ಫಿಲಿಪ್ಪಿಯೆರೆಗ್ 4:3 - ಪೊಸ ಒಡಂಬಡಿಕೆ

³ ಬೊಕ್ಕ ಎನ ನಿಜ ಜತೆಗಾರಾ, ಈ ರಡ್ಡ್ ಪೊಂಜೊವುಲೆಗ್ ಸಹಾಯ ಮಲ್ಪೊಡು ಅಂದ್‌ದ್ ನಿನನ್ಲಾ ಕೇನೊನ್ವೆ. ದಾಯೆಗಂದ್ಂಡ, ಬೇತೆಕ್ಲೆಗ್ ಸುವಾರ್ತೆ ತೆರಿಪಾವುನೆಟ್ ಅಕುಲು ಎನಡೊಪ್ಪ ಎಡ್ಡೆ ಬೇಲೆ ಮಲ್ತ್‌ದೆರ್. ಅಕುಲು ಕ್ಲೆಮೆಂತುಡೊಪ್ಪಲಾ ಎನ ಬೇತೆ ಜತೆಸೇವಕೆರೆಡೊಪ್ಪಲಾ ಎನ ಒಟ್ಟುಗು ಸುವಾರ್ತೆಗಾದ್ ಕಷ್ಟ ಬೈದೆರ್. ಅಕ್ಲೆನ ಮಾತೆರೆನ ಪುದರ್ ಜೀವಬಾಧ್ಯೆರೆ ಪುಸ್ತಕೊಡು ಬರೆದುಂಡು.

ಫಿಲಿಪ್ಪಿಯೆರೆಗ್ 4:3 Cross References

ಲೂಕೆ 10:20

ಆಂಡ ದೆವ್ವೊಲುಲಾ ಎಂಕ್ಲೆಗ್ ಅಡಿಯಾಳಾದುಂಡು ಅಂದ್‌ದ್ ಸಂತೋಷ ಮಲ್ಪಂದೆ, ಎಂಕ್ಲೆನ ಪುದರ್ ಪರಲೋಕೊಡು ಬರೆದುಂಡು ಅಂದ್‌ದ್ ಸಂತೋಷ ಪಡೆಲೆ,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 12:1

ಅಂಚಾದ್ ಸಹೋದ್ರೆರೇ, ದೇವೆರೆ ಕನಿಕರೊನು ನಿಕ್ಲೆನ ನೆನೆಪುಗು ಕನತ್‌ದ್ ನಿಕ್ಲೆಡ ನಟ್ಟೊನೊನು ದಾನೆಂದ್ಂಡ, ನಿಕುಲು ನಿಕ್ಲೆನ ಶರೀರೊಲೆನ್ ದೇವೆರೆಗ್ ಪರಿಶುದ್ಧಲಾ ಮೆಚ್ಚಿಗೆಲಾ ಆದುಪ್ಪು ಸಜೀವ ಯಜ್ಞದ ಬಲಿ ಆದ್ ಒಚ್ಚಿದ್ ಕೊರ್ಲೆ. ಉಂದೇ ನಿಕ್ಲೆನ ನಿಜವಾಯಿನ ಆರಾಧನೆ.

ರೋಮಾಯೆರೆಗ್ 16:12

ಕರ್ತವ ಸೇವೆಡುಪ್ಪುನ ತ್ರುಫೈನಗ್ಲಾ ತ್ರುಫೋಸಗ್ಲಾ ವಂದನೆಲು. ಕರ್ತವಗಾದ್ ಮಸ್ತ್ ಪ್ರಯಾಸ ಬುಡ್ತಿನ ಪ್ರೀತಿದ ಪೆರ್ಸೀಸಗ್ಲಾ ವಂದನೆ

ರೋಮಾಯೆರೆಗ್ 16:9

ಕ್ರಿಸ್ತ ಸೇವೆಡ್ ಎಂಕುಲೆ ಜತೆಸೇವಕೆ ಉರ್ಬಾನಗ್ಲಾ ಎನ ಪ್ರೀತಿದ ಸ್ತಾಖುಗ್ಲಾ ವಂದನೆಲು.

ಫಿಲಿಪ್ಪಿಯೆರೆಗ್ 1:12

ಸಹೋದ್ರೆರೇ, ಎಂಕ್ ಮೂಲು ಆದುಪ್ಪುನವು ಮಾತಲಾ ಸುವಾರ್ತೆದ ಪ್ರಚಾರೊಗು ಸಹಾಯ ಆಂಡ್ ಅಂದ್‌ದ್ ನಿಕುಲು ತೆರಿಯೊನೊಡು ಅಂದ್‌ದ್ ಎನ ಆಸೆ.

ಫಿಲಿಪ್ಪಿಯೆರೆಗ್ 1:16

ಮೊಕುಲಾಂಡಲಾ ಯಾನ್ ಸುವಾರ್ತೆನ್ ಒರಿಪಾವೆರೆಗಾದ್ ಯಾನ್ ಮೂಲು ಉಲ್ಲೆ ಅಂದ್‌ದ್ ತೆರಿಯೊಂದು ಪ್ರೀತಿಡ್ ಸುವಾರ್ತೆ ಸಾರಿಯುವೆರ್.

ಫಿಲಿಪ್ಪಿಯೆರೆಗ್ 1:27

ಎಂಚಿನಾಂಡಲಾ ನಿಕುಲು ಕ್ರಿಸ್ತನ ಸುರ್ವಾತೆಗ್ ಯೋಗ್ಯೆರಾದ್ ನಡಪುಲೆ. ಅಪಗ ಯಾನ್ ಕುಡ ನಿಕ್ಲೆ ಕೈತಲ್‌ ಬತ್ತ್‌ದ್ ನಿಕ್ಲೆನ್ ತೂಯೆಡಲಾ ಸರಿ, ದೂರೊಡ್ದು ಇತ್ತ್‌ದ್ ನಿಕ್ಲೆ ಸಂಗತಿಡ್ ಕೇಂಡಲಾ ಸರಿ, ನಿಕುಲು ನಿಕ್ಲೆ ವೈರಿಲೆಗ್ ವಾ ವಿಷಯೊಡ್ಲಾ ಪೋಡಿಯಂದೆ ಒಂಜೇ ಆತ್ಮೊಡು ದೃಢ ಉಂತುದು ಸುವಾರ್ತೆಡ್ ದೀತಿನ ನಂಬಿಕೆಗಾದ್ ಒಟ್ಟಾದ್ ಹೋರಾಟ ಮಲ್ಪುನಾಕುಲು ಆದುಲ್ಲರ್ ಅಂದ್‌ದ್ ಯಾನ್ ತೆರಿಯೊನ್ವೆ.

ಫಿಲಿಪ್ಪಿಯೆರೆಗ್ 1:7

ನಿಕ್ಲೆ ಮಾತೆರೆ ಕಡೆಕ್ಕ್ ಯಾನ್ ಇಂಚ ಎನ್ನುನವು ಸರಿಯಾದುಪ್ಪುನವೇ. ಯಾನ್ ಸೆರೆಮನೆಟ್ ಉಪ್ಪುನಗ ಸುವಾರ್ತೆದ ಸತ್ಯೊನು ದೃಢವಾದ್ ಸಾರಿನಗ ನಿಕುಲು ಎನಡೊಪ್ಪ ದೇವೆರೆ ದಯೊಟು ಪಾಲ್‌ದಾರೆರ್ ಆದುಲ್ಲರಂದ್‌ದ್ ನಿಕ್ಲೆನ್ ಎನ ಉಡಲ್‌ಡ್ ದೀವೊಂಡೆ.

ಫಿಲಿಪ್ಪಿಯೆರೆಗ್ 4:2

ಕರ್ತವಡ್ ಒಂಜೇ ಮನಸ್‌ದಾಕುಲು ಆದುಪ್ಪೊಡು ಅಂದ್‌ದ್ ಯುವೋದ್ಯಡಲಾ ಸಂತುಕೆಡಲಾ ನಟ್ಟೊನ್ವೆ.

ಕೊಲೊಸ್ಸಿಯೆರೆಗ್ 1:7

ಎಂಕುಲೆ ಪ್ರೀತಿದ ಜತೆಸೇವಕೆ ಆಯಿ ಎಪಫ್ರಡ್ದ್ ನಿಕುಲು ಈ ಸತ್ಯದ ಬೋಧನೆನ್ ಕಲ್ತೊಂಡರ್. ಆಯೆ ನಿಕ್ಲೆಗಾದ್ ಕ್ರಿಸ್ತನ ನಂಬಿಗಸ್ತೆ ಸೇವಕೆ ಆದುಲ್ಲೆ.

ಪ್ರಕಟಣೆ 13:8

ಲೋಕ ಉಂಡಾಪಿನೆಡ್ದ್ ದುಂಬೇ ಬಲಿಯಾಯಿ ಕುರಿಯಾದಿತ್ತಿನಾಯಡ ಉಪ್ಪು ಜೀವದ ಪುಸ್ತಕೊಡು ಏರೇರೆನ ಪುದರ್ ಬರೆತಿಜಾ, ಅಕುಲು ಐಕ್ ಆರಾಧನೆ ಸಂದಾವೆರ್.

ಪ್ರಕಟಣೆ 17:8

ಈ ತೂಯಿನ ಆ ಮೃಗ ಸುರುಟ್ಟು ಇತ್ತ್ಂಡ್, ಆಂಡ ಇತ್ತೆ ಇಜ್ಜಿ. ಆಂಡ ಪಾತಾಳೊಡ್ದು ಆಯೆ ಬೇಗೊಡು ಮಿತ್ತ್ ಬತ್ತ್‌ದ್ ನಿತ್ಯ ನಾಶನೊಗು ಪೋಪೆ. ಲೋಕ ಉಂಡಾಯಿನೆಡ್ದಿಂಚಿ ಏರೇರೆನ ಪುದರ್ ಜೀವಬಾಧ್ಯೆರೆ ಪುಸ್ತಕೊಡು ಬರೆತಿಜಾ, ಅಕುಲು ಈ ಮೃಗೊನು ತೂದು ಉಂದು ಸುರುಟ್ಟು ಇತ್ತ್ಂಡ್, ಇತ್ತೆ ಇಜ್ಜಿ, ಕುಡ ಬರ್ಪುಂಡು ಅಂದ್‌ದ್ ತೆರಿದ್ ಅಚ್ಚಿರ ಪಡೆವೆರ್.

ಪ್ರಕಟಣೆ 20:12

ಉಂದತ್ತಂದೆ ಸೈತ್ ಪೋತಿನ ಎಲ್ಯಾಕುಲುಲಾ ಮಲ್ಲಾಕುಲುಲಾ ಗದ್ದಿಗೆದ ಎದುರುಡು ಉಂತುದಿತ್ತಿನೆನ್ ತೂಯೆ. ಅಪಗ ಪುಸ್ತಕೊಲು ಜತ್ತ್ಂಡ್. ಬೊಕ್ಕ ನನೊಂಜಿ ಪುಸ್ತಕಲಾ ಜತ್ತ್ಂಡ್. ಅವು ಜೀವಬಾಧ್ಯೆರೆ ಪುಸ್ತಕ ಆ ಪುಸ್ತಕೊಲೆಡ್ ಬರೆದಿತ್ತಿ ಸಂಗತಿಲೆ ಆಧಾರೊಡ್ದು ಅಕುಲಾಕುಲೆ ಕ್ರಿಯೊಲೆ ಪ್ರಕಾರ ಸೈತಿನಾಕುಲೆಗ್ ನ್ಯಾಯತೀರ್ಪು ಆಂಡ್.

ಪ್ರಕಟಣೆ 20:15

ಏರೆನ ಪುದರ್ ಜೀವಬಾಧ್ಯೆರೆ ಪುಸ್ತಕೊಡು ಬರೆದಿತ್ತಿನವು ಇಜ್ಜಾಂಡ ಅಕ್ಲೆನ್ ತೂತ ಕೆರೆಕ್ ನೂಕುದು ಪಾಡ್ಯೆರ್.

ಪ್ರಕಟಣೆ 21:27

ಆಂಡ ಅಶುದ್ಧ ಕಾರ್ಯೊನು ಒವೆನ್ಲಾ ಪೊಗ್ಗೆರೆ ಬುಡ್ಪುಜೆರ್. ಅತ್ತ್‌ಡ ಪೇಸಿಗೆದಾಕುಲೆನ್ಲಾ, ಸುಳ್ಳು ಪನ್ಪಿನಾಕುಲೆನ್ಲಾ ಬುಡ್ಪುಜೆರ್. ಆಂಡ ಏರೇರೆನ ಪುದರುಲು ಯಜ್ಞದ ಕುರಿತ ಕಿನ್ನಿ ಆದುಪ್ಪುನಾಯನ ಜೀವಬಾಧ್ಯೆರೆ ಪುಸ್ತಕೊಡು ಬರೆದುಂಡಾ ಅಕುಲು ಮಾತ್ರ ಪಟ್ಟಣೊಗು ಸೇರುವೆರ್.

ಪ್ರಕಟಣೆ 3:5

ಗೆಂದಿನಾಯಗ್ ಬೊಲ್ದು ಕುಂಟು ಪೊದೆಪಾವೆರ್. ಯಾನ್ ಆಯನ ಪುದರ್‌ನ್ ಜೀವದ ಪುಸ್ತಕೊಡು ಮಾಜಾವಂದೆ ಆಯೆ ಎನ್ನಾಯೆ ಅಂದ್‌ದ್ ಎನ ಅಮ್ಮೆರೆ ಎದುರುಲಾ ಆಯ ದೂತೆರೆ ಎದುರುಲಾ ಒಪ್ಪಿಯೊನ್ವೆ.