ಫಿಲಿಪ್ಪಿಯೆರೆಗ್ 4:1 - ಪೊಸ ಒಡಂಬಡಿಕೆ

¹ ಅಂಚಾಯಿನೆಡ್ದ್ ಎನ ಪ್ರೀತಿದ ಇಷ್ಟೆರಾಯಿ ಸಹೋದ್ರೆರೇ, ಎಂಕ್ ಸಂತೋಷಲಾ ಜಯಮಾಲೆಲಾ ಆದುಪ್ಪುನಾಕುಲೇ, ಯಾನ್ ಪಂಡಿಲೆಕ್ಕ ಕರ್ತವಡ್ ದೃಢವಾದ್ ಉಂತುಲೆ.

ಫಿಲಿಪ್ಪಿಯೆರೆಗ್ 4:1 Cross References

ಮತ್ತಾಯೆ 10:22

ಬೊಕ್ಕ ಎನ ಪುದರ್‌ಗಾದ್ ಮಾತೆರ್ಲಾ ನಿಕ್ಲೆನ್ ಪಗೆ ಮಲ್ಪುವೆರ್. ಆಂಡ ಕಡೆ ಮುಟ್ಟ ತಾಳೊನುನಾಯಗ್ ರಕ್ಷಣೆ ಆವು.

ಯೋಹಾನೆ 8:31

ಅಪಗ ಯೇಸು ತನನ್ ನಂಬುದಿನ ಯೆಹೂದ್ಯೆರೆಡ, “ನಿಕುಲು ಎನ ಪಾತೆರೊಲೆಡ್ ನಿಲೆ ಆದಿತ್ತರ್ಡ, ನಿಜಾದ್ ಎನ ಶಿಷ್ಯೆರಾದ್ ಸತ್ಯೊನು ತೆರಿಯೊನ್ವರ್.

ಅಪೊ.ಕ್ರಿ 11:23

ಆಯೆ ಎಡ್ಡೆಂತಿನಾಯೆಲಾ ಪರಿಶುದ್ಧಾತ್ಮನ್ ಹೊಂದಿನಾಯೆಲಾ ನಂಬಿಕೆಡ್ ದಿಂಜಿದಿನಾಯೆಲಾ ಆದಿತ್ತೆ. ಅಂಚಾಯಿನೆಡ್ದ್ ಅಡೆಗ್ ಬತ್ತ್‌ದ್ ದೇವೆರೆನ ದಯತ ಕಾರ್ಯೊಲೆನ್ ತೂದು ಸಂತೋಷ ಪಡೆದ್ ನಿಕುಲು ದೃಢ ಮನಸ್‌ಡ್ದ್ ಕರ್ತವಡ್ ನಿಲೆ ಆದುಪ್ಪೊಡು ಅಂದ್‌ದ್ ಮಾತೆರೆಗ್ಲಾ ಉಮೇದ್ ಕೊರಿಯೆ. ಅಪಗ ಮಸ್ತ್ ಜನ ಕರ್ತವಡ್ ಸೇರೊಂಡೆರ್.

ಅಪೊ.ಕ್ರಿ 14:22

ಶಿಷ್ಯೆರ್‌ನ ಉಡಲ್‌ನ್ ದೃಢ ಮಲ್ತ್‌ದ್ ನಂಬಿಕೆಡ್ ನಿಲೆ ಆದುಪ್ಪುಲೆ ಪಂಡ್ದ್ ಉಮೇದ್ ಕೊರಿಯೆರ್, ಬೊಕ್ಕ ನಮ ಬಾರಿ ಸಂಕಟ ತಾಳ್‌ದ್ ದೇವೆರೆ ರಾಜ್ಯೊಗು ಸೇರೊಡು ಅಂದ್‌ದ್ ಬೋಧನೆ ಕೊರಿಯೆರ್.

ಅಪೊ.ಕ್ರಿ 2:42

ಮೊಕುಲು ಅಪೊಸ್ತಲೆರೆನ ಬೋಧನೆನ್ ಕೇನುನೆಟ್ಲಾ ಸಹೋದ್ರೆರೆನ ಅನ್ಯಮನ್ಯೊಡು ರೊಟ್ಟಿ ಪೊಲ್ಪುನೆಟ್ಲಾ ಪ್ರಾರ್ಥನೆಡ್ಲಾ ನಿಲೆ ಆದಿತ್ತೆರ್.

ರೋಮಾಯೆರೆಗ್ 2:7

ಏರ್ ಮೈಮೆ, ಮಾನ, ತಾಳ್ಮೆಲೆನ್ ಪಡೆಯೊಡು ಪಂಡ್ದ್ ಎಡ್ಡೆಂತಿನೆನ್ ಬೇಜಾರ್‌ದಾಂತೆ ಮಲ್ಪುವೆರಾ ಅಕ್ಲೆಗ್ ನಿತ್ಯಜೀವೊನು ಕೊರ್ಪೆ.

1 ಕೊರಿಂಥ್ಯೆರೆಗ್ 15:58

ಅಂಚಾಯಿನೆಡ್ದ್ ಎನ ಪ್ರೀತಿದ ಸಹೋದ್ರೆರೇ, ನಿಕುಲು ಸ್ಥಿರಚಿತ್ತೊಡ್ಲಾ ದೃಢಾದ್‌ಲಾ ಉಪ್ಪುಲೆ. ನಿಕುಲು ಕರ್ತವ ಪುದರ್‌ಡ್ ಮಲ್ಪು ಪ್ರಯಾಸ ವ್ಯರ್ಥ ಆಪುಜಿ ಅಂದ್‌ದ್ ಎನ್ನೊಂದು ಕರ್ತವ ಕೆಲಸೊಲೆನ್ ಏಪಲಾ ಮಸ್ತ್ ಆಸಕ್ತಿಡ್ ಮಲ್ಪುಲೆ.

1 ಕೊರಿಂಥ್ಯೆರೆಗ್ 16:13

ಎಚ್ಚರಿಕೆ ಆದುಪ್ಪುಲೆ; ಕ್ರಿಸ್ತ ನಂಬಿಕೆಡ್ ದೃಢಾದ್ ಉಂತುಲೆ. ಬಲಿಷ್ಟೆರಾದುಪ್ಪುಲೆ.

ಗಲಾತ್ಯೆರೆಗ್ 5:1

ಕ್ರಿಸ್ತೆ ನಮನ್ ಸ್ವತಂತ್ರದಾಕುಲು ಆದುಪ್ಪೆರೆ ಬುಡುಗಡೆ ಮಲ್ತ್‌ದೆ. ನಿಕುಲು ಐಟ್ಟೇ ನಿಲೆ ಆದುಪ್ಪುಲೆ, ಕುಡೊರ ಗುಲಾಮತನತ ನುಗೊಟು ತಿಕ್ಕ್‌ದ್ ಬೂರಡೆ.

ಫಿಲಿಪ್ಪಿಯೆರೆಗ್ 1:27

ಎಂಚಿನಾಂಡಲಾ ನಿಕುಲು ಕ್ರಿಸ್ತನ ಸುರ್ವಾತೆಗ್ ಯೋಗ್ಯೆರಾದ್ ನಡಪುಲೆ. ಅಪಗ ಯಾನ್ ಕುಡ ನಿಕ್ಲೆ ಕೈತಲ್‌ ಬತ್ತ್‌ದ್ ನಿಕ್ಲೆನ್ ತೂಯೆಡಲಾ ಸರಿ, ದೂರೊಡ್ದು ಇತ್ತ್‌ದ್ ನಿಕ್ಲೆ ಸಂಗತಿಡ್ ಕೇಂಡಲಾ ಸರಿ, ನಿಕುಲು ನಿಕ್ಲೆ ವೈರಿಲೆಗ್ ವಾ ವಿಷಯೊಡ್ಲಾ ಪೋಡಿಯಂದೆ ಒಂಜೇ ಆತ್ಮೊಡು ದೃಢ ಉಂತುದು ಸುವಾರ್ತೆಡ್ ದೀತಿನ ನಂಬಿಕೆಗಾದ್ ಒಟ್ಟಾದ್ ಹೋರಾಟ ಮಲ್ಪುನಾಕುಲು ಆದುಲ್ಲರ್ ಅಂದ್‌ದ್ ಯಾನ್ ತೆರಿಯೊನ್ವೆ.

ಫಿಲಿಪ್ಪಿಯೆರೆಗ್ 1:8

ಯಾನ್ ಕ್ರಿಸ್ತ ಯೇಸುಡುಪ್ಪುನ ಕನಿಕರೊಡು ನಿಕ್ಲೆನ್ ಏತೋ ಬಯಕುವೆ ಅಂದ್‌ದ್ ಉಂದೆಕ್ಕ್ ದೇವೆರೇ ಸಾಕ್ಷಿ.

ಫಿಲಿಪ್ಪಿಯೆರೆಗ್ 2:26

ಆಯೆ ನಿಕ್ಲೆನ್ ತೂವೊಡು ಅಂದ್‌ದ್ ಆಸೆ ಮಲ್ಪುವೆ, ಆಂಡ ತಾನ್ ಸೌಖ್ಯದಾಂತಿನೆನ್ ನಿಕುಲು ಕೇಂಡ್ದರ್ ಅಂದ್‌ದ್ ತೆರಿದ್ ಆಯಗ್ ಬೇಜಾರ್ ಆಂಡ್.

ಕೊಲೊಸ್ಸಿಯೆರೆಗ್ 4:12

ಕ್ರಿಸ್ತ ಯೇಸುನ ಸೇವಕೆ ಆಯಿ ನಿಕ್ಲೆ ಊರುದಾಯೆ ಎಪಫ್ರೆ ತನ ವಂದನೆಲೆನ್ ತೆರಿಪಾದೆ. ಆಯೆ ಪ್ರಾರ್ಥನೆ ಮಲ್ತೊಂದುಪ್ಪುನಗ ನಿಕ್ಲೆಗ್ ಬೋಡಾದ್ ಹೋರಾಟ ಮಲ್ತೊಂದು ನಿಕುಲು ತಿಳುವಳಿಕೆ ಇತ್ತಿನಕುಲಾದ್ ಮಾತೆಟ್ಟ್ ದೇವೆರೆ ಚಿತ್ತೊಗು ಒಳಗಾದ್ ದೃಢ ನಿಚ್ಚಯೊಡು ನಿಲೆ ಆಪಿಲೆಕ್ಕ ಆಸಕ್ತಿಡ್ ನಟ್ಟೊಂದುಲ್ಲೆ.

1 ಥೆಸಲೋನಿಕೆರೆಗ್‌ 3:13

ನಮ ಕರ್ತವೆ ಆದುಪ್ಪು ಯೇಸು ನಿಕ್ಲೆ ಉಡಲ್‌ನ್ ದೃಢ ಮಲ್ತ್‌ದ್ ತನ ಮಾತ ಭಕ್ತೆರೆಡೊಪ್ಪ ಬನ್ನಗ, ನಮ ಅಮ್ಮೆ ಆದುಪ್ಪು ದೇವೆರೆ ಎದುರು ನಿಕುಲು ಪರಿಶುದ್ಧೆರಾದ್, ಕಲೆದಾಂತೆ ಉಪ್ಪುಲೆಕ್ಕ ಮಲ್ಪಡ್.

2 ಥೆಸಲೋನಿಕೆರೆಗ್‌ 2:15

ಅಂಚಾದ್ ಸಹೋದ್ರೆರೇ, ನಿಕುಲು ಎಂಕುಲೆ ಪಾತೆರೊಡ್ದುಲಾ ಪತ್ರಿಕೆಡ್ದ್‌ಲಾ ನಿಕ್ಲೆಗ್ ಕಲ್ಪಾದಿನ ಸತ್ಯೊನು ಪತ್ತೊಂದು ಐತ ಮಿತ್ತ್ ಗಟ್ಟಿಯಾದ್ ಉಂತುಲೆ.

2 ತಿಮೋಥಿ 2:1

ಎನ ಮಗೆ ಆದುಪ್ಪು ತಿಮೋಥಿ, ಈ, ಕ್ರಿಸ್ತ ಯೇಸುಡು ಉಪ್ಪು ದಯೊಟು ಬಲ ಪಡೆಲ.

ಇಬ್ರಿಯೆರೆಗ್ 10:23

ನಮ ನಿರೀಕ್ಷೆದ ಸಂಗತಿಡ್ ನಮ ಮಲ್ತಿನ ವಾಗ್ದಾನೊನು ಚಂಚಲಾವಂದೆ ದೃಢಾದ್ ಪತ್ತೊನುಗ. ವಾಗ್ದಾನ ಮಲ್ತಿನಾಯೆ ನಂಬಿಗಸ್ತೆ.

ಇಬ್ರಿಯೆರೆಗ್ 3:14

ಸುರುಡ್ದಿಂಚಿ ಇತ್ತಿನ ಭರವಸೊನು ಕಡೆ ಮುಟ್ಟಲಾ ಗಟ್ಟಿಯಾದ್ ಪತ್ತೊನುವಡ ಕ್ರಿಸ್ತಡ ಪಾಲ್‌ದಾರೆರ್ ಆದುಲ್ಲತ್ತಾ.

ಇಬ್ರಿಯೆರೆಗ್ 4:14

ಪರಲೋಕೊಲೆನ್ ದಾಂಟ್‌ದ್ ಪೋಯಿ ದೇವೆರೆ ಮಗೆ ಯೇಸು ಇನ್ಪಿನಾಯೆ, ಪ್ರಧಾನಯಾಜಕೆ ನಂಕ್ ಉಪ್ಪುನೆಡ್ದ್ ನಮ ಮಲ್ತ್‌ದಿನ ಅರಿಕೆನ್ ಗಟ್ಟಿ ಪತ್ತೊನುಗ.

2 ಪೇತ್ರೆ 3:17

ಅಂಚಾಯಿನೆಡ್ದ್ ಪ್ರೀತಿದಾಕುಲೇ, ನಿಕುಲು ಈ ಸಂಗತಿಲೆನ್ ದುಂಬೇ ತೆರಿದಿನೆಡ್ದಾವರ ದುಷ್ಟೆರೆ ಮೋಸೊಡು ತಿಕೊಂದು ದೃಢವಾಯಿನ ನಂಬಿಕೆನ್ ಬುಡ್ದು ಪಿರ ಬೂರಂದಿಲೆಕ್ಕ ನಿಕ್ಲೆನ್ ಕಾತೊನ್ಲೆ.