ಫಿಲಿಪ್ಪಿಯೆರೆಗ್ 4:5 - ಪೊಸ ಒಡಂಬಡಿಕೆ

⁵ ನಿಕ್ಲೆ ಸಜ್ಜನಿಗೆ ಮಾತ ನರಮಾನಿಲೆಗ್ ತೋಜಿದ್ ಬರಡ್, ಕರ್ತವೆ ಬೇಗ ಬರೊಂದುಲ್ಲೆ.

ಫಿಲಿಪ್ಪಿಯೆರೆಗ್ 4:5 Cross References

ಮತ್ತಾಯೆ 6:25

“ಈ ಕಾರಣೊಗಾದ್ ನಿಕ್ಲೆ ಪ್ರಾಣೊಗು ಒವೆನ್ ತಿನೊಡು, ಒವೆನ್ ಪರೊಡು, ನಮ ಶರೀರದ ರಕ್ಷಣೆಗ್ ಒವೆನ್ ಪೊದೆತೊನೊಡು ಅಂದ್‌ದ್ ಚಿಂತೆ ಮಲ್ಪಡೆ ಅಂದ್‌ದ್ ನಿಕ್ಲೆಗ್ ಪನ್ಪೆ. ವಣಸ್‌ಡ್ದ್ ಪ್ರಾಣ ಮಿತ್ತ್‌ದವು, ಅಂಗಿ ಕುಂಟುಡ್ದು ಶರೀರ ಮಿತ್ತ್‌ದವು ಆದುಂಡತ್ತಾ?”

ಮತ್ತಾಯೆ 6:34

ಅಂಚಾದ್ ನಿಕುಲು ಏಲ್ಲೆದ ಚಿಂತೆ ಮಲ್ಪೊಡ್ಚಿ. ಏಲ್ಲೆಗ್ ಎಂಚಿನ ಬೋಡು ಅವು ಏಲ್ಲೆನೇ ಚಿಂತೆ ಮಲ್ಪುಂಡು. ಆ ಪೊರ್ತುದ ಕಾಟ ಆ ಪೊರ್ತುಗೆ ಯಾವು.

ಲೂಕೆ 21:34

“ನಿಕ್ಲೆನ ಬಗೆಟ್ ಜಾಗ್ರತೆ ಆದುಪ್ಪುಲೆ. ಬಂಜಾರ ವಣಸ್‌ಡ್ದ್‌ಲಾ ಅಮಲ್‌ಡ್ದ್‌ಲಾ ಲೋಕದ ಚಿಂತೆಲೆಡ್ದ್‌ಲಾ ನಿಕ್ಲೆ ಉಡಲ್ ದುನ್ನ ಆದಿತ್ತಿನೆಡ್ದ್,

1 ಕೊರಿಂಥ್ಯೆರೆಗ್ 16:22

ಏರಾಂಡಲಾ ಕರ್ತವನ್ ಪ್ರೀತಿ ಮಲ್ತ್‌ಜೆಡ ಆಯೆ ಶಾಪಗ್ರಸ್ತೆ ಆವಡ್. ಮಾರನಥ ಪಂಡ ಎಂಕುಲೆ ಕರ್ತವ ಬಲ!

1 ಕೊರಿಂಥ್ಯೆರೆಗ್ 6:7

ನಿಕ್ಲೆ ಉಲಯಿಡ್ ವ್ಯಾಜ್ಯೊಲು ಇತ್ತ್ಂಡ ನಿಕುಲು ಸೋತಿನಾಕುಲು ಪನ್ಪಿನೆಕ್ಕ್ ಗುರ್ತ. ಅವೆಡ್ದ್ ಅನ್ಯಾಯೊನು ತಾಳೊನುನವು ಎಡ್ಡೆ ಅತ್ತಾ? ಆಸ್ತಿ ನಷ್ಟೊನು ತಾಳೊಂದು ಸಮಾಧಾನೊಡು ಉಪ್ಪುನವು ಎಡ್ಡೆ ಅತ್ತಾ?

1 ಕೊರಿಂಥ್ಯೆರೆಗ್ 8:13

ಅಂಚಾದ್, ತಿನ್ಪಿನೆಟ್ ಎನ ಸಹೋದ್ರಗ್ ಅಡ್ಡಿ ಆಪಿನಾಂಡ ಯಾನ್ ಏಪೊಗ್ಲಾ ಮಾಸನೇ ತಿನಯೆ; ಯಾನ್ ಎನ ಸಹೋದ್ರಗ್ ಅಡ್ಡಿ ಆಯೆರೆ ಬಲ್ಲಿ ಅತ್ತಾ?

1 ಕೊರಿಂಥ್ಯೆರೆಗ್ 9:25

ಐಟ್ಟ್ ಪೊರ್‌ಂಬುನಾಕುಲು ಮಾತ ಸಂಗತಿಡ್ಲಾ ಮಿತಿಟ್ ಉಪ್ಪುವೆರ್. ಅಕುಲು ನಾಶಾದ್ ಪೋಪಿ ಜಯಮಾಲೆನ್ ಪಡೆಯೆರೆಗಾದ್ರ ಪೊರ್‌ಂಬುವೆರ್. ನಮ ಆಂಡಲಾ ನಾಶಾವಂದಿನ ಜಯಮಾಲೆಗಾದ್ರ ಪೊರ್ಂಬುನಾಕುಲಾದುಲ್ಲ.

