ಫಿಲಿಪ್ಪಿಯೆರೆಗ್ 4:17 - ಪೊಸ ಒಡಂಬಡಿಕೆ

¹⁷ ನಿಕ್ಲೆಡ್ದ್ ಎಂಕ್ ಸಹಾಯ ಬೋಡಂದ್‌ದ್ ಈ ಪಾತೆರ ಪನೊಂದಿಜ್ಜಿ. ಆಂಡ ನಿಕ್ಲೆ ಲೆಖ್ಖೊಗು ಬೂರು ಉಡಿಗೆರೆ ಹೆಚ್ಚಾವೊಡು ಅಂದ್‌ದ್ ಬಯಕುವೆ. ಇತ್ತೆ ಎಂಕ್ ಬೋಡಾಪಿನಾತ್ ಎನಡ ದಾರಾಳ ಆದುಂಡು.

ಫಿಲಿಪ್ಪಿಯೆರೆಗ್ 4:17 Cross References

ಯೋಹಾನೆ 15:16

ನಿಕುಲು ಎನನ್ ಅಜತ್‌ದ್ ದೆತ್ತೊಂದಿಜರ್, ಆಂಡ ಯಾನ್ ನಿಕ್ಲೆನ್ ಅಜತ್‌ದ್ ದೆತ್ತೊಂದೆ. ನಿಕುಲು ಪೋದು ಫಲ ಕೊರ್ಪಿನಾಕುಲು ಆದುಪ್ಪೊಡು ಅಂದ್‌ದ್‌ಲಾ ನಿಕುಲು ಕೊರ್ಪಿನ ಫಲ ನಿಲೆಯಾದುಪ್ಪುಲೆಕ್ಕ ನಿಕ್ಲೆನ್ ನೇಮಕ ಮಲ್ತ್‌ದೆ. ಇಂಚ ಉಪ್ಪುನಗ ಎನ ಪುದರ್‌ಡ್ ಅಮ್ಮೆರೆಡ ಒವೆನ್ ಕೇನೊಂಡಲಾ ಆಯೆ ನಿಕ್ಲೆಗ್ ಕೊರ್ಪೆ.

ಯೋಹಾನೆ 15:8

ನಿಕುಲು ಹೆಚ್ಚ್ ಫಲ ಕೊರ್ಪಿನೆಡ್ದೇ ಎನ ಅಮ್ಮೆರೆಗ್ ಮೈಮೆ ಉಂಡಾಪುಂಡು, ಅವೆಡ್ದ್ ನಿಕುಲು ಎನ ಶಿಷ್ಯೆರಂದ್‌ದ್ ತೋಜಾವುಂಡು.

ರೋಮಾಯೆರೆಗ್ 15:28

ಯಾನ್ ಈ ಬೇಲೆನ್ ಮುಗಿತ್‌ದ್ ಈ ಪ್ರೀತಿದ ಫಲೊನು ಅಲ್ತಕುಲೆನ ವಶೊಕ್ಕು ಕೊರಿ ಬೊಕ್ಕ ಅಲ್ತ್‌ಡ್ದ್ ಸ್ಪೇನ್ ದೇಶೊಗು ಪೋಪೆ.

2 ಕೊರಿಂಥ್ಯೆರೆಗ್ 11:16

ಯಾನ್ ಬುದ್ಧಿದಾಂತಿನಾಯೆ ಅಂದ್‌ದ್ ಏರ್ಲಾ ಎನನ್ ಎನ್ನಿಯೆರೆ ಬಲ್ಲಿ ಅಂದ್‌ದ್ ಕುಡೊರ ಪನ್ಪೆ. ಒಂಜಿ ವೇಳೆ ಅಂಚ ಎನ್ನಿಯರ್ಡಲಾ ಎನನ್ ಬುದ್ಧಿದಾಂತಿನಾಯೆ ಅಂದ್‌ದ್ ಸ್ವೀಕಾರ ಮಲ್ಪಡ್. ಅಪಗ ಎಂಕ್ ಒಂತೆ ಪುಗರೊನಿಯೆರೆಗ್ ಆಪುಂಡು.

2 ಕೊರಿಂಥ್ಯೆರೆಗ್ 9:5

ಅಂಚಾಯಿನೆಡ್ದ್ ಈ ಸಹೋದ್ರರೆನ್ ದುಂಬತ್ತ ನಿಕ್ಲೆನಡೆಗ್ ಬತ್ತ್‌ದ್ ನಿಕುಲು ಸುರುಟ್ಟೆ ವಾಗ್ದಾನ ಮಲ್ತಿನ ಕಾಣಿಕೆನ್ ತಯಾರ್ ಮಲ್ಪೆರೆ ನಿಕ್ಲೆಗ್ ಸಹಾಯ ಮಲ್ಪುಲೆಕ್ಕ ಅಕ್ಲೆನ್ ಒತ್ತಾಯ ಮಲ್ಪುನವು ಅವಶ್ಯ ಅಂದ್‌ದ್ ಯಾನ್ ಎನ್ನಿಯೆ. ಅಂಚ ಈ ಕಾಣಿಕೆ ಸುಲಿಗೆ ಅಂದ್‌ದ್ ಆವಂದೆ, ಅವು ಮನಪೂರ್ವಕದ ಕಾಣಿಕೆ ಪಂಡ್ದಾಪುಂಡು.

ಫಿಲಿಪ್ಪಿಯೆರೆಗ್ 1:11

ಯೇಸು ಕ್ರಿಸ್ತಡ್ದ್ ಆಪಿ ನೀತಿದ ಫಲ ನಿಕ್ಲೆಡ ಏಪಲಾ ದಿಂಜಿದ್ ತೋಜಿದ್ ಬರಡ್ ಪಂಡ್ದ್‌ಲಾ ದೇವೆರೆಗ್ ದಿಂಜ ಮೈಮೆಲಾ ಸ್ತುತಿಲಾ ಸಂದಾವೊಡು ಪಂಡ್ದ್‌ಲಾ ನಟ್ಟೊನ್ವೆ.

ಫಿಲಿಪ್ಪಿಯೆರೆಗ್ 4:11

ಎಂಕ್ ಕೊರತೆ ಉಂಡು ಅಂದ್‌ದ್ ಉಂದೆನ್ ಪನ್ಪುಜಿ, ಮಾತ ಪರಿಸ್ಥಿತಿಡ್ಲಾ ಯಾನ್ ತೃಪ್ತಿಡುಪ್ಪೆರೆ ಕಲ್ತೊಂದೆ.

1 ಥೆಸಲೋನಿಕೆರೆಗ್‌ 2:5

ಉಂದು ನಿಕ್ಲೆಗ್ ಸರಿಯಾದ್ ತೆರಿದುಪ್ಪುಲೆಕ್ಕ ಎಂಕ್ಲೆನ ಈ ಬೋಧನೆ ಕಾಲಿ ಬಡಾಯಿ ಕೊಚ್ಚುನ ಪಾತೆರೊಲೆಡ್ದ್‌ಲಾ ಕಾಸ್‌ದ ಆಸೆಗ್ ಬೋಡಾದ್ ವೇಷ ಪಾಡೊಂದುಲಾ ಬೈದಿನಿ ಅತ್ತ್, ಉಂದೆಕ್ಕ್ ದೇವೆರೇ ಸಾಕ್ಷಿ.

1 ತಿಮೋಥಿ 3:3

ಆಯೆ ಪರ್ದ್ ಅಮಲೇರಿನಾಯೆಲಾ ಲಡಯಿ ಮಲ್ಪುನಾಯೆಲಾ ಆದುಪ್ಪಂದೆ ಸಜ್ಜನೆ ಆದುಪ್ಪೊಡು. ಪೊಕ್ಕಡೆ ತರ್ಕಮಲ್ಪಂದಿನಾಯೆಲಾ ಕಾಸ್‌ದಾಸೆದಾಂತಿನಾಯೆಲಾ ಆದುಪ್ಪೊಡು.

1 ತಿಮೋಥಿ 6:10

ದಾಯೆಗಂದ್ಂಡ ಕಾಸ್‌ದಾಸೆ ಮಾತ ದುಷ್ಟತನೊಕು ಬೇರ್ ಆದುಂಡು. ಐಕ್ ಕೆಲೆವೆರ್ ಮನಸ್ ದೀದ್ ಕ್ರಿಸ್ತನ ಮಿತ್ತ್‌ದ ನಂಬಿಕೆಡ್ ಸಾದಿ ತತ್ತ್ ಪೋಯಿನಕುಲಾದ್, ತನ್ಕುಲೆಗ್ ದಿಂಜ ಬೇನೆ ಮಲ್ತೊಂಡೆರ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:7

ಒರಿ ಸಭಾದ್ಯಕ್ಷೆ ದೇವೆರೆ ಇಲ್ಲದ ಪಾರುಪತ್ತೆಗಾರೆ ಆದುಲ್ಲೆ. ಅಂಚಾದ್ ಆಯೆ ದೂರುದಾಂತಿನಾಯೆ ಆದುಪ್ಪೊಡು. ಆಯೆ ಛಲತಾಯೆಲಾ ಎದುರು ಕೋಪ ಮಲ್ಪುನಾಯೆಲಾ ಪರ್ದ್ ಲಡಯಿ ಮಲ್ಪುನಾಯೆಲಾ ಪೆಟ್ಟು ಪಾಡುನಾಯೆಲಾ ದುಡ್ಡುದಾಶೆದಾಯೆಲಾ ಆದುಪ್ಪೆರೆ ಬಲ್ಲಿ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:14

ನಮ್ಮ ಜನೊಕುಲು ಫಲದಾಂತಿನಾಕುಲು ಆದುಪ್ಪಂದಿಲೆಕ್ಕ ಬೋಡಿತ್ತಿ ಸಂಗತಿಲೆಗಾದ್ ಎಡ್ಡೆ ಬೇಲೆಲೆನ್ ಮಲ್ಪೆರೆ ಕಲ್ತೊನಡ್.

ಇಬ್ರಿಯೆರೆಗ್ 6:10

ನಿಕುಲು ದೇವಜನೊಕುಲೆಗ್ ಉಪಚಾರ ಮಲ್ತ್‌ದರ್ ನನಲಾ ಮಲ್ತೊಂದುಲ್ಲರ್. ಈ ಕೆಲಸೊನ್ಲಾ ನೆಟ್ಟ್ ನಿಕುಲು ದೇವೆರೆನ ಪುದರ್‌ದ ಮಿತ್ತ್ ತೋಜಾಯಿನ ಪ್ರೀತಿನ್ಲಾ ಆಯೆ ಮದತ್‌ದ್ ಬುಡ್ಪುಜೆ, ದಾಯೆಗ್ ಪಂಡ ದೇವೆರ್ ಅನ್ಯಾಯಗಾರೆ ಅತ್ತ್.

1 ಪೇತ್ರೆ 5:2

ನಿಕ್ಲೆನ ವಶೊಟು ಕೊರ್ತಿನ ದೇವೆರೆ ಪುಂಡುನು ಕಾಪುಲೆ. ಬಲಾತ್ಕಾರೊಡ್ದು ಅತ್ತ್ ದೀನ ಮನಸ್‌ಡ್ದೇ, ದುಡ್ಡುದ ಆಸೆಡ್ದ್ ಅತ್ತ್, ಯಥಾರ್ಥ ಮನಸ್‌ಡ್ದ್ ಸೇವೆ ಮಲ್ಪುಲೆ.

2 ಪೇತ್ರೆ 2:15

ಅಕುಲು ಸರ್ತ ಸಾದಿಡ್ದ್ ತೇಲಾದ್ ಬೆಯೋರನ ಮಗೆ ಬಿಳಾಮನ ಮಾರ್ಗೊಡು ಸಾಗ್‌ದ್ ತತ್ತ್‌ದ್ ಪೋತೆರ್. ಈ ಬಿಳಾಮೆ ಅನ್ಯಾಯೊಡು ತಿಕ್ಕುನ ದುಡ್ಡುನು ಪ್ರೀತಿ ಮಲ್ತೆ.

2 ಪೇತ್ರೆ 2:3

ಅಕುಲು ದುರಾಶೆಡ್ ಕೂಡ್ದಿನಕುಲಾದ್ ನಿಕ್ಲೆನ ದುಡ್ಡುನು ಒಯ್ಪೆರೆಗಾದ್ ಸುಳ್ಳುನು ಕಲ್ಪನೆ ಮಲ್ತ್‌ದ್ ಪನ್ಪೆರ್, ಆಂಡ ದೇವೆರ್ ಅಕ್ಲೆನ್ ಏಪನೇ ದೋಷಿಲಂದ್‌ದ್ ನ್ಯಾಯತೀರ್ಪು ಮಲ್ತ್‌ದೆ. ಬೊಕ್ಕ ಅಕ್ಲೆನ ನಾಶನ ತಡದಾಂತೆ ಬರ್ಪುಂಡು.

ಯೂದೆ 1:11

ಮೊಕುಲು ಮೆಗ್ಯನ್ ಕೆರ್ತಿ ಕಾಯಿನನ ಮಾರ್ಗೊಡು ನಡಪುವೆರ್, ದ್ರವ್ಯ ಸಂಪಾದನೆಗಾದ್ ಬಿಳಾಮನ ತಪ್ಪು ಮಾರ್ಗೊನು ಪತ್ತೊಂದೆರ್, ಕೋರಹ ಲೆಕ್ಕನೇ ದಂಗೆ ಮಲ್ತ್‌ದ್ ನಾಶಾದ್ ಪೋಪೆರ್. ಅಯ್ಯೋ ಮೊಕ್ಲೆನ ಗತಿ ದಾನೆ ಆವು?