ಫಿಲಿಪ್ಪಿಯೆರೆಗ್ 4:6 - ಪೊಸ ಒಡಂಬಡಿಕೆ

⁶ ವಾ ವಿಷಯೊಡ್ಲಾ ಚಿಂತೆ ಮಲ್ಪಂದೆ, ಮಾತ ಸಂಗತಿಡ್ ದೇವೆರೆನ ದುಂಬು ಉಪಕಾರ ಸ್ತುತಿನ್ಲಾ ಪ್ರಾರ್ಥನೆ ಅರಿಕೆಲೆನ್ಲಾ ಮಲ್ತೊಂದು, ನಿಕ್ಲೆಗ್ ಬೋಡಾಪಿನೆನ್ ತೆರಿಪಾಲೆ.

ಫಿಲಿಪ್ಪಿಯೆರೆಗ್ 4:6 Cross References

ಮತ್ತಾಯೆ 10:19

ಆಂಡ ಅಕುಲು ನಿಕ್ಲೆನ್ ಒಚ್ಚಿದ್ ಕೊರ್ನಗ ಎಂಚ ಪಾತೆರೊಡು, ದಾದ ಪನೊಡು ಅಂದ್‌ದ್ ಚಿಂತೆ ಮಲ್ಪಡೆ; ಪನೊಡಿತ್ತಿ ಪಾತೆರೊಲು ಆ ಗಳಿಗೆಡ್ ನಿಕ್ಲೆಗ್ ದೇವೆರ್ ಕಲ್ಪಾದ್ ಕೊರುವೆ.

ಮತ್ತಾಯೆ 13:22

ಒರಿ ಪಾತೆರೊನು ಕೇಂಡಲಾ ಲೋಕದ ಚಿಂತೆ ಐಶ್ವರ್ಯೊಡ್ದು ಆಪಿನ ಮೋಸಲಾ ಈ ಪಾತೆರೊನು ದೆಂಗಾದ್ ಬುಡ್ಪಿನೆಡ್ದ್ ಫಲ ಕೊರಂದೆ ಉಪ್ಪುವೆ; ಇಂಬೆನೇ ಮುಳ್ಳುಗಿಡೊಕ್ಲೆಡ್ ಬಿತ್ತ್ ಬೂರಿ ನೆಲ ಆದುಪ್ಪುವೆ.

ಮತ್ತಾಯೆ 6:34

ಅಂಚಾದ್ ನಿಕುಲು ಏಲ್ಲೆದ ಚಿಂತೆ ಮಲ್ಪೊಡ್ಚಿ. ಏಲ್ಲೆಗ್ ಎಂಚಿನ ಬೋಡು ಅವು ಏಲ್ಲೆನೇ ಚಿಂತೆ ಮಲ್ಪುಂಡು. ಆ ಪೊರ್ತುದ ಕಾಟ ಆ ಪೊರ್ತುಗೆ ಯಾವು.

ಮತ್ತಾಯೆ 6:8

ಅಂಚಾಯಿನೆಡ್ದ್‌ ನಿಕುಲು ಅಕ್ಲೆನ ಲೆಕ್ಕ ಆವಡೆ. ನಿಕುಲು ನಿಕ್ಲೆನ ಅಮ್ಮೆರೆಡ ನಟ್ಟೊನುನೆಡ್ದ್ ದುಂಬೇ ನಿಕ್ಲೆಗ್ ಎಂಚೆಂಚಿನ ಅಗತ್ಯದವು ಪನ್ಪಿನವು ಆಯಗ್ ತೆರಿದುಂಡು.

ಲೂಕೆ 10:41

ಕರ್ತವೆ ಆಲೆಗ್, “ಮಾರ್ಥ, ಮಾರ್ಥ, ಈ ಮಸ್ತ್ ಬಗೆಟ್ ಚಿಂತೆಡ್ಲಾ ಗಡಿಬಿಡಿಟ್ಲಾ ತಿಕ್ಕೊಂದ.

ಲೂಕೆ 12:22

ಬೊಕ್ಕ ಯೇಸು ತನ ಶಿಷ್ಯೆರೆಗ್ ಪಂಡಿನಿ ದಾನೆಂದ್ಂಡ, “ಈ ಕಾರಣೊಗಾದ್ ನಿಕ್ಲೆ ಪ್ರಾಣೊಗು ಒವೆನ್ ತಿನೊಡು, ಶರೀರದ ರಕ್ಷಣೆಗ್ ಒವೆನ್ ಪೊದೆತೊನೊಡು ಅಂದ್‌ದ್ ಚಿಂತೆ ಮಲ್ಪಡೆ ಅಂದ್‌ದ್ ನಿಕ್ಲೆಗ್ ಪನ್ಪೆ.

ಲೂಕೆ 12:29

“ಒವೆನ್ ತಿನೊಡು? ಒವೆನ್ ಪರೊಡು? ಅಂದ್‌ದ್ ಗಡಿಬಿಡಿ ಮಲ್ತ್‌ದ್ ಚಿಂತೆ ಮಲ್ಪಡೆ.

ಲೂಕೆ 18:1

ಐಡ್ದ್ ಬೊಕ್ಕ ಯೇಸು ತನ ಶಿಷ್ಯೆರೆಗ್, ಬೇಜಾರ್ ಮಲ್ತೊನಂದೆ ಏಪಲಾ ಪ್ರಾರ್ಥನೆ ಮಲ್ತೊಂದುಪ್ಪುಲೆ ಅಂದ್‌ದ್ ಒಂಜಿ ಉಪಕತೆನ್ ಪಂಡೆ.

ಲೂಕೆ 18:7

ದೇವೆರೆನ್ ಅಜತೊಂಡಿನಾಕುಲು ರಾತ್ರೆ ಪಗೆಲ್ ಮುರೆಡ್ನಗ ಆಯೆ ಅಕ್ಲೆ ಸಂಗತಿಡ್ ತಡ ಮಲ್ತ್ಂಡಲಾ ಅಕ್ಲೆ ನ್ಯಾಯೊನು ತೀರ್ಪಂದೆ ಉಪ್ಪೆನಾ?

1 ಕೊರಿಂಥ್ಯೆರೆಗ್ 7:21

ದೇವೆರ್ ಲೆಪ್ಪುನಗ ಈ ಬೊಕ್ಕೊರಿಯನ ದಾಸೆ ಆದುಲ್ಲನಾ? ಐಕಾದ್ ಚಿಂತೆ ಮಲ್ಪಡ. ಆಂಡ ಬುಡುಗಡೆ ಆಯೆರೆ ನಿನ ಕೈಡ್ದ್ ಆಪುಂಡಾ ಸ್ವತಂತ್ರೆ ಆಪಿನವೇ ಎಡ್ಡೆ.

1 ಕೊರಿಂಥ್ಯೆರೆಗ್ 7:32

ಆಂಡ ನಿಕುಲು ಚಿಂತೆ ಇಜ್ಜಂದೆ ಇತ್ತಿನಕುಲಾದ್ ಉಪ್ಪೊಡು ಅಂದ್‌ದ್ ಎನ ಆಸೆ. ಮದ್ಮೆ ಆವಂದಿನಾಯೆ ತಾನ್ ಕರ್ತವನ್ ಎಂಚ ಮೆಚ್ಚಾವುನು ಅಂದ್‌ದ್ ಕರ್ತವ ಕಾರ್ಯೊಲೆಗಾದ್ ಚಿಂತೆ ಮಲ್ಪುವೆ.

2 ಕೊರಿಂಥ್ಯೆರೆಗ್ 1:11

ಐಕ್ ನಿಕ್ಲೆನ ಪ್ರಾರ್ಥನೆಡ್ದ್ ಎಂಕ್ಲೆಗ್ ಸಹಾಯ ಆಪುಂಡು. ಅಂಚಾದ್ ಮಸ್ತ್ ಜನೊಕುಲೆನ ಪ್ರಾರ್ಥನೆಡ್ದ್ ಎಂಕ್ಲೆಗ್ ತಿಕ್ಕುನ ಉಪಕಾರೊಗಾದ್ ಮಸ್ತ್ ಜನೊಕುಲೆಡ್ದ್ ದೇವೆರೆಗ್ ಸ್ತುತಿ ಕೊರ್ಪಿಲೆಕ್ಕ ಆಪುಂಡು.

ಎಫೆಸ್ಯೆರೆಗ್ 5:20

ಬೊಕ್ಕ ಮಾತೆಟ್ಲಾ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ಪುದರ್‌ಡ್ ಅಮ್ಮೆ ಆದುಪ್ಪು ದೇವೆರೆಗ್ ಉಪಕಾರ ಸ್ತುತಿ ಪನೊಂದುಪ್ಪುಲೆ.

ಎಫೆಸ್ಯೆರೆಗ್ 6:18

ಮಾತ ಕಾಲೊಲೆಡ್ಲಾ ಪ್ರತಿಯೊಂಜಿ ಸಂಗತಿಗಾದ್ರಲಾ, ಆತ್ಮಡ್ ಪ್ರಾರ್ಥನೆ ಮಲ್ಪುಲೆ. ಎಚ್ಚರಿಕೆ ಆದಿತ್ತ್‌ದ್ ಮಾತ ದೇವಜನೊಕುಲೆಗಾದ್ ಬುಡಂದೆ ಪ್ರಾರ್ಥನೆ ಮಲ್ಪುನಾಕುಲು ಆದುಪ್ಪುಲೆ.

ಕೊಲೊಸ್ಸಿಯೆರೆಗ್ 3:15

ಬೊಕ್ಕ ಕ್ರಿಸ್ತಡ್ದ್ ಬರ್ಪಿನ ಸಮಾಧಾನ ನಿಕ್ಲೆ ಉಡಲ್‌ನ್ ಆಳಡ್. ನಿಕುಲು ಒಂಜೇ ಶರೀರೊಗು ಸೇರ್ದಿನಾಕುಲಾದುಪ್ಪುನೆಡ್ದ್ ಸಮಾಧಾನೊಡು ಬದುಕುನೆಕ್ಕಾದ್ ಲೆಪ್ಪು ಇತ್ತಿನಾಕುಲಾದುಲ್ಲರ್. ಉಂದತ್ತಂದೆ ಉಪಕಾರ ಎನ್ನುನಾಕುಲಾದುಪ್ಪುಲೆ.

ಕೊಲೊಸ್ಸಿಯೆರೆಗ್ 3:17

ಬೊಕ್ಕ ನಿಕುಲು ಬಾಯಿದ ಪಾತೆರೊಡಾವಡ್ ನಡಾವಳಿಕೆಡಾವಡ್ ಎಂಚಿನ ಮಲ್ತರ್ಡಲಾ ಮಾತೆನ್ಲಾ ಕರ್ತವೆ ಆದುಪ್ಪು ಯೇಸುನ ಪುದರ್‌ಡೇ ಮಲ್ಪುಲೆ. ಆಯಡ್ದ್ ಅಮ್ಮೆ ಆದುಪ್ಪು ದೇವೆರೆಗ್ ಉಪಕಾರ ಸ್ತುತಿ ಸಂದಾಲೆ.

ಕೊಲೊಸ್ಸಿಯೆರೆಗ್ 4:2

ಪ್ರಾರ್ಥನೆಡ್ ನಿಲೆ ಆದಿತ್ತ್‌ದ್ ಉಪಕಾರ ಸ್ತುತಿ ಮಲ್ತ್‌ದ್ ಎಚ್ಚರಿಕೆ ಆದುಪ್ಪುಲೆ.

1 ತಿಮೋಥಿ 2:1

ಮಾತೆಡ್ದ್ ದುಂಬು ಮಾತ ನರಮಾನಿಲೆಗಾದ್ ದೇವೆರೆಡ ನಟ್ಟೊಂದು, ಪ್ರಾರ್ಥನೆ ಮಲ್ತೊಂದು, ಮದ್ಯಸ್ತಿಕೆ ಬೊಕ್ಕ ಉಪಕಾರ ಸ್ತುತಿ ಮಲ್ಪೊಡು ಅಂದ್‌ದ್ ಕೇನೊನ್ವೆ.

1 ತಿಮೋಥಿ 5:5

ದಿಕ್ಕ್‌ದಾಂತಿ ಒಂಟಿ ವಿಧವೆ, ದೇವೆರೆನ ಮಿತ್ತ್ ಭರವಸೆ ದೀದ್, ರಾತ್ರೆ ಪಗೆಲ್ ನಟ್ಟೊನುನೆಟ್ಲಾ ಪ್ರಾರ್ಥನೆಡ್ಲಾ ನಿಲೆ ಆದುಪ್ಪುವಲ್.

1 ಪೇತ್ರೆ 4:7

ಮಾತೆತ್ತ ಅಂತ್ಯ ಆಪಿನ ಕಾಲ ಮುಟ್ಟ ಬೈದ್‌ಂಡ್; ಅಂಚಾಯಿನೆಡ್ದ್ ಪ್ರಾರ್ಥನೆಗ್ ತಯಾರಾದ್ ಸ್ವಸ್ಥ ಬುದ್ಧಿಡ್ ಎಚ್ಚರಿಕೆ ಆದುಪ್ಪುಲೆ.

1 ಪೇತ್ರೆ 5:7

ನಿಕ್ಲೆನ ಮಾತ ಚಿಂತೆಲೆನ್ ಆಯಗ್ ಒಪ್ಪಿಸಾಲೆ; ಆಯೆ ನಿಕ್ಲೆಗಾದ್ ಚಿಂತೆ ಮಲ್ಪುವೆ.