2 ಕೊರಿಂಥ್ಯೆರೆಗ್ 10:1

ನಿಕ್ಲೆ ಎದುರುಡುಪ್ಪುನಗ ತಗ್ಗ್‌ದಿನಾಯೆಲಾ ದೂರೊಡುಪ್ಪುನಗ ಧೈರ್ಯೊಡುಪ್ಪುನಾಯೆಲಾ ಆದ್ ನಿಕುಲು ಎನ್ನುನ ಪೌಲು ಪನ್ಪಿ ಯಾನ್ ಕ್ರಿಸ್ತನ ತಾಳ್ಮೆಡ್ಲಾ ಸಜ್ಜನಿಗೆಡ್ಲಾ ನಿಕ್ಲೆಡ ಪಾತೆರ್‌ವೆ.

2 ಥೆಸಲೋನಿಕೆರೆಗ್‌ 2:2

ಕರ್ತವೆ ಬರ್ಪಿನ ದಿನ ಕೈತಲಾತ್ತ್ಂಡ್ ಅಂದ್‌ದ್ ಕೆಲೆವೆರ್ ಆತ್ಮೊಡ್ದುಲಾ ಕೆಲೆವೆರ್ ಪಾತೆರೊಡ್ದುಲಾ, ಕೆಲೆವೆರ್ ಎಂಕುಲು ಇಂಚ ಪತ್ರಿಕೆ ಬರೆತ ಪಂಡ್ದ್‌ಲಾ ಪನ್ವೆರ್. ಉಂದೆನ್ ಕೇಂಡ್ದ್ ನಿಕ್ಲೆ ಮನಸ್‌ಡ್ ಬೇಗನೆ ಬುದ್ಧಿಕೆಟ್ಟ್‌ದ್ ಚಂಚಲ ಆವಡೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:2

ಏರೆನ್ಲಾ ದೂಷಣೆ ಮಲ್ಪಂದೆ, ಲಡಯಿ ಮಲ್ಪಂದೆ, ತಗ್ಗ್‌ತನೊಟು ಮಾತೆರೊಟ್ಟುಗು ಸಮಾಧಾನಿಲಾದ್ ನಡಪಡ್.

ಇಬ್ರಿಯೆರೆಗ್ 10:25

ಸಭೆಯಾದ್ ಕೂಡ್ದು ಬರ್ಪಿನೆನ್ ಕೆಲೆವೆರ್ ರೂಢಿಯಾದ್ ಬುಡ್ತಿ ಪ್ರಕಾರ ಎಂಕುಲು ಬುಡ್ದು ಬುಡಂದೆ ಒರಿಯಗ್ ಒರಿ ಎಚ್ಚರಿಕೆ ಮಲ್ತೊನುಗ, ಕರ್ತವೆ ಬರ್ಪಿನ ದಿನ ಕೈತಲಾವೊಂದು ಬರ್ಪುಂಡು ಪಂಡ್ದ್ ನಿಕುಲು ತೂಪಿನೆಡ್ದ್ ಉಂದೆನ್ ಬೊಕ್ಕಲಾ ಮಲ್ಪುಲೆ.

ಇಬ್ರಿಯೆರೆಗ್ 10:37

“ಬರ್ಪಿನಾಯೆ ನನ ಒಂತೆ ಸಮಯೊಡು ಬರ್ಪೆ ತಡ ಮಲ್ಪುಜೆ.”

1 ಪೇತ್ರೆ 1:11

ಕ್ರಿಸ್ತನ ಆತ್ಮ ಅಕ್ಲೆ ಉಲಯಿ ಇತ್ತಿನೆಡ್ದ್ ಕ್ರಿಸ್ತಗ್ ಬರ್ಪಿ ಶ್ರಮೆ ಬೊಕ್ಕ ಶ್ರಮೆಲೆಡ್ದ್ ತಿಕ್ಕು ಮೈಮೆನ್ಲಾ ಆದಿಡ್ ತೆರಿಪಾದಿನೆಡ್ದ್, ಆ ಸಮಯ ಏಪ ಬರ್ಪುಂಡು ಎಂಚ ಬರ್ಪುಂಡು ಅಂದ್‌ದ್ ಎದುರು ತೂವೊಂದಿತ್ತೆರ್.

1 ಪೇತ್ರೆ 4:7

ಮಾತೆತ್ತ ಅಂತ್ಯ ಆಪಿನ ಕಾಲ ಮುಟ್ಟ ಬೈದ್‌ಂಡ್; ಅಂಚಾಯಿನೆಡ್ದ್ ಪ್ರಾರ್ಥನೆಗ್ ತಯಾರಾದ್ ಸ್ವಸ್ಥ ಬುದ್ಧಿಡ್ ಎಚ್ಚರಿಕೆ ಆದುಪ್ಪುಲೆ.

ಪ್ರಕಟಣೆ 22:20

ಉಂದು ಮಾತೆಕ್ಕ್‌ಲಾ ಸಾಕ್ಷಿ ಆದುಪ್ಪುನಾಯೆ ಪನ್ಪೆ, “ಅಂದ್, ಯಾನ್ ಬೇಗೊಡೇ ಬರೊಂದುಲ್ಲೆ.” ಆಮೆನ್, ಕರ್ತವೆ ಆದುಪ್ಪು ಯೇಸೋ, ಬಲ.

ಪ್ರಕಟಣೆ 22:7

“ಇಂದಾ, ಯಾನ್ ಬೇಗ ಬರ್ಪೆ. ಈ ಪುಸ್ತಕೊಡು ಬರೆತಿನ ಪ್ರವಾದನೆದ ಪಾತೆರೊಲೆನ್ ಕೈಕೊನುನಾಕುಲು ಭಾಗ್ಯವಂತೆರ್.”