1

ಅಮ್ಮೆ ಆದುಪ್ಪು ದೇವೆರ್ ಏರೆನ್ ಪ್ರೀತಿಡ್ ಲೆತ್ತ್‌ದ್ ಯೇಸು ಕ್ರಿಸ್ತಡ್ ಕಾತೊಂದುಲ್ಲೆರಾ ಅಕ್ಲೆಗ್ ಯೇಸು ಕ್ರಿಸ್ತನ ದಾಸೆಲಾ ಯಾಕೋಬುನ ಸಹೋದ್ರೆಲಾ ಆದುಪ್ಪು ಯೂದೆ ಬರೆಪಿನಿ ದಾನೆಂದ್ಂಡ, ದೇವೆರೆ ಕರುಣೆಲಾ, ಸಮಾಧಾನಲಾ, ಪ್ರೀತಿಲಾ ನಿಕ್ಲೆಗ್ ಹೆಚ್ಚೆಚ್ಚಾದ್ ತಿಕ್ಕಡ್.

ಪ್ರಕಟಣೆ 1:4

ಆಸ್ಯ ಸೀಮೆಡುಪ್ಪು ಏಳ್‌ ಸಭೆಲೆಗ್ ಯೋಹಾನೆ ಬರೆಪಿನಿ ದಾನೆಂದ್ಂಡ, ವರ್ತಮಾನ, ಭೂತ, ಭವಿಷ್ಯತ್ ಕಾಲೊಡು ಆದುಪ್ಪುನಾಯಡ್ದ್‌ಲಾ ಆಯನ ಗದ್ದಿಗೆದ ದುಂಬುಪ್ಪು ಏಳ್‌ ಆತ್ಮೊಲೆಡ್ದ್‌ಲಾ ನಂಬಿಕೆ ಇತ್ತಿ ಸಾಕ್ಷಿದಾಯೆಲಾ ಸೈತಿನಾಕುಲೆಡ್ದ್ ದುಂಬತ್ತ ಲಕ್ಕ್‌ದ್ ಬೈದಿನಾಯೆಲಾ ಭೂಮಿದ ಅರಸರೆನ್ ಆಳುನಾಯೆ ಆದುಪ್ಪು ಯೇಸು ಕ್ರಿಸ್ತಡ್ದ್ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್. ಆಯೆ ನಮನ್ ಪ್ರೀತಿ ಮಲ್ಪುನಾಯೆಲಾ, ತನ ನೆತ್ತೆರೆಡ್ದ್ ನಮನ್ ಪಾಪೊಡ್ದು ಬುಡ್ಪಾದಿನಾಯೆಲಾ ಆದುಲ್ಲೆ.

ಪ್ರಕಟಣೆ 2:17

“ದೇವೆರಾತ್ಮೆ ಸಭೆಲೆಗ್ ಪನ್ಪಿನೆನ್ ಕೆಬಿ ಇತ್ತಿನಾಯೆ ಕೇನಡ್. ಗೆಂದಿನಾಯಗ್ ದೆಂಗಾದ್ ದೀತಿನ ಮನ್ನ ಪನ್ಪಿ ತಿನಸ್‌ನ್ ಕೊರ್ಪೆ; ಪ್ರತಿಯೊರಿಯಗ್ಲಾ ಒಂಜಿ ಬೊಲ್ದು ಕಲ್ಲ್‌ನ್ ಕೊರ್ಪೆ. ಆ ಕಲ್ಲ್‌ದ ಮಿತ್ತ್ ಒಂಜಿ ಪೊಸ ಪುದರ್ ಬರೆದುಪ್ಪುಂಡು. ಆ ಪುದರ್ ಏರೆಗ್ ತಿಕ್ಕುಂಡಾ ಆಯಗ್ ಅತ್ತಂದೆ ಬೇತೆ ಏರೆಗ್ಲಾ ತೆರಿಯಂದ್.