ಫಿಲಿಪ್ಪಿಯೆರೆಗ್ 4:19 - ಪೊಸ ಒಡಂಬಡಿಕೆ

¹⁹ ದೇವೆರ್ ಕ್ರಿಸ್ತ ಯೇಸುಡು ನಂಕ್ ಕೊರ್ತಿನ ಮೈಮೆದ ಐಶ್ವರ್ಯೊಡು ತಕ್ಕ ಇತ್ತಿ ರೀತಿಡ್ ನಿಕ್ಲೆ ಮಾತ ಅಗತ್ಯೊನು ಬೋಡಿತ್ತಿಲೆಕ್ಕ ತೀರಿಸಾವೆ.

ಫಿಲಿಪ್ಪಿಯೆರೆಗ್ 4:19 Cross References

ಮತ್ತಾಯೆ 6:32

ನೆಕ್ಕ್ ಮಾತೆಕ್ ಪಿದಯಿದ ಜನೊಕುಲು ತುಲ್ಲುವೆರ್. ಉಂದು ಮಾತ ನಿಕ್ಲೆಗ್ ಬೋಡಂದ್‌ದ್ ಪರಲೋಕೊಡುಪ್ಪು ನಿಕ್ಲೆನ ಅಮ್ಮೆರೆಗ್ ತೆರಿದುಂಡು.

ಯೋಹಾನೆ 20:17

ಯೇಸು ಆಲೆಡ, “ಎನನ್ ಮುಟ್ಟೊಡ್ಚಿ ಯಾನ್ ಎನ ಅಮ್ಮೆರೆ ಕೈತಲ್‌ ನನಲಾ ಪೋತುಜಿ. ಈ ಎನ ಸಹೋದರೆರೆ ಕೈತಲ್‌ ಪೋದು, ‘ಯಾನ್ ಎನ ಅಮ್ಮೆಲಾ ನಿಕ್ಲೆ ಅಮ್ಮೆಲಾ ಬೊಕ್ಕ ಎನ ದೇವೆರ್‌ಲಾ ನಿಕ್ಲೆ ದೇವೆರ್‌ಲಾ ಆದುಪ್ಪುನಾಯ ಕೈತಲ್‌ ಏರ್ದ್ ಪೋವೊಂದುಲ್ಲೆ ಅಂದ್‌ದ್ ಅಕ್ಲೆಡ ಪನ್ಲ,’” ಪಂಡ್ದ್ ಪಂಡೆ.

ಯೋಹಾನೆ 20:27

ಐಡ್ದ್ ಬೊಕ್ಕ ತೋಮಗ್, “ನಿನ ಕೈ ಬಿರೆಲ್‌ನ್ ಇಂಚಿ ನೀಡ್ದ್ ಎನ ಕೈ ಮುಟ್ಟುದು ತೂಲ, ನಿನ ಕೈನ್ ನೀಡ್ದ್ ಎನ ಅಲ್ಲೆಡ್ ಪಾಡ್ಲ, ನಂಬಿಕೆದಾಂತಿನಾಯೆ ಆದುಪ್ಪಡ. ನಂಬುನಾಯೆ ಆಲ,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 1:8

ದುಂಬಾದ್ ಪನ್ಪಿನಿ ದಾನೆಂದ್ಂಡ, ನಿಕ್ಲೆನ ನಂಬಿಕೆ ಲೋಕೊಡು ಮಾತ ಕಡೆಟ್ಟ್ ತೆರಿದ್ ಬೈದಿನೆಡ್ದ್ ಯಾನ್ ನಿಕ್ಲೆಗಾದ್ ಯೇಸು ಕ್ರಿಸ್ತಡ್ ಎನ ದೇವೆರೆಗ್ ಉಪಕಾರ ಸಂದಾವೆ.

ರೋಮಾಯೆರೆಗ್ 11:33

ದೇವೆರೆ ಗೇನ, ವಿವೇಕ, ಐಶ್ವರ್ಯ ಏತೋ ಗುಂಡಿದವು! ಆಯ ತೀರ್ಮಾನೊಲೆನ್ ಗೆನ್ಪೆರೆ ತೀರಂದಿನವು, ಆಯ ಮಾರ್ಗೊಲು ನಾಡ್ ಪತ್ತಿಯೆರೆ ಸಾದ್ಯೆನೇ ಇಜ್ಜಿ.

ರೋಮಾಯೆರೆಗ್ 2:4

ಆಯನ ಮಲ್ಲ ಕನಿಕರ, ತಾಳ್ಮೆ, ಅಳಿಯಂದಿ ಶಾಂತಿನ್ ಈ ಅಸಡ್ಡೆ ಮಲ್ಪುವನಾ? ದೇವೆರ್ ಕನಿಕರದಾಯೆ ಪಂಡ್ದ್ ಈ ಕಂಡಿತಾ ತೆರಿದ. ದಾಯೆಗಂದ್ಂಡ, ಆಯೆ ನಿನನ್ ಪಶ್ಚಾತಾಪೊಗು ನಡಪುಡಿಯೆರೆ ಪ್ರಯತ್ನ ಮಲ್ಪುವೆ.

ರೋಮಾಯೆರೆಗ್ 8:18

ಇತ್ತೆದ ಕಾಲೊಲೆಡ್ ನಂಕಾಪಿನ ಕಷ್ಟೊಲು ನಂಕ್ ದುಂಬಗ್ ತಿಕ್ಕುನ ಮೈಮೆದ ಎದುರುಡು ದಾಲಾ ಅತ್ತ್ ಪಂಡ್ದ್ ಯಾನ್ ಎನ್ನುವೆ.

ರೋಮಾಯೆರೆಗ್ 9:23

ಬೊಕ್ಕ ಬಲ ಹೊಂದಿಯೆರೆ ತಾನ್ ಸುರುಟ್ಟೇ ತಯಾರ್ ಮಲ್ತ್‌ದಿನ ಕರುಣೆದ ರೂಪೊಡು ತನ ಮೈಮೆನ್ ತೋಜಾದೆ.

2 ಕೊರಿಂಥ್ಯೆರೆಗ್ 12:21

ಯಾನ್ ಕುಡೊರ ಬನ್ನಗ ಎನ ದೇವೆರ್ ನಿಕ್ಲೆ ಎದುರುಡು ಎನನ್ ತಗ್ಗಾವೆ. ದಾಯೆಗ್ ಪಂಡ ನಿಕ್ಲೆ ನಡುಟು ದುಂಬುದಲೆಕ್ಕ ಪಾಪ ಮಲ್ತ್‌ದ್ ಬಂಡ್‌ತನ, ಹಾದ್ರ, ಸೂಳೆಗಾರಿಕೆ ಮಲ್ತ್‌ದ್‌ಲಾ ಪಶ್ಚಾತಾಪ ಮಲ್ಪಂದಿನ ಮಸ್ತ್ ಜನೊಕುಲೆ ಸಂಗತಿಡ್ ದುಃಖ ಮಲ್ಪೊಡಾವು ಪನ್ಪಿನ ಪೋಡಿಗೆ ಎಂಕುಂಡು.

2 ಕೊರಿಂಥ್ಯೆರೆಗ್ 4:17

ದಾಯೆಗಂದ್ಂಡ, ಒಂತೆ ಸಮಯ ಮಾತ್ರ ಹಗುರಾದುಪ್ಪುನ ಎಂಕುಲೆ ಭಂಗ, ನಿತ್ಯ ಮೈಮೆದ ರಾಶಿನ್ ಎಂಕ್ಲೆಗ್ ಉಂಡು ಮಲ್ಪುಂಡು.

ಎಫೆಸ್ಯೆರೆಗ್ 1:18

ಈ ಗೇನದ ಬೊಲ್ಪು ನಿಕ್ಲೆ ಉಡಲ್‌ದ ಕಣ್ಣ್‌ನ್ ಜಪ್ಪಡ್. ಅಪಗ ಆಯೆ ತಾನ್ ಲೆತ್ತ್‌ದಿನ ದೇವಜನೊಕುಲೆಡ್, ತನ ಮೈಮೆದಲಾ ಐಶ್ವರ್ಯದಲಾ ಆಸ್ತಿ ಏತ್ ಅಂದ್‌ದ್‌ಲಾ ಬೊಕ್ಕ ನಿಕ್ಲೆಗುಪ್ಪುನ ನಿರೀಕ್ಷೆ ದಾನೆ ಪಂಡ್ದ್‌ಲಾ ನಿಕುಲು ತೆರಿಯೊನ್ವರ್.

ಎಫೆಸ್ಯೆರೆಗ್ 1:7

ಅಂಚಾಯಿನೆಡ್ದ್ ಆಯನ ನೆತ್ತೆರೆಡ್ದ್ ನಮ ಪಾಪೊಲು ಪರಿಹಾರ ಆದ್ ನಂಕ್ ಬುಡುಗಡೆ ಆಂಡ್. ಉಂದು ದೇವೆರೆನ ದಯತ ಐಶ್ವರ್ಯನೇ ಆದುಂಡು.

ಎಫೆಸ್ಯೆರೆಗ್ 3:16

ನಿಕುಲು ಅಂತರ್ಯೊಡು ದೇವೆರಾತ್ಮೊಡ್ದು ಮೈಮೆದ ಐಶ್ಚರ್ಯೊಡ್ದು ಬಲವಂತೆರ್ ಆವೊಡು ಪಂಡ್ದ್, ಯಾನ್ ಪ್ರಾರ್ಥನೆ ಮಲ್ಪುವೆ.

ಫಿಲಿಪ್ಪಿಯೆರೆಗ್ 4:7

ಅಪಗ ಮಾತ ಬುದ್ಧಿನ್ ಮೀರುನ ದೇವೆರೆ ಸಮಾಧಾನ ನಿಕ್ಲೆ ಉಡಲ್‌ನ್ಲಾ ನಿಕ್ಲೆ ಆಲೋಚನೆನ್ಲಾ ಕ್ರಿಸ್ತ ಯೇಸುಡು ಕಾತೊಂದುಪ್ಪುಂಡು.

ಕೊಲೊಸ್ಸಿಯೆರೆಗ್ 1:27

ದಾಯೆಗಂದ್ಂಡ ಕ್ರಿಸ್ತನ ಮೈಮೆಲಾ ಐಶ್ವರ್ಯಲಾ ಪಿದಯಿದ ಜನೊಕುಲೆಗ್ಲಾ ಉಂಡು ಇನ್ಪಿನೆನ್ ಅಕುಲುಲಾ ತೆರಿಯೊನೊಡು ಅಂದ್‌ದ್ ದೇವೆರ್ ಬಯಕಿಯೆ. ಈ ಮರ್ಮ ದಾನೆಂದ್ಂಡ ಕ್ರಿಸ್ತೆ ನಿಕ್ಲೆಡೊಪ್ಪ ಇತ್ತ್‌ದ್ ಮೈಮೆದ ನಿರೀಕ್ಷೆಗ್ ಉಪ್ಪುನವೇ.

ಕೊಲೊಸ್ಸಿಯೆರೆಗ್ 3:16

ಕ್ರಿಸ್ತನ ಪಾತೆರ ನಿಕ್ಲೆಡ್ ದಿಂಜಿದ್ ಉಪ್ಪಡ್. ಆಯೆ ಕೊರ್ಪಿನ ಮಾತ ಗೇನೊಡ್ದಾದ್ ಒರಿಯಡೊರಿ ಬೋಧನೆ ಮಲ್ಪುಲೆ, ಬುದ್ಧಿ ಪನೊಂದುಪ್ಪುಲೆ. ಕೀರ್ತನೆ, ರಾಗ, ಆತ್ಮಭಾವದ ಪದ ಮಲ್ತೊಂದು ಉಪಕಾರ ದಿಂಜಿದಿ ಉಡಲ್‌ಡ್ದ್ ದೇವೆರೆಗ್ ರಾಗ ಮಲ್ಪುಲೆ.

1 ಥೆಸಲೋನಿಕೆರೆಗ್‌ 2:12

ನಿಕ್ಲೆನ್ ತನ ರಾಜ್ಯೊಗ್ಲಾ ಮೈಮೆಗ್ಲಾ ಪಾಲ್‌ದಾರೆರ್ ಆಯೆರೆ ಲೆತ್ತಿ ದೇವೆರೆಗ್ ಯೋಗ್ಯಾದ್ ನಡತೊನೊಡು ಅಂದ್‌ದ್ ಕಂಡಿತಾದ್ ಪನ್ಪಿನೆನ್ ನಿಕುಲು ತೆರಿದುಲ್ಲರ್.

1 ತಿಮೋಥಿ 6:17

ಈ ಲೋಕದ ಐಶ್ವರ್ಯವಂತೆರೆಗ್ ಅಪ್ಪಣೆ ಕೊರೊಡು ದಾನೆಂದ್ಂಡ, ಅಕುಲು ಅಹಂಕಾರಿಲಾವಂದೆ, ತನ್ಕುಲೆ ಸ್ಥಿರದಾಂತಿ ಐಶ್ವರ್ಯದ ಮಿತ್ತ್ ಭರವಸ ದೀವಂದೆ, ನಮ ಸಂತೋಷಗಾದ್ ನಂಕ್ ಮಾತೆನ್ಲಾ ಧಾರಾಳವಾದ್ ಕೊರ್ಪಿನ ದೇವೆರೆ ಮಿತ್ತ್ ಭರವಸ ದೀವೊಡು.

ಫಿಲೆಮೋನುಗು 1:4

ಕರ್ತವೆ ಆದುಪ್ಪು ಯೇಸು ಮಿತ್ತ್ ದೀತಿನ ನಂಬಿಕೆನ್ಲಾ ದೇವಜನೊಕುಲೆ ಮಿತ್ತ್ ದೀತಿ ಪ್ರೀತಿದ ಸಂಗತಿಡ್ಲಾ ಕೇಂಡ್ದ್, ಯಾನ್ ಪ್ರಾರ್ಥನೆ ಮಲ್ಪುನಾತ್ ಸರ್ತಿ ನಿನನ್ ನೆನೆಪು ಮಲ್ತೊಂದು ಯಾನ್ ದೇವೆರೆಗ್ ಏಪಲಾ ಉಪಕಾರ ಮಲ್ತ್‌ದ್ ನಿಕ್ಲೆಗಾದ್ ದೇವೆರೆಡ ನಟ್ಟೊನ್ವೆ.

1 ಪೇತ್ರೆ 5:1

ಸಭೆತ ಹಿರಿಯಾಕುಲೇ, ನಿಕ್ಲೆನ ಜತೆ ಹಿರಿಯಾಯೆ ಆಯಿ ಯಾನ್ ಕ್ರಿಸ್ತ ಶ್ರಮೆಲೆಡ್ ಸಾಕ್ಷಿದಾಯೆ; ನನ ದುಂಬು ತೋಜಿದ್ ಬರ್ಪಿ ಮೈಮೆಡ್ ಪಾಲ್‌ದಾರೆ ಆಯಿ ಯಾನ್ ನಿಕ್ಲೆನ್ ಉತ್ತೇಜನ ಮಲ್ತ್‌ದ್ ಪನ್ಪಿನಿ ದಾನೆ ಪಂಡ,

1 ಪೇತ್ರೆ 5:10

ಯೇಸು ಕ್ರಿಸ್ತಡ್ ಒಂಜಾದುಪ್ಪು ನಿಕ್ಲೆನ್ ತನ ನಿತ್ಯ ಮೈಮೆಗ್ ಲೆತ್ತಿ ಪೂರ್ತಿ ದಯತ ದೇವೆರ್, ಒಂತೆ ಸಮಯ ಸಂಕಟ ಬತ್ತಿ ಬೊಕ್ಕ ನಿಕ್ಲೆನ್ ತಕ್ಕ ಸ್ಥಿತಿಗ್ ಕನತ್‌ದ್ ದೃಢ ಮಲ್ತ್‌ದ್, ಬಲ ಪಡೆಪಾವೆ